Էրդողանի խորհուրդը Մակրոնին. «բուժիր հոգեկանդ»
Այն բանից հետո, երբ Ֆրանսիայի նախագահ Էմանուել Մակրոնը հոկտեմբերին անջատողականության դեմ պայքարի թեմայով մեծ ելույթ էր ունեցել Ֆրանսիայում և ասել, որ Ֆրանսիայի իշխանությունները հատուկ ուշադրություն կդարձնեն երեխաների կրթմանը և որ Ֆրանսիայի մահմեդականների խորհրդի հետ միասին անհրաժեշտ է ստեղծել մի կազմակերպություն, որը կօգնի երկրում «լուսավորչական իսլամ» կառուցել, Թուրքիայի նախագահ Թայիփ Էրդողանը ֆրանսիացի գործընկերոջը խորհուրդ է տվել բուժել հոգեկանը»,- հայտնում է «ՌԻԱ Նովոստին»:
Նշենք, որ Մակրոնն ասել էր, որ անհրաժեշտ է «ազատել իսլամը... արտաքին ազդեցությունից եւ խստացնել մզկիթների ֆինանսավորման վերահսկողությունը»:
«Ի՞նչն այնպես չէ Մակրոնի մոտ՝ կապված իսլամի եւ մահմեդականների հետ: Այն փաստը, որ պետության ղեկավարը այսպես է վարվում է իր երկրի միլիոնավոր մահմեդականների հետ, առաջին հերթին մտքի վերահսկողության կորուստ է: Նա իր հոգեկանի բուժման կարիք ունի»,- ասել է Էրդողանը՝ Կայսերի քաղաքում ելույթի ժամանակ, որի հեռարձակումը կատարվել է նախագահի Twitter-ով:
Թուրքիայի ղեկավարը նախկինում դժգոհություն էր հայտնել Մակրոնի ելույթի վերաբերյալ: Էրդողանի կարծիքով՝ իսլամական անջատողականության դեմ պայքարի մասին իր խոսքերով՝ Ֆրանսիայի ղեկավարը ցանկանում է «հաշիվներ մաքրել մահմեդականների հետ»: Նա նաեւ մեղադրել է Մակրոնին տոտալիտար «հակաիսլամական համակարգ» ստեղծելու մտադրության մեջ:
Հետևեք մեզ Viber-ում
