Ահաբեկիչներն ընդդեմ արցախահայության ֆիզիկական գոյության միակ պաշտպան՝ Պուտինի

Արցախին պարտադրված պատերազմը՝ հայկական կողմի կապիտուլյացիոն փաստաթղթով, դադարեցրել է Արցախում հայերի ոչնչանալու թուրք-ադրբեջանական ծրագիրը:

Ով սա չի գիտակցում՝ ավարտուն հիմար է, կամ դիտավորյալ Հայաստանը ցնցումների մի նոր ալիքի մեջ գցելու ծրագիր է իրականացնում:

Ո՞ւմ միջոցով դադարեց պատերազմը...

Անկախ հայկական կողմի համար փաստաթղթի սկզբունքներից, ակնհայտ է, որ եթե ռուսական կողմը միջնորդի դեր չստանձներ՝ պատերազմի արդյունքներն ավելի ողբերգական կլինեին:

Հետևաբար՝ ո՞վ է այսօր որոշակի կայունություն ապահովում Արցախում...
Պատասխանը ցանկացած տրամաբանող մարդու համար հասկանալի է՝ Ռուսաստանը՝ Պուտինի անմիջական ջանքերի շնորհիվ: Այն, որ այսօր թուրք-ադրբեջանական տանդեմը դեռ չի հասել Հայաստան՝ բացառապես ռուս խաղաղապահների Արցախում հայտնվելու շնորհիվ է:

Թվում էր, թե այս տրիվիալ իրողությունը չհասկացողներ չկան: Բայց պարզվում է դեռ կան քաղաքական շրջանակներ, որոնք այսօր պայքարում են ընդդեմ Ռուսաստանի:
«Սասնա ծռեր» կուսակցության ներկայացուցիչները նախօրեին հավաքվել էին Հայաստանի արտգործնախարարության շենքի դիմաց, որտեղ այդ պահին գտնվում էին ԵԱՀԿ Մինսկի խմբի համանախագահները։ «Դիմադրություն ռուս-թուրքական զավթմանը» կոչերով հավաքի մասնակիցները պնդում էին, որ պետք է մերժել կապիտուլյացիան և վերադառնալ ԵԱՀԿ Մինսկի խմբի ձևաչափին։

ԵԱՀԿ Մինսկի խմբի գործունեության շարունակությունն իհարկե կարևոր է, եթե իհարկե Հայաստանի իշխանությունները ունակ են Ադրբեջանի նախագահին բանակցությունների սեղանի շուրջ վերադարձնել: Նկատենք, որ Ալիևը համարում է, որ հակամարտությունը «կարգավորել» է, այլև հակամարտություն չկա:

Բայց վերադառնանք «Սասնա ծռերի» ցույցին: Նրանց, մի շարք այլ գործիչների կողմից ստեղծված «Ազգային-ժողովրդավարական բևեռի» անունից ԱԳՆ շենքի դիմաց հայտարարությամբ հանդես եկավ Վարուժան Ավետիսյանը. «Հայաստանի և հատկապես արցախաբնակ հայության ճակատագիրը չի կարող մնալ ագրեսիվ պատերազմի ու ցեղասպանական ակտերի միջոցով տարածաշրջանը վերաձևելու ռազմավարություն որդեգրած Ադրբեջանի ու Թուրքիայի` տարածաշրջան բերված հազարավոր ահաբեկիչների, ինչպես նաև Ադրբեջանին ու Թուրքիային աջակցող Ռուսաստանի հույսին»:

Հայտարարության հաջորդ կետի համաձայն` նոյեմբերի 9-ին ստորագրված եռակողմ հայտարարությունը պետք է որակվի ընդամենը հրադադարի և հումանիտար հարցերի լուծման փաստաթուղթ, իսկ դրա մնացած դրույթները առ ոչինչ ճանաչվեն. «Մասնավորապես Հայաստանի Հանրապետությանը դրանով չեն կարող պարտադրվել ինքնիշխանության, տարածքի և սահմանների հետ կապված պայմաններ»: Այս հայտարարության հաջորդ կետերում նշվում է, որ Ադրբեջանը պետք է դուրս բերի իր զորքերը և վարձկան ահաբեկիչներին գրաված տարածքներից, և որ Արցախում ու այդ տարածքներում պետք է տեղակայվեն հակամարտության ելքով չշահագրգռված պետություններ ներկայացնող միջազգային խաղաղապահ ուժեր. «Ազգային շահի դեմ և ժողովրդից գաղտնի կապիտուլյացիոն ակտ ստորագրած Նիկոլ Փաշինյանն այլևս չի ներկայացնում հայ ժողովրդին և Հայաստանի Հանրապետությանը, ուստի նրա կամ նրա կառավարության անդամների հետ ձեռք բերած պայմանավորվածություններն ի սկզբանե առ ոչինչ են»:

Հակառուս մեկ այլ գործիչ՝ Եվրոպական կուսակցությունը ներկայացնող Տիգրան Խզմալյանն ասել է, թե աշխարհը Հայաստանին առաջարկում է քաղաքակրթական ընտրություն կատարել՝ լինել Եվրոպայի մաս. «Կա՛մ մենք Եվրոպայի մաս ենք, կա՛մ մենք ազատ աշխարհի մաս ենք, և մենք պաշտպանված ենք, մենք զարգանալու ենք, մենք խաղաղություն ենք ունենալու»:

Իսկ ո՞ւր էր Եվրոպան 44 օրյա պատերազմի ընթացքում: Բացի Ֆրանսիայի նախագահի մի քանի հայտարարություններից գործուն որևէ քայլ արե՞լ են եվրոպական երկրները, ՆԱՏՕ-ական պետությունները, որոնք կարող էին գոնե սաստող հայտարարությամբ Թուրքիայի իշխանությունների ներգրավվածությունը պատերազմական գործողություններում քննադատել: Թե՞ չէին կարող...

Էլ ինչի՞ մասին է խոսքը...

ԱԻՄ առաջնորդ Պարույր Հայրիկյանն էլ «եղածն արդեն եղած է» թեզն անընդունելի է որակում. «Պուտինն ասել է` դա ինքնասպանություն կլինի, այսինքն` ես քեզ սպանում եմ, բայց եթե այդ սպանությանը դեմ ես, տես հա` դու ինքնասպանություն ես գործում: Էս ապուշ տրամաբանությանը ենթարկվածները մոլորեցնում են նաև ուրիշներին և չեն կարողանում հասկանալ` ինչի՞ հաջողության չենք հասնում, իհարկե, չենք հասնի, որովհետև ճշմարտության հետ չի»: Հայրիկյանի պնդմամբ՝ Ռուսաստանից կառչած մնալով` Հայաստանը դեմ է դուրս գալու քաղաքակիրթ աշխարհին։

Զարմանալի է, թե ինչպես են այս ուժերը պատկերացնում նոյեմբերի 9-ին ստորագրված եռակողմ հայտարարության վերանայում, որը, ըստ նրանց, պետք է որակվի ընդամենը հրադադարի և հումանիտար հարցերի լուծման փաստաթուղթ, իսկ դրա մնացած դրույթները առ ոչինչ ճանաչվեն: Հնչում է բավական գեղեցիկ, բայց ի՞նչ են առաջարկում, հրաժարում փաստաթղթից՝ նոր պատերա՞զմ ընդդեմ Հայաստանի՞ արդեն...

Բացի այդ, Հայաստանը ոչ թե դեմ է դուրս գալիս քաղաքակիրթ աշխարհին, այլ՝ հայ ազգը ապավինում է իրեն աջակցող, իր անվտանգությունն ապահովող միակ ուժին՝ Ռուսաստանին: Սա չհասկանալը նույնպես յուրօրինակ դավաճանություն է:

Եվ ընդհանրապես, ովքե՞ր են մեծ-մեծ խոսողները, Հայաստանի պետական կառույցի վրա հարձակում գործած «Սասնա ծռեր» ահաբեկչական խմբավորո՞ւմը... Դա՞ է սովորեցրել նրանց «քաղաքակիրթ աշխարհը»՝ հարձակում ՊՊԾ գնդի վրա: Քաղաքակիրթ աշխարհում նման հարձակումներ գործածներին ցմահ բանտարկություն է սպառնում:

Այն, որ Հայաստանը երեք տասնամյակ չի կարողացել Ռուսաստանի հետ այնպիսի հարաբերություններ հաստատել, որ այսօր հրադադարի փաստաթուղթն առավել հայանպաստ լիներ՝ դա քննարկման այլ թեմա է, և հաստատ «Սասնա ծռերը» քաղաքական այն ուժը չէ, և նրանց սատարող մի քանի տասնամյակ մարդիկ չէ, որ պետք է օրակարգ առաջարկեն Հայաստանի քաղաքական դաշտին:

Մետաքսյա Շալունց

դիտվել է 6425 անգամ
Լրահոս
Մենք իշխանություն ճանկռելու, գրկելու, կրծելու խնդիր չունենք. Նիկոլ Փաշինյանը խաբել է. մաս 191 Փաշինյանն այս անգամ էլ գնացել է գնդապետ Վոլոդյա Ավետիսյանի հետևից․․․ խուզարկություններ են անում (video) Ելք ՀԱՊԿ-ից և ԵԱՏՄ-ից. Հայաստանի ղեկավարությունը սկսում է արտահայտել այն մտքերը, որոնցով Փաշինյանը ստեղծել էր իր «Ելք» շարժումը. Լավրով Քանի՞ մարդ է թունավորվել Հայաստանում Ի՞նչ կլինի, եթե իշխանությունն իրականացնի Ադրբեջանի ցանկությունը Տավուշում (video) Երևանում թալանել են «Տոյոտա Երևան»-ի վաճառքի բաժնի ղեկավարի «Toyota»-ները Այս ընթացքը կասեցնել չի ստացվի` անկախ նրանից, թե իշխանությունը դա ճնշելու ճանապարհին քաղբանտարկյսլների շարքը կընդլայնի՞, թե՞ մարդկանց դեմ բութ գործիքներ կկիրառի. Տիգրան Աբրահամյան «Հիմա այս ի՞նչ եք դարձրել մեր երկիրը»․ Վարդան Ոսկանյան Լևոն Քոչարյանի անունից կեղծ հայտարարություններ են տարածվում Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը Ոսկեպարցիներն անհամբեր սպասում են Լավրով. Փաշինյանը հրավիրել է ԵՄ առաքելություն Հայաստան՝ Ադրբեջանին խոստանալով, որ դա կլինի 2 ամսով Ո՞ր դեղերը չեն մտնի էլեկտրոնային դեղատոմսերով վաճառվողների ցանկ Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք Կրկին մեղադրում են ՌԴ-ին Մայիսին կամ հունիսին սպասվում է Ռուսաստանի կողմից լայնածավալ հшրձակում, բայց մենք պատրաստ չենք․ մենք հիմա օգնության կարիք ունենք․ Զելենսկի ՀՀ սահմանային փոփոխություններից հետո Խնածախի ապարանքը հայտնվեց սահմանից 700 մ․ հեռավորության վրա Դժվարին որոշում եմ կայացրել. Վազգեն Ռշտունի Օգնության հասած ավտոմեքենան այրվել է, կրակը տարածվել է Վաղ առավոտյան խուզարկել են գնդապետ Վոլոդյա Ավետիսյանի տունը Եկեք համախմբվենք մեր ջանքերում՝ պաշտպանելու Արցախի ժողովրդի շահերն ու իրավունքները․ Արտակ Բեգլարյան «...կպատերազմենք»․ Սիմոնյան Ալեմ Սիմոնյանը կրկին կհանդիպի Ադրբեջանի Միլլի Մեջլիսի նախագահի հետ Քիրբին ու Զախարովան խոսել են Կրոկուսի ահաբեկչության մեղավորներից․ միմյանց վիրավորանքներ են հնչեցրել Անչափահասների մասնակցությամբ հերթական ծեծկռտուքն ու վիճաբանությունն է եղել
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am