ՀՌՀ-ն բաշխեց հանրապետական սլոթերի համար դիմած հեռուստաընկերությունների միավորները
Հեռուստատեսության եւ ռադիոյի հանձնաժողովի անդամներն այսօր՝ հունվարի 15-ին, փակ եւ գաղտնի ռեժիմով բաշխեցին հանրապետական եւ մայրաքաղաքային սփռման սլոթերի համար դիմած հեռուստաընկերությունների միավորները:
Մրցույթի վերջնական արդյունքները կամփոփվեն երեք օրվա ընթացքում:
Հանրապետական ծածկույթի համար հայտարարվել էր 6 սլոթ, իսկ մայրաքաղաքային ծածյկույթի համար՝ 9 սլոթ: ՀՌՀ նախագահ Տիգրան Հակոբյանն իր խոսքում նշեց, որ դեկտեմբերի 30-ին կնքվել է միջկառավարական պայմանագիր Հայաստանի եւ Ռուսաստանի միջեւ. որի համաձայն ռուսական մեկ հեռուստաալիք ստանում է հանրապետական ծածկույթ, եւս երկուսը՝ մայրաքաղաքային ծածկույթի արտոնագիր, առանց լիցենզիայի, ըստ այդմ էլ` հանրապետական լսոթերը դառնում են 5, իսկ մայրաքաղաքային սլոթերը՝ 7:
Ստորեւ ներկայացնում ենք վերջնական արդյունքում մրցույթին մասնակցում են հետեւյալ հեռուստաընկերությունները եւ նրանց ստացած միավորները.
«Արմնյուզ» ՓԲԸ – 613 միավոր,
«Հայկական երկրորդ հեռուստաալիք» ՍՊԸ-ն - 626 միավոր,
«Շարք» ՍՊԸ-ն (5-րդ ալիք) – 657 միավոր,
«Մուլտիմեդիա կենտրոն TV» ՍՊԸ-ն – 663 միավոր,
«Արմենիա TV» ՓԲԸ-ն – 723 միավոր,
ATV ՍՊԸ-ն – 670 միավոր,
Freenews ՍՊԸ-ն – 531 միավոր,
«Մելտեքս» ՍՊԸ-ն (Ա1+) – 545 միավոր,
«Հուսաբեր» ՓԲԸ-ն (Երկիր Մեդիա) – 688 միավոր
«Շանթ» ՍՊԸ-ն – 680 միավոր: