Միամտություն, թե «Տրոյական ձի»` Արցախի համար
ՄԻԱՄՏՈւԹՅՈւ՞Ն, ԹԵ՞ «ՏՐՈՅԱԿԱՆ ՁԻ»՝ ԱՐՑԱԽԻ ՀԱՄԱՐ...
ԵՐԵՎԱՆ, 9 ԴԵԿՏԵՄԲԵՐԻ 2018 ԹՎԱԿԱՆ։ «Իմ քայլը» դաշինքը ստացել է 884 849 ձայն...
ԵՐԵՎԱՆ, 26 ՀՈԿՏԵՄԲԵՐԻ 2020 ԹՎԱԿԱՆ։ «Մենք պատրաստ ենք ցավոտ փոխզիջումների, բայց ոչ՝ կապիտուլյացիայի» Նիկոլ Փաշինյան:
ՇՈւՇԻ, 29 ՀՈԿՏԵՄԲԵՐԻ 2020 ԹՎԱԿԱՆ։ «Թշնամին գտնվում է Շուշիից առավելագույնը 5 կմ. հեռավորության վրա» Արայիկ Հարությունյան։
Այս ժամանակագրությունը իհարկե ոչ մեկիս կարող է դուր չգալ և 884 849 մարդ, ովքեր միամտաբար ընտրել են ժամանակին Նիկոլ Փաշինյանին և իր ռեժիմը, այսօր ջանասիրաբար արդարացում են փնտրելու՝ նույնիսկ տարածքները հանձնելն ու զոհերի քանակն արդարացնելու և արտերկրում մեղավորներ փնտրելու գնով։ Սակայն չկասկածեք, որ Փաշինյանը այդ մասին շատ լավ գիտի, և նրա հաջորդ քայլը լինելու է համացանցային ֆեյքերի միջոցով, ՌԴ-ին մեղադրելու լայնածավալ գործընթացի ծավալումը։ Արդեն այսօր, փաշինյանամետ ֆեյքերը լայն մեկնաբանություններ են անում, մեղադրելով բոլոր նրանց, ովքեր Արցախի հարցի քաղաքական լուծումը և պատերազմի կասեցումը կապում են ՌԴ-ի հետ։ Այսինքն գիծը երևում է։
Իսկ հիմա ՈւՇԱԴՐՈւԹՅՈւ՛Ն...
29 ՀՈւԼԻՍԻ 2019 ԹՎԱԿԱՆ։ ՌԴ Արդարադատության Նախարարությունը ներառել է «Ատլանտյան խորհուրդը», ՌՈւՍԱՍՏԱՆԻ ՀԱՄԱՐ ԱՆՑԱՆԿԱԼԻ կազմակերպությունների ցուցակի մեջ։ ՌԴ Գլխավոր Դատախազությունը որոշել է, որ այս կազմակերպությունը ՍՊԱՌՆՈւՄ Է Ռուսաստանի սահմանադրական կարգի հիմքերին։
24 ՀՈԿՏԵՄԲԵՐ 2020 ԹՎԱԿԱՆ։ Զոհրաբ Մնացականյանը հյուրընկալվեց «Ատլանտյան խորհրդի» կողմից կազմակերպված վեբինարին...
Եվ սա այն դեպքում երբ ՌԴ արտգործնախարարը ակտիվ մասնակցություն է ունենում խնդրի կարգավորման գործընթացում... Գործընթացին ակտիվ մասնակցում է ՌԴ ՊՆ նախարարը... Հոկտեմբերի 30-ին հանդիպում Մոսկվայում... Ամբողջ Հայ ազգը սպասում է ՌԴ արձագանքներին և միջամտությանը, ընդ որում մեծ ակնկալիքներով... ՌԴ սփյուռքը, ակտիվ լոբբինգ է անում, ինչի մասին բացահայտ արտահայտվում է Ալիևը...
Սա, Փաշինյանի իշխանությունների՝ ՌԴ-ի հիմնային սկզբունքներին դեմ գնալու միակ դեպքը չէ։ Այդ դեպքերը անհամար են։
Գրառումս ուզում եմ վերջացնել ՌԴ-ից հնչող հետևյալ հեղինակավոր և տրամաբանական ցիտատով. «Հայերը պետք է ընտրեն պրոռուսական կառավարություն և հետո միայն Մոսկվայից օգնություն խնդրեն: Ինչո՞ւ մենք պետք է օգնենք պրոարևմտյան Փաշինյանին... հայերը պետք է որոշեն, թե որն է իրենց համար ավելի կարևոր՝ Փաշինյա՞նը, թե՞ Լեռնային Ղարաբաղը» Միխայիլ Ալեքսանդրով, ՄԳԻՄՕ-ի պրոֆեսոր, ռազմագետ, քաղաքական գիտությունների դոկտոր, հոկտեմբերի 28-ի «Правда.Ру» պարբերականին տված հարցազրույցից։
Գրել է Միհրդատ Մադաթյանը