Դավաճանի վերջին տվայտանքները

Մինչ հանրությունը շունչը պահած սպասում է, որ հողատու դավաճան Նիկոլ Փաշինյանը հրաժարականի դիմում կգրի, պրոֆեսիոնալ խառնակիչ-մանիպուլյատոր, պաթոլոգիկ ստախոս և անպատասխանատու վարչապետը անցել է գործի: Նա, ըստ ամենայնի, որոշել է 44 օրվա պատերազմի իր հիշողություններով զբաղեցնել իր զոմբիներին, բազմասերիանոց սերիալների պես մարդկանց լարված սպասումների մեջ պահել: Նա ամեն օր, անգամ օրը մի քանի ստատուս է գրում, որպեսզի պատերազմի ողջ մեղքն ու պատասխանատվությունն իր վրայից գցի, ըստ այս հողատուի` մեղավոր են բոլորը, բացի իրենից: Բայց նրա պրիմիտիվ կրուտիտներն այլեւս չեն ուտվում անգամ սեփական զոմբիների կողմից: Քանզի բոլորն արդեն հասկացել են, որ կա սուտ, կա մեծ սուտ եւ կա նիկոլփաշինյանական սուտ:

Ահավասիկ, Փաշինյանի վերջին գրառման <<հերոսները>> կամ ավելի ճիշտ զոհերը Ռոբերտ Քոչարյանն ու Լեւոն Տեր-Պետրոսյանն են: Փաշինյանը երկար բարակ պատմում է, թե ինչպես է հոկտեմբերի 20-ին Արցախի նախկին նախագահ Բակո Սահակյանն իրեն հայտնել, որ նախկին նախագահները Մոսկվա գնալու ցանկություն են հայտնել: <<Ասացի, որ դեմ չեմ գաղափարին, նույնիսկ պետական ինքնաթիռը կտրամադրեմ, թող մեկնեն, հանդիպումներ ունենան, վերադառնան: Արցախի պաշտոնաթող նախագահները, սակայն, իմ համաձայնությունից հետո եւս մեկ հարց բարձրացրին. ասացին, որ անհրաժեշտ է, որ ես միջնորդեմ ՌԴ նախագահ Վլադիմիր Պուտինին, որ նա ընդունի Լ. Տեր-Պետրոսյանին եւ Ռ. Քոչարյանին, որպես հատուկ բանագնացներ>>,- պատմել է նա շարունակելով.<<Պատասխանեցի հետեւյալը. Ռուսաստանի նախագահի հետ ես մշտական կապի մեջ եմ: Օր կա՝ հինգ-վեց անգամ հեռախոսով խոսում եմ հետը: Հիմա եթե ինձ հարցնի, այդ ի՞նչ ասելիք ունես, որ ինձ չես կարողանում ուղիղ ասել եւ դա ուզում ես ասել հատուկ բանագնացների միջոցով, ես ի՞նչ պիտի պատասխանեմ>>:

Հետո իբր առաջարկել է ՌԴ վարչապետի հետ հանդիպում, անգամ մեծահոգաբար դատարանից խնդրել է վերադարձնել Քոչարյանին իր անձնագիրը: <<… բայց Տեր-Պետրոսյանն ու Քոչարյանը Մոսկվա այդպես էլ չմեկնեցին>> եզրափակում է նա: Նախ գրոտեսկի աստիճան ծիծաղելի է այն, թե Նիկոլ Փաշինյանը պետք է Պուտինին խնդրեր ընդունել Ռոբերտ Քոչարյանին, այն պարագայում, երբ Պուտինը Նիկոլ Փաշինյանի հրավերով Երևան կատարած այցի ընթացքում գնացել էր իր ընկերոջ՝ Քոչարյանի կնոջն ու որդուն հանդիպելու, իսկ Փաշինյանի ջանքերը՝ կանխել այդ հանդիպումը, արդյունք չէր տվել:

Փաշինյանին այլ բան չէր մնացել, քան թախանձագին խնդրել, որ Պուտինը թույլ տա իրեն վերջին հրաժեշտը տալ, ապա շտապել էր օդանավակայան…
Իսկ Քոչարյանի Մոսկվա չմեկնելու իրական պատճառն այլ տեղում էր: Պաշտոնապես հայտարարվեց, որ նրա մոտ կորոնավիրուսի թեստը դրական է ցույց տվել ու այդ պատճառո չեղարկվել է այցը: Հետաքրքիր է, որ Փաշնյանն իր ստատուսում ոչ մի բառ չի անդրադառնում սրան, եթե Քոչարյանը կեղծել էր թեստի պատասխանը, ապա կարելի է չկասկածել, որ Փաշինյանը հենց դրանից էլ կսկսեր իր գրառումը, իսկ եթե ընդհանրապես չի խոսել սրա մասին կնշանակի իր հրահանգով է կեղծվել թեստի պատասխանը: Այնպես որ խորհուրդ կտանք, որ Փաշինյանը մի փոքր սթափ վիճակում իր կրուտիտները շարադրի: Քոչարյանի գրասենյակն անդրադարձել է Փաշինյանի զազրախոսություններին, նշելով.<< Մտածում էի չարձագանքել կամ պարզապես ասել՝ տես երեկվա ասածս։ Բայց Փաշինյանի այս գրածի կապակցությամբ մի պատմություն հիշեցի։
Մեկն ընկերոջը հարցնում է․ ճի՞շտ է, որ մեր հարևանը լոտոյով մեքենա է շահել։ Պատասխանում է՝ մոտավորապես ճիշտ է, պարզապես ոչ թե հարևանը, այլ իր եղբայրը, ոչ թե լոտոյով, այլ՝ կազինոյում, ոչ թե մեքենա, այլ՝ բնակարան, ոչ թե շահել է, այլ՝ կրվել։
Սուտն ու նենգափոխումն անբաժան են Նիկոլից>> հանդես էր եկել նախագահի գրասենյակի ղեկավար Վիկտոր Սողոմոնյանը: Մինչդետ Լեւոն Տեր-Պետրոսյանը չէր խնայել իր հոգեզավակին եւ դա իր պատճառներն ունի, մինչ դրանց մասին խոսելը ներկայացնենք առաջին նախագահի արձագանքը խոսնակի շուրթերով. <<Լևոն Տեր-Պետրոսյանի կողմից Նիկոլ Փաշինյանի ֆեյսբուքյան հրապարակումները մեկնաբանելու` լրագրողների հարցումներին ի պատասխան, հայտնում եմ.Նախագահ Տեր-Պետրոսյանը անիմաստ է համարում անդրադառնալ ազգակործան պատուհասի հոգեկան տվայտանքներին: Ինչ ուզում է` թող դուրս տա: Միևնույն է` նա արդարանալու ոչ մի ճար չունի: Հայ ժողովուրդը նրան երբեք չի ներելու>>:
Հիմա այ մասին, թե ինչու է առաջին նախագահն այսպես անողոք իր հոգեզավակի նկատմամբ, առաջին հերթին, որպեսզի չնույնացվեն ինքն ու Նիկոլ Փաշինյանը: Ի վերջո Արցախի հարցում նա հայտնի էր որպես հող հանձնող, սակայն Նիկոլ Փաշինյանը գերազանցել է նաեւ իր սասելիքները՝ 7 տարածքների հետ թուրքին նվիրել Շուշին, Հադրութը, Մարտունու եւ Մարտակերտի շրջաններ, եւ որ ամենացավալին է մի քանի հազար զոհերի գնով: Նաեւ խոսվում է, որ 2000 քառակուսիանոց Արցախ պահելու դիմաց Նիկոլ Փաշինյանը խոստացել է այդքան Հայաստանի տարածքից նվիրել թշնամուն: Իսկ առհասարակ Լեւոն Տեր-Պետրոսյանը ճիշտ կաներ իր հոգեզավակին նույն եռանդով քննադատեր իշխանության գալու առաջին օրվանից, ոչ թե լռեր կամ կրծքով պաշտպաներ նրա բոլոր այլանդակությունները, միգուցե այսօր չունենայինք այն, ինչ ունենք:

Անի Սահակյան

դիտվել է 4862 անգամ
Լրահոս
«Մտահոգիչ է, եթե նման բաներ կան», ԲԴԽ անդամը՝ «չաթի» արտահոսքի հետևանքով դատավորների հրաժարականի մասին «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Ինչպես են դատավորները փախչում, երբ խոսքը գնում է Փաշինյանի իշխանության կողմից ճնշվելու մասին (video) Փրկարարները դուրս են բերել ավտոմեքենան Արփա գետից «Ալենի երգը երգած է․ չի պլստալու»․ Միկա Բադալյան (video) Ռուս փորձագետ Մաքսիմ Վասկովը հակադարձում է Փաշինյանին ու իր ՔՊ-ականներին (video) Մենք էլ մարդ ենք ման գալիս, ով կապացուցի, որ Ալենն իր հոր տղեն է, ոչ թե՝ հարևան Գագոյի․ Կիվիրյան (video) Բլինքեն-Փաշինյան-Ֆոն դեր Լայեն հանդիպումը նվիրված չէ «անվտանգության երաշխիքներին». Պիտեր Ստանո Ո՞վ է մատնիչը․․․ (video) Վտանգավոր Մհերը, ով վտանգում է մեր հողերը «Ղռերի կատվի» մեկ միլիոնանոց կայֆերը․ նոր թալանը սկսված է․ Մանկավարժ (video) Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Աննա Հակոբյան, թանկ չի՞․․․ 200 հազարով գիտե՞ս՝ ինչեր կան․․․ (video) «Դուք տեսե՞լ եք իմ ձերբակալության կադրերը»․ Սամսոնյանի նամակը ԱՄՆ դեսպանին․ ակցիա (video) Քրեական վարույթի շրջանակներում որոնվում են տեսագրության մեջ պատկերված անձինք ՀՀ տարածքում կան փակ ավտոճանապարհներ Թուրքիայի լրջագույն կապը Ռուսաստանում սարսափելի ահաբեկչությանը․․․ (video) Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան Վահե Ղազարյան, ես ձեզ զգուշացնում եմ՝ բոլորդ փտելու եք բանտերում․ Մարինա Խաչատրյան (video) Ռուս փորձագետն զգուշացրեց՝ ինչ է սպառնում Հայաստանին՝ հակառուսական այս խայտառակ քարոզի պատճառով (video) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Տավուշում Նիկոլն Ալիևի հետ գաղտնի պայմանավորվածության է եկել. Ադրբեջանի հարցերով փորձագետ (video) Կորել են բնաՊԱՀՊԱՆԱԿները, համարել անվավեր Ծառահատումներ՝ բռնությունների կիրառմամբ Դատավորի սիրտը Ծաղկաձորում տուն է ուզում․․․ (video)
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am