Մոսկվան Թուրքիային ցույց է տալիս կարմիր գծերը, Անկարան խորամանկ պայման է դնում

Երեկ Սոչիում դարձյալ առանց Հայաստանի՝ Արցախն ու տարածաշրջանային իրադրությունը քննարկեցին...

Սոչի մեկնելուց առաջ, Լավրովին հանդիպելուց առաջ Չավուշօղլուն հեռախոսազրույց է ունեցել Ադրբեջանի ԱԳ նախարարի հետ, այսինքն՝ ընդգծված ցույց տալիս, թե ում շահը ամուր պահելու համար է մեկնում Սոչի: Ի դեպ, Լիբիայի հետ, որտեղ Մոսկվան ու Անկարան ունեն լուրջ տարաձայնություններ` ի տարբերություն Ղարաբաղի, ռուսներն ու թուրքերն ասում են, որ փորձում են շրջանցել ակնհայտ տարաձայնությունները:

Ստեղծված իրավիճակը չպետք է օգտագործվի վարձկանների` տարածաշրջան ներթափանցման համար. Լավրով

ՌԴ-ն և Թուրքիան համակարծիք են այն հարցում, որ Լեռնային Ղարաբաղում իրավիճակը չպետք է օգտագործվի օտարերկրյա վարձկանների` տարածաշրջան ներթափանցման համար, Թուրքիայի ԱԳ նախարար Մեվլութ Չավուշօղլուի հետ բանակցություններից հետո հայտարարել է ՌԴ ԱԳ նախարար Սերգեյ Լավրովը:

«Մեր ընդհանուր կարծիքն այն է, որ իրավիճակը Լեռնային Ղարաբաղում չպետք է օգտագործվի օտարերկրյա վարձկանների` այս տարածաշրջան ներթափանցման փորձերի համար: Այս հարցում մենք միանգամայն համակարծիք ենք մեր թուրք գործընկերների հետ»,- ասել է նա: «Մենք ողջունում ենք Անկարայի ձգտումը` օգնել հակամարտության կողմերին կատարել իրենց պարտավորությունները: Մասնավորապես` Ռուսաստանի, Ադրբեջանի և Հայաստանի վարչապետների կողմից նոյեմբերի 9-ին ստորագրված համաձայնագրի շրջանակներում, ինչպես նաև հրադադարի ռեժիմի պարտավորությունների կատարման վերահսկման ռուս-թուրքական համատեղ կենտրոնի շրջանակներում», հավելել է նա: Լավրովը հիշեցրել է, որ այս համատեղ կենտրոնը ստեղծվում է Ռուսաստանի և Թուրքիայի նախագահների պայմանավորվածությունների արդյունքում, և այժմ «ընթանում է դրա ակտիվ տեղակայման գործընթացը»:

Այսպես, Մոսկվան ողջունում է Ղարաբաղի շուրջ պայմանավորվածությունների կատարմանը նպաստելուն ուղղված Անկարայի ձգտումը, այս մասին էլ հստակ ֆիքսել է Լավրովը. «Առաջնահերթ ուշադրություն ենք դարձրել Լեռնային Ղարաբաղում տիրող իրավիճակին։ Ողջունում ենք հակամարտության կողմերի կողմից իրենց պարտավորությունների կատարմանն աջակցելու Անկարայի ձգտումը, մասնավորապես, նոյեմբերի 9-ին Ռուսաստանի, Ադրբեջանի նախագահների և Հայաստանի վարչապետի կողմից ստորագրված պայմանավորվածության շրջանակներում, ինչպես նաև կրակի դադարեցման պարտավորությունների կատարման վերահսկողության ռուս-թուրքական համատեղ կենտրոնի շրջանակներում»։

Չավուշօղլուն խոսում է Հայաստանի հետ հարաբերությունների կարգավորման մասին

«Ադրբեջանի նախագահը չնայած բոլոր դժվարություններին` ձեռք է մեկնել Հայաստանին` դրսևորելով բարի կամք: Մենք բազմիցս հայտարարել ենք, որ եթե լինի կայուն խաղաղություն, հնարավոր կլինի կարգավորել Ադրբեջանի և Թուրքիայի հարաբերությունները Հայաստանի հետ», - ասել է Չավուշօղլուն Սոչիում Լավրովի հետ համատեղ ասուլիսում։

Նոյեմբերի 10-ի եռակողմ համաձայնագրից հետո Ռուսաստանի և Թուրքիայի նախագահները հայտարարում են, որ հարգում են միմյանց, որ համարում են միմյանց խոսքի և գործի մարդ։ Վլադիմիր Պուտինի և Ռեջեփ Էրդողանի լավ հարաբերություններն այսօր հերթական անգամ շեշտվել են ռուս-թուրքական բանակցություններին։ Ինչևէ, նախօրեին ռուսական կողմը տարածեց հայտարարություն ռուս-թուրքական հարաբերությունների մասին. «Ուշադրության կենտրոնում կլինի Լեռնային Ղարաբաղի հակամարտության գոտում կրակի դադարեցման և բոլոր ռազմական գործողությունների վերահսկողության ռուս-թուրքական համատեղ կենտրոնի կարգավորումը: Այս կենտրոնը դիտարկում ենք որպես հետկոնֆլիկտային կարգավորման օժանդակ տարր՝ ի լրումն ռուս խաղաղապահների առաքելության և այլ միջոցառումների։ Կենտրոնի խնդիրների մեջ, ինչպես հայտնի է, մտնում է իրավիճակի մոնիթորինգը տեսողական դիտարկման մեթոդներով, մասնավորապես անօդաչու թռչող սարքերի միջոցով խախտումների մասին տվյալների հավաքումը, ամփոփումը և ստուգումը», - ասված էր ՌԴ ԱԳՆ-ի հայտարարության մեջ:

Ահա, այս ֆոնին, համատեղ ասուլիսում Չավուշօղլուն հայտարարել է, թե Անկարան հուսով է, որ Լեռնային Ղարաբաղում կրակի դադարեցման վերահսկողության համատեղ կենտրոնը կստեղծվի մոտ ժամանակներս:

Հիշեցնենք, որ Մոսկվան ու Անկարան մի շարք տարաձայնություններ ունեն եռակողմ համաձայնագրի հետ կապված․ Մոսկվան, մասնավորապես, շեշտում է, որ մոնիթորինգային կենտրոնը ստեղծվում է ի լրումն ռուս խաղաղապահների առաքելությանը, Անկարան ու Բաքուն հայտարարում են, որ հրադադարը Ղարաբաղում վերահսկելու են ռուս և թուրք զինվորականները։ Բացի այդ, կան տարաձայնություններ նաև Հայաստանի տարածքով Նախիջևանն Ադրբեջանի մնացած տարածքի հետ կապող ճանապարհի հետ կապված․ Բաքուն ու Անկարան այս ճանապարհը կոչում են միջանցք և դրա կառուցումը կապում են Լաչինի միջանցքի հետ:

Անկարան հույս ունի, որ շուտով Լեռնային Ղարաբաղում հրադադարի ռեժիմի վերահսկման հարցով համատեղ կենտրոն կստեղծվի, ասել է Չավուշօղլուն. «Ղարաբաղի մասով: Մենք տեսնում ենք, որ հրադադարի ռեժիմ է հաստատվել: Հուսով ենք, որ շուտով կստեղծվի կրակի դադարեցման ռեժիմի վերահսկողության հարցով մոնիթորինգի կենտրոն»:

Թուրքական կողմն ընդգծում է, որ 2021-ը հոբելյանական տարի է լինելու երկու երկրների միջև հարաբերությունների համար։ 1921-ի մարտի 16-ին, հիշեցնենք, Մոսկվան ու Անկարան ստորագրել են Մոսկովյան պայմանագիրը, որով բոլշևիկյան Ռուսաստանը հրաժարվել էր ցարական Ռուսաստանի մի շարք տարածքներից և Թուրքիային հանձնել Ղարսը, Արարատը, Էրիվանյան գուբերնիայի արևմտյան հատվածը, նույն այս պայմանագրով Նախիջևանը հանձնվել է Ադրբեջանին։ Երկու երկրները կարևորում են այս պայմանագիրը և համարում այն ռուս-թուրքական բարեկամության հիմքը:

Արևմուտքի պատժամիջոցները չեն ազդի ռուս-թուրքական համագործակցության վրա

Լավրով-Չավուշօղլու հանդիպումը փաստեց՝ ռուս-թուրքական փոխվստահության հերթական մի փուլ: Ռուս-թուրքական հարաբերությունները կախված չեն Արևմուտքի ճնշումներից և ռազմավարական նշանակություն են ձեռքբերել մինչ անօրինական սահմանափակումներ մտցնելը, Թուրքիայի ԱԳՆ ղեկավարի հետ բանակցությունների արդյունքով նկատեց Լավրովը:

«Ռուսաստանի և Թուրքիայի միջև հարաբերություններն ինքնաբավ են: Դրանք կախված չեն որևէ ագրեսիվ, ոչ բարեկամական գործողություններից կամ ինչ-որ մեկի քմահաճույքից: Դրանք հիմնվում են երկու երկրների ազգային շահերի և փոխշահավետ համագործակցելու վճռականությունից: Մեր հարաբերությունները ռազմավարական նշանակություն են ձեռքբերել մինչ Արևմուտքի սպառնալիքներն ու անօրինական սահմանափակումներ մտցնելը»,-ասել է Լավրովը՝ ընդգծելով, որ Ռուսաստանն ու Թուրքիան անկախ արտաքին քաղաքականություն են վարում և առաջ տանում իրենց շահերը՝ հետևելով դրանց հավասարակշռությանը: «Դրանով Ռուսաստանն ու Թուրքիան առաջացնում են Արևմուտքի դժգոհությունը, որը ցանկանում է անբարեխիղճ, անազնիվ մրցակցության մեթոդներ կիրառել բոլոր ոլորտներում, լինի դա տնտեսություն, էներգետիկա, ռազմատեխնիկական համագործակցություն կամ այլ ոլորտ»,-հավելել է Լավրովը:

Թուրքիան շահագրգռված է ՌԴ-ի հետ փոխգործակցության ամրապնդմամբ ու խորացմամբ

Թուրքական դիվանագիտության ղեկավարը բարձր է գնահատել Ռուսաստանի հետ երկխոսությունը միջազգային ասպարեզում հակասությունները վերացնելու հարցի շուրջ: Թուրքիայի արտգործնախարար Մևլութ Չավուշօղլուի խոսքով` Հարավային Կովկասում վերջին իրադարձությունները դրա վառ վկայությունն են: «Մենք Լեռնային Ղարաբաղի հարցում հանդես ենք գալիս երկարաժամկետ խաղաղության և կայունության օգտին: Հուսով ենք, որ տարածաշրջանում դիտորդական առաքելությունները համագործակցության մթնոլորտի տեղ կթողնեն»,-ասել է Չավուշօղլուն՝ ընդգծելով, որ Թուրքիան շահագրգռված է Ռուսաստանի հետ փոխգործակցության ամրապնդմամբ ու խորացմամբ:

Չավուշօղլուի խոսքերով` կորոնավիրուսային վարակի համաճարակի ֆոնին, Թուրքիայի և Ռուսաստանի միջև ապրանքաշրջանառությունը 2020-ին նվազել է 20 տոկոսով: «Անհրաժեշտ է անհապաղ կանխել այս միտումը: Կողմերը պետք է շարունակեն քայլեր ձեռնարկել առևտրի խոչընդոտները վերացնելու, քվոտաները և սահմանափակումները վերացնելու ուղղությամբ»,-ասել է Չավուշօղլուն:

Թուրքիայի արտգործնախարարը գոհունակություն է հայտնել թուրքական լոլիկի ներմուծման քվոտաները ընդլայնելու ռուսական կողմի որոշման կապակցությամբ: Թուրքական դիվանագիտության ղեկավարը նշել է նաև Ռուսաստանի կողմից Թուրքիայի քաղաքացիների համար այցագրային ռեժիմի պարզեցման կարևորությունը: «Ռուսաստանի քաղաքացիները այցելում են Թուրքիա առանց այցագրային որևէ պահանջի: Հուսով ենք, որ ռուսական կողմից նույնպես նմանատիպ քայլ կլինի»,-ասել է Չավուշօղլուն:

Անդրադառնալով պատժամիջոցների թեմային՝ Թուրքիայի ԱԳ նախարարը շեշտել է, որ Անկարան սկզբունքորեն դեմ է պատժամիջոցների ցանկացած լծակի: «Ինքնին պատժամիջոցների լծակը սխալ է, և, ինչպես ցույց է տալիս պրակտիկան, դա չի հանգեցնում երկրների դիրքորոշման որևէ փոփոխության: Ժամանակին մենք դեմ ենք արտահայտվել Ռուսաստանի ու Իրանի դեմ պատժամիջոցներին»,-ասել է Չավուշօղլուն:
Թուրքիայի ԱԳ նախարարը նաև դատապարտել է «Պատժամիջոցների միջոցով Ամերիկայի հակառակորդներին հակազդելու մասին» օրենքի շրջանակներում Անկարայի նկատմամբ ԱՄՆ-ի սահմանափակումները: «ԱՄՆ պատժամիջոցները ոտնձգություն են Թուրքիայի ինքնիշխան իրավունքների նկատմամբ: Պատժամիջոցների ֆոնին Անկարան ոչ մի քայլ հետ չի գնում, և դա բոլորին հայտնի է»,-ընդգծել է նախարարը:

Իսկ Թուրքիայի ՊՆ-ն հաստատեց Ադրբեջան զինվորականներ ուղարկելը

Մինչ Լավրովն ու Չավուշօղլուն Սոչիում տարածաշրջանային խաղաղությունից էին խոսում՝ Թուրքիայի պաշտպանության նախարարը ցույց տվեց, թե ինչ քաղաքականություն է վարում Անկարան՝ գործնականում:

Գեներալը և Թուրքիայի զինված ուժերի ևս 35 սպա կծառայեն Լեռնային Ղարաբաղում հրադադարի վերահսկման կենտրոնում, որը ստեղծվել է Ռուսաստանի հետ համատեղ, երեկ հայտնեց Թուրքիայի ազգային պաշտպանության նախարար Հուլուսի Աքարը: «Համատեղ կենտրոնի շինարարության և գործարկման ավարտից հետո մեր գեներալը և 35 սպաներ կսկսեն ծառայությունը»,- նախարարի խոսքերն է մեջբերում Anadolu գործակալությունը: Աքարը հաստատել է նաև, որ թուրք զինծառայողները, որոնք ներգրավված կլինեն ռուս-թուրքական կենտրոնի աշխատանքներում, արդեն մեկնել են Ադրբեջան:

Մետաքսյա Շալունց

դիտվել է 10538 անգամ
Լրահոս
Լևոն Քոչարյանի անունից կեղծ հայտարարություններ են տարածվում Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը Ոսկեպարցիներն անհամբեր սպասում են Լավրով. Փաշինյանը հրավիրել է ԵՄ առաքելություն Հայաստան՝ Ադրբեջանին խոստանալով, որ դա կլինի 2 ամսով Ո՞ր դեղերը չեն մտնի էլեկտրոնային դեղատոմսերով վաճառվողների ցանկ Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք Կրկին մեղադրում են ՌԴ-ին Մայիսին կամ հունիսին սպասվում է Ռուսաստանի կողմից լայնածավալ հшրձակում, բայց մենք պատրաստ չենք․ մենք հիմա օգնության կարիք ունենք․ Զելենսկի ՀՀ սահմանային փոփոխություններից հետո Խնածախի ապարանքը հայտնվեց սահմանից 700 մ․ հեռավորության վրա Դժվարին որոշում եմ կայացրել. Վազգեն Ռշտունի Օգնության հասած ավտոմեքենան այրվել է, կրակը տարածվել է Վաղ առավոտյան խուզարկել են գնդապետ Վոլոդյա Ավետիսյանի տունը Եկեք համախմբվենք մեր ջանքերում՝ պաշտպանելու Արցախի ժողովրդի շահերն ու իրավունքները․ Արտակ Բեգլարյան «...կպատերազմենք»․ Սիմոնյան Ալեմ Սիմոնյանը կրկին կհանդիպի Ադրբեջանի Միլլի Մեջլիսի նախագահի հետ Քիրբին ու Զախարովան խոսել են Կրոկուսի ահաբեկչության մեղավորներից․ միմյանց վիրավորանքներ են հնչեցրել Անչափահասների մասնակցությամբ հերթական ծեծկռտուքն ու վիճաբանությունն է եղել Շահրամանյանի կողքը կանգնած խորհրդատուները կործանում են հենց Շահրամանյանին. Տիգրան Քոչարյան Նիկոլ Փաշինյանի նյարդերը տեղի են տվել Նոր դիվանագիտական սկանդալ է հասունանում արտգործնախարարությունում Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Փաշինյանը փակագծերը չի բացում. Արեւմտամետները կասկածում են Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին Ովքե՞ր են ընդգրկված լինելու Հայկ Մարությանի նոր կուսակցությունում Դիանա Գալոյանը նոր պաշտոն կստանա՞
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am