Սփյուռքի թասիբը եռում է, Հայաստանում դեռ այդքան չի եռում. Նիկոլ Փաշինյան
«Զինկոմիսարիատի մոտ 24 ժամ դիմակներով հերթեր պետք է լինեն, մարդիկ պետք է գնան մարտական պատրաստություն անցնելու ու պատրաստ լինեն Պաշտպանության բանակի հրամանատարի ցանկացած հրաման կատարելը, որովհետև այսօր մեր ժողովրդի ճակատագիրն է որոշվում: Առյուծ տղաներ շատ ունենք, բայց հանրության մեջ պետք է լինի տրամադրություն, որ որևէ պատճառաբանությամբ մարտի դաշտից փախածը պետք է արժանանա հանրային ամենասուր պարսավանքին: Պատրաստ եմ հանուն մեր հայրենիքի զոհվելու, բայց իմ տեղում մեկը պետք է նստի:
Այսօր պետք է մեր երկրում թասիբը եռար, Հայաստանը, Արցախը և Սփյուռքը պետք էր թասիբի կաթսա լինեին, Սփյուռքը թասիբի կաթսա է, Սփյուռքի թասիբը եռում է, Հայաստանում դեռ այդքան չի եռում և այստեղ, իմ կարծիքով, մեծ դեր ունեն մեր կանայք»,-ֆեյսբուքյան ուղիղ եթերում ասաց վարչապետ Նիկոլ Փաշինյանը և նշեց, որ կանայք պետք է տղամարդկանց ասեն՝ այս իրավիճակում որևէ երկմտություն չի ներվելու:
«Իմ հրամանն է՝ ամեն տղամարդ հենց հիմա ոտքի կանգնի և գնա իր զինկոմիսարիատ»,- ասաց ՀՀ վարչապետը:
Հետևեք մեզ Viber-ում
