Հայաստանում աշխատում են արտաքին ազդեցություն ունեցող ուժեր. Վազգեն Մանուկյան
«Այսօր շատ կարեւոր հարց է Հայաստանի մթնոլորտի առողջացումը: Դա միայն այն չէ, որ եկեք իրար հետ ավելի բարի լինենք: Հայաստանում աշխատում են արտաքին ազդեցություն ունեցող ուժեր, որոնք դիտավորյալ պառակտում են մեր ժողովրդին: Իրենք մեր ժողովրդի միջոցով 2,5 տարի լուծում էին իրենց գեոպոլիտիկ հարցերը՝ մեզ օգտագործելով որպես խաղալիք: Պետք է մաքրել այդ դաշտը»,- Ազատության հրապարակում «Հայրենիքի փրկության շարժման» հանրահավաքի ժամանակ նշեց «Հայրենիքի փրկության շարժման» վարչապետի թեկնածու Վազգեն Մանուկյանը:
«Մեր առջեւ ինչքան մեծ խնդիրներ դնենք, այնքան ավելի միասնական կլինենք: Ամեն մի պարտությունից սկսվում է մեր հաջորդ հաղթանակը: Մենք կարճ ժամանակում պետք է նորից ոտի կանգնենք, նորից ինքնավստահություն ձեռք բերենք, գնանք առաջ: Պարտությունից հետո պետք է ունենանք հաղթանակներ եւ նորից մտնենք հաղթանակած ժողովուրդների շարքը: Խոչնըդոտներ շատ կան, բայց հիմա գլխավոր խոչնդոտներից մեկը Նիկոլ Փաշինյանն է: Թող հեռանա կամավոր, թե չէ կհեռանա զոռով»:
Հետևեք մեզ Viber-ում
