Տեսանյութ. ինչպես է դերասանուհու որդին փրկվել սարից մի քանի կիլոմետր սողալով
Այս պատերազմը ոչ ոքի չանտեսեց. Yerkir.am-ի հետ զրույցում ասաց դերասանուհի Աննա Գևորգյանը, որի ժամկետային զինծառայող որդին՝ Դավիթ Ալեքսանյանը, Արցախյան երկրորդ պատերազմի համառ մարտերի 12-րդ օրը ծանր վիրավորվել է:
«Որպես մայր՝ չեմ ուզում նկարագրել, թե ինչ ապրումներ եմ ունեցել։ Երբ զանգեցին մեծ որդուս ու ասացին, որ եղբայրը վիրավոր է, իհարկե, ականջ էի դրել նրանց խոսակցությանը, որովհետեւ անընդհատ վախ կար, ամեն մի անծանոթ զանգից պոռթկում էր ներսս։ Ասացի՝ չեմ հավատում, որ վիրավոր է, այդպես եք ասում, որ ծանր չտանեմ, բայց երբ տվեցին՝ ձայնը լսեցի․․․ Արդեն աշխարհն իմն էր։ Երբ Դավիթս իմ հուզված ձայնը լսեց, ասաց․ «Մա՛մ, մինչեւ վիրավորվելը 12 օր պայքարել եմ ապրելու համար, պայքարել ենք մեր հայրենի հողի համար․․․»։ Երբ հեռախոսով խոսում էինք ասում էր. «Մա՛մ, քեզ այնքան բան ունեմ պատմելու․․.»: Մի խոսքով՝ հաջորդ օրը Դավիթիս տեղափոխեցին Երեւանի հիվանդանոց, ու երբ իրենց տեսա․․․ ամեն ինչ քարացավ ինձ մոտ՝ սիրտ, զգացողություն, աչքեր, ու միայն մի բան ասացի՝ սրա անունը հայրենիք է»։
Դավիթը վիրավորումը ստացել է հայտնի բարձունքն ազատագրելու ժամանակ:
Հետևեք մեզ Viber-ում
