«Վստահ եմ` հրամանատարը զինվորներին թողել ա դիրքերում ու իր կաշին փրկել». անհետ կորած զինվորի հայր
Այսօր անհետ կորած զինծառայողներից մեկի հայրը բողոքի ակցիայի ժամանակ լրագրողների հետ զրույցում հայտնեց, որ իր որդու հրամանատարի՝ Դավիթյան Լիպարիտի հետ մի քանի անգամ հեռախոսազրույց է ունեցել՝ պարզելու համար, թե որտե՞ղ է իր որդին, սակայն ամեն անգամ ստացել է խուսափողական և իրար հակասող պատասխաններ. «Վստահ եմ` հրամանատարը զինվորներին թողել ա դիրքերում ու իր կաշին փրկել: Ես հինգ անգամ խոսել եմ այդ հրամանատարի հետ: Լիպարիտը տարբեր տեսակի հեքիաթներ է պատմում: Ես վստահ եմ՝ ինքը զինվորներին թողել ա դիրքերում, փախել ա: Որդիս Կողակ դիրքում էր: Եղել եմ Մարտունիում, երկար ժամանակ կանգնել եմ զորամասի դիմաց, մեզ ոչ մեկ չընդունեց: Զանգել եմ Լիպարիտին, ինքը մի օր մի բան ա ասում, մի օր՝ ուրիշ: Ես իր պատասխաններից հասակացա, որ ինքը, օգտվելով առիթից, որ զինվորները դիրքը պահում են, կաշին փրկել ա»,- ասաց անհետ կորած զինվորի հայրը` նշելով, որ այն տարածքը, որտեղ կռվել է իր որդին, այժմ ադրբեջանցիների հսկողության տակ է, և հնարավորություն չկա որոնողական աշխատանքներ իրականացնել: