Լավ է, որ կարանք Թրյուդոյի հետ նասկի հագնենք՝ եռագույնի գույներով, բայց. Բագրատյան
«Հայկական բանակի տեխնիկայի 85 տոկոսը ջախջախված է, մեր բանակն էլ՝ ջարդված։Ես գաղտնիք չեմ ասում, որովհետև ադրբեջանցիք հաշվում են, իրենց տարածքում է մնացել․․․ հիմա մեր ապուշ օպոնենտները կսկսեն ասել՝ տվյալներ եք ասում»,- Հայելի ակումբում լրագրողների հետ հանդիպմանը ՀՀ նախկին վարչապետ Հրանտ Բագրատյանը անդրադարձավ պատերազմում պարտության պատճառներին՝ քաղաքական, ռազմական և կազմակերպչական։
«Հայաստանը չճանաչեց Արցախի անկախությունը, որի մասին խոսեց անգամ Ռուսաստանի նախագահը։ Սեպտեմբերի 27, երբ պատերազմը սկսվեց, երկու ժամ հետո գրեցի՝ անմիջապես ճանաչե՛ք․․․․ չարեց։ Հիմա էլ՝ այս այլանդակությունները անելուց հետո էլ այդքան համարաձակութուն չունի, որ ճանաչի»,-նասաց նախկին վարչապետը։
Քաղաքական երկրորդ սխալն, ըստ նրա, հակառուսականությունն է։ «Կոմպլեմենտարություն․չկա նման բան, և ինչքան էլ սիրենք, չսիրենք, մենք պետք է մնանք պրոռուսական ծիրի մեջ,հասկացեք սա»։
ՀՀ նախկին վարչապետի հիմնավորումը․ աշխարհում ընթացող դեգլոբալիզացիայի պայմաններում ազգային պետությունները մեր տարածաշրջանում պետք է լինեն կամ ռուսների, կամ թուրքերի հետ։
Չկա երրորդ տարբերակը։ «Սա 99 թիվը չէ. կամ ձեր գլուխը մտնում է, կամ չի մտնում»,-ասում է Բագրատյանը։
Երրորդ քաղաքական սխալը Իրանին նեղացնելն էր այն աստիճան, որ չէին թողնում իրենց տարածքով Հայաստանի համար նախատեսված բեռների տեղափոխում։ Չորրորդ․ Վրաստանի հետ հարաբերությունների մակարդակը, և հինգերորդ՝ Չինաստանին ապտակելը, որը «ռեգուլյար անում էր Հայաստանը Տիգրան Ավինյանի մակարդակով»՝ Նիկոլ Փաշինյանի հրամանով։
«Այն Չինաստանին, որն ասում էր՝ ընկերնե՛ր, ես ունեմ ույգուրական պրոբլեմ, ես հակաթուրքական պետություն եմ։ Էդ ի՞նչ պետք է անենք Չինաստանին, որ ասի․․․ յախա թափ տալով, որ պրծանք: Փախել է Զոհրաբը, գտեք, բերեք, հարցրեք՝ ի՞նչի ես մտնում, ընկեր։ Այնտեղ մի օրակարգային հարց կա՝ ինչպե՞ս պայքարել ույգուրների՝ այսինքն՝ թուրքերի իրավունքների համար Չինաստանում։ Եվ Հայատանը տոն է տալիս․․․ թուրքերին ենք պաշտապանում»։
Ըստ Բագրատյանի առկա են նաև այլ սխալներ:
«Շատ լավ է, որ կարանք Ջասթին Թրյուդոյի հետ նասկի հագնենք՝ ՀՀ եռագույնի գույներով, բայց Ջասթին Թրյուդոն Ձեզ մի փամուշտ չտվեց․․․ թող տար․․․ թող Մերկելը տար»,-ասաց տնտեսագետը։
Նախկին վարչապետն անդրադարձավ նաև Մեծ Բրիտանիային ու ՀՀ նախագահ Արմեն Սարգսյանին, որին համարում է այդ երկրի գործակալ:
Հետևեք մեզ Viber-ում
