Հայաստանի սահմանից այն կողմ պատրաստվում են ԱՄՆ-ի կողմից հարվածներին

ՀՀ անվտանգության խորհրդի քարտուղար Արմեն Գրիգորյանը երեկ ընդունել է Հայաստանում Իրանի դեսպան Աբբաս Բադախշան Զոհուրիին:

Ըստ ԱԽ քարտուղարի գրասենյակի՝ Գրիգորյանը կարևորելով հայ-իրանական բարիդրացիական հարաբերությունները, ինչպես նաև հետպատերազմյան շրջանում տարածաշրջանային ռազմավարական ենթակառուցվածքների զարգացման գործում հայ-իրանական գործակցության ակտիվացման անհրաժեշտությունը, անդրադարձել է տարածաշրջանային ռազմաքաղաքական անվտանգային իրավիճակին: «Կողմերը վերահաստատել են պատրաստակամությունը շարունակելու արդյունավետ գործակցությունն անվտանգության, տնտեսական, ենթակառուցվածքների զարգացման, գիտության և այլ ոլորտներում: Երկուստեք կարևորվել է հայ-իրանական առևտրատնտեսական հարաբերությունների զարգացման խնդրում հյուսիս-հարավ մայրուղու բացառիկ դերը», ասվում է հաղորդագրությունում:

Երեկ նաև ԱԳ նախարար Արա Այվազյանն է հեռախոսազրույց ունեցել Իրանի ԱԳ նախարար Մոհամմադ Ջավադ Զարիֆի հետ: Զրույցի ընթացքում քննարկվել են համագործակցության երկկողմ և տարածաշրջանային օրակարգի հարցեր:

Զրուցակիցներն անդրադարձել են տարածաշրջանային անվտանգության և կայունության հարցերի: «Այդ համատեքստում ուղենշվեցին տարածաշրջանային նոր մարտահրավերների հասցեագրման ուղղությամբ համագործակցության հեռանկարները... Զրուցակիցներն ընդգծեցին տարբեր մակարդակներով փոխշփումների և երկխոսության առավել ակտիվացման կարևորությունը` հիմնված երկու ժողովուրդների միջև դարերի խորքից եկող բարեկամության վրա: Վերահաստատվեց երկուստեք պատրաստակամությունը խորացնելու սերտ փոխգործակցությունը երկկողմ և բազմակողմ ձևաչափերում:

Իրանի շուրջ բավական ուշագրավ իրավիճակ է ստեղծվել: Աշխարհը սպասում է Թրամփի որոշմանը. Արդյոք հեռանալուց առաջ կգտնվի որևէ պատճառ՝ Իրանին հարվածելու՝ Իսրայելի հորդորով: Եթե այո՝ տարածաշրջանը կպայթի, ընդհուպ մինչև տարածաշրջանային նոր պատերազմի բռնկում՝ շահագրգիռ բոլոր դերակատարների մասնակցությամբ:

Իրանի պաշտոնյաների ակտիվությունը՝ Հայաստանի իշխանությունների հետ շփումներում վկայում է այն մասին, որ տարածաշրջանում լարվածության նոր փուլ կարող է սկսել:

Օրերս, Քուվեյթի Al Qabas պարբերականը, հղում անելով իրազեկ աղբյուրներին, հաղորդեց, որ Իրանում հրատապ կերպով լրացուցիչ ՀՕՊ ուժեր են տեղակայում միջուկային օբյեկտների մոտ:

Դա արվում է որպես նախազգուշական միջոց՝ ԱՄՆ-ի հավանական հարվածների դեպքում: Իրանը չի բացառում, որ Դոնալդ Թրամփը կարող է նման քայլի դիմել Սպիտակ տունը լքելուց առաջ: Մասնավորապես, հակաօդային պաշտպանությունն ամրապնդվում է Ֆորդոի և Նաթանզեի օբյեկտների մոտակայքում, որտեղ ուրանի հարստացում է կատարվում: Իրանում, ընդհանուր առմամբ, 17 միջուկային օբյեկտ կա: Այժմ Պարսից ծոցի ավազան է մտել ԱՄՆ ռազմածովային ուժերի USS Georgia սուզանավը, որում 154 թևավոր հրթիռ կա, և իսրայելական սուզանավը, որը նույնպես հագեցած է թևավոր հրթիռներով:

Իրանը չի ձգտում լարվածության, բայց իր ազգային անվտանգությանը սպառնալիքների ֆոնին պատրաստ է պաշտպանվել բոլոր հնարավոր միջոցներով: Այս մասին հայտարարել է իսլամական հանրապետության ԱԳՆ խոսնակ Սաիդ Ղաթիբզադեն, ըստ tert.am-ի՝ գրել է EAdaily լրատվականը:

Մեկնաբանելով Մերձավոր Արևելքում տիրող իրավիճակը և Միացյալ Նահանգների և Իսրայելի` տարածաշրջանում իրականացվող գործողությունները՝ Իրանի ԱԳՆ ներկայացուցիչն անդրադարձել է իրանցի լեգենդար գեներալ Ղասեմ Սոլեյմանիի սպանության առաջիկա տարելիցին: Ինչպես նշել է Սաիդ Ղաթիբզադեն, «ճշմարիտների ճանապարհին նահատակվելը ծայրահեղականությունը հաղթահարելու միակ միջոցն է»:
Իրանի արտաքին գործերի նախարարությունը նշել է, որ գեներալ Սոլեյմանին ոչ միայն Իսլամական հեղափոխության պահապանների կորպուսի «Ղոդս» հատուկ նշանակության ջոկատների հրամանատարն էր, այլև «տարածաշրջանային հավասարակշռության հենասյուներից մեկը և տարածաշրջանի ամենախաղաղասեր գործիչներից մեկը, որը հարաբերություններ էր պահպանում տարբեր երկրների ղեկավարների հետ»:
ԱՄՆ-ն ռազմավարական մեծ սխալ է թույլ տվել՝ սպանելով գեներալ Սոլեյմանիին, շեշտել է Ղաթիբզադեն: «Մենք այս հարցը լրջորեն կքննարկենք դատարաններում և միջազգային կազմակերպություններում 2021 թվականի հունվարի 20-ից հետո»,-ասել է նա ՝ ամենայն հավանականությամբ նկատի ունենալով Թեհրանի կողմից միջազգային հետաքննության սկսումը ԱՄՆ նախագահ Դոնալդ Թրամփի դեմ, որի Սպիտակ տանը մնալու ժամկետը ավարտվում է հաջորդ տարվա հունվարի 20-ին:

Մերձավոր Արևելքում լարվածության աճը Բաղդադի միջազգային օդանավակայանում ԱՄՆ ռազմաօդային ուժերի անօդաչու թռչող սարքի հարվածի հետևանքով Ղասեմ Սոլեյմանիի սպանության առաջին տարելիցին ընդառաջ սրվել է վերջին օրերին:
Դեկտեմբերի 28-ին Tehran Times պարբերականի էջերում ասվում էր, որ Իսրայելը «սկսել է խաղալ առյուծի պոչի հետ»՝ այս ամսվա սկզբին իր սուզանավն ուղարկելով Պարսից ծոց, մի շրջան, որը «վաղուց փակ է իսրայելական ցանկացած ռազմական ներկայության համար»: «Իսրայելը դեռ պաշտոնապես չի հաստատել իր սուզանավի ենթադրյալ տեղակայումը Պարսից ծոցում: Կարող է պարզվել, որ դա բլեֆ է: Բայց եթե նրանք իսկապես իրենց սուզանավը ուղարկել են դեպի Իրանի սահման, դա անմտություն կլինի և պատմական մասշտաբի սխալ: Ամերիկացիները նույնպես պետք է ավելի հարգալից վերաբերվեն Իրանին: Վերջին օրերին նրանք ավելի շատ ռազմական ուժեր են տեղափոխել տարածաշրջան: Բայց այս հնարավորությունները չէին խանգարում Իրանին ցույց տալ, որ լիովին պատրաստ է պատասխանել ամերիկյան կամ իսրայելական ցանկացած ագրեսիայի»,-նշում է թեհրանյան թերթը:

Հիշեցնենք, որ այս տարվա հունվարի 3-ին Բաղդադում ամերիկյան ավիահարվածի հետևանքով սպանվեց Իրանի իսլամական հեղափոխության պահապանների կորպուսի գեներալ Ղասեմ Սոլեյմանին: Գեներալի սպանությունից հետո, Իրանի ԱԳՆ է կանչվել Շվեյցարիայի դեսպան Մարկուս Լեյթները, որը ներկայացնում է ԱՄՆ շահերը Թեհրանում:

Մետաքսյա Շալունց

դիտվել է 7885 անգամ
Լրահոս
Էս ո՞վ եք դուք․ Չեմբեռլենին գովերգող փոսթ՝ ՀՀ ԱԺ հանձնաժողովի պաշտոնական էջում Ալիևը հունվարին շատ պարզ խոսել է իր նպատակների մասին, Փաշինյանն էլ տեղյակ է՝ միակողմանի զիջումը ոչ միայն չի կանխելու պատերազմը, այլև նաև արագացնելու է այն. Հայրապետյան «Փալասին խորհուրդ կտամ փնտրել ու գտնել մի հայ ճարտարապետ ու հարցնել՝ Ոսկեպարի Սուրբ Աստվածածին եկեղեցու մասին». Ռուբեն Մելիքյան Սիլվա Համբարձումյանը հիմա էլ ՔՊ-ականների դեմ է հաղորդում տալիս Փաշինյանը չի տիրապետում քարտեզներին և համաձայնագրերին. Լուսանկարներ «Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել Օդի ջերմաստիճանը հանրապետության ամբողջ տարածքում Toyota-ի խմած վարորդը դարձել է ավտովթարների հեղինակ. 12-ամյա տղան ու նրա մայրը հոսպիտալացվել են Նիկոլը Տավուշում պատերազմ է սկսում․ Արտակարգ և լիազոր դեսպան (video) Հայաստանը շուրջ 30 տոննա մարդասիրական բեռ կուղարկի Գազայի բնակիչներին Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար Փաշինյանը սպառնաց Սամվել Շահրամանյանին (video) Արտաշատում պարեկները «BMW»-ով բերման ենթարկված 2 քաղաքացիներից մեկի մոտ թմրամիջոցներ են գտել , նրանցից մեկն անչափահաս է Ինչո՞ւ Կառավարությունը 3 տարում չի կարողանում Շուռնուխում 10 տուն կառուցել․ հարց Սյունիքի մարզպետին (video) Այսօր ընտանիքի անդամների քանակով հավկիթ չեն եփում, չեն ներկում ու չեն մատուցում. Նոյեմ Անդրեասյան 2022-ի աշնանից նպաստից զրկված ընտանիքները կշարունակեն ստանալ իրենց նպաստները Ներկա վիճակում անիրատեսական է մտածել ադրբեջանցիների կողմից օկուպացված մեր տարածք վերադառնալու մասին. Շահրամանյան Հայաստան-Եվրամիություն-ԱՄՆ հանդիպումը մտահոգություն է առաջացրել Ռուսաստանում. Զախարովա Տավուշում մարդիկ զրկվելու են անվտանգ տեղաշարժվելու, հողեր մշակելու, եկամուտը վաստակելու հնարավորությունից. Թաթոյան Փաշինյանը պատրաստվում է Հայաստանի «հովանավոր» դարձնել Թուրքիային․ հետևանքը՝ ցեղասպանությունն է (video) Արցախցիների համար 40+10 ծրագրի ժամկետը երկարաձվեց մինչեւ տարեվերջ Արցախում քանի մարդ է մնացել Երևանը, իրոք, վերջերս չի մասնակցել ՀԱՊԿ քարտուղարության աշխատանքներին. ՀԱՊԿ գլխավոր քարտուղար ԼՂՀ-ն «լուծարելու» փաստաթուղթը հայրենակիցներին փրկելու միակ միջոցն էր. Սամվել Շահրամանյան ՔՊ-ականներն այլեւս առաջվանը չեն. նրանց սիրտը վախ է ընկել
Ամենաընթերցվածները
Շուտով
Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը Մարտի 27-ին՝ ժամը 11:30-ին, Հայելի ակումբի հյուրն Գառնիկ Դավթյանը Մարտի 27-ին՝ ժամը 16:00-ին, Հայելի ակումբի հյուրն է Նարինե Դիլբարյանը Մարտի 27-ին՝ ժամը 14:00-ին, Հայելի ակումբի հյուրն է Սամվել Հակոբյան Մարտի 27-ին՝ ժամը 12:00-ին, Հայելի ակումբի հյուրն է Արմինե Ադիբեկյանը Մարտի 26-ին՝ ժամը 14։00-ին, Հայելի ակումբի հյուրն է Թաթուլ Պետրոսյանը
Հետևեք մեզ Viber-ում https://cutt.ly/5wn8sJBS
Hayeli.am