Կապի մեջ եմ եղել Արցախի նախագահի հետ. Ծառուկյան
«Այսօր պատերազմ է, Հայաստանը, Սփյուռքը մեկ մարդու պես միասնական են: Բոլորի նպատակը հաղթելն է: Ամեն մեկն իր մասով պետք է միասնական լինի, որ մեր բոլորի նպատակն իրականանա: Ես իմ հերթին Արցախի համար միշտ արել եմ, անում եմ, անելու եմ: Անգամ մեկուսարանից զբաղվել եմ արցախցիներին տեղավորելու, նյութական աջակցություն կազմակերպելու հարցերով: Արցախին օգնելու համար կապի մեջ եմ եղել Արցախի նախագահի հետ», - մեկուսարանից դուրս գալուց հետո լրագրողների հետ ճեպազրույցում ասաց ԲՀԿ առաջնորդ Գագիկ Ծառուկյանը:
«Դա շարունակական է լինելու, մարդը պետք է ձեռագիր, անուն թողնի: Այսօր բոլորս մի ազգ ենք: Այս պահին բոլորս մի մարդու պես միասնական պետք է լինենք: Այսօր հիմնական խնդիրը պետք է լինի վիճակից դուրս գալը: Բոլորն իրենց հնարավորությունը պետք է օգտագործեն», - ասաց նա՝ նշելով, որ պետք է մի կողմ դնել բոլոր քաղաքական տարաձայնությունները:
Նա ասաց, որ կկազմակերպի կամավորների՝ առաջնագիծ ուղարկելու գործընթացը:
Վերջում Գագիկ Ծառուկյանը նշեց, որ չի կիսում Արցախի հարցով օպերատիվ շտաբ ստեղծելու գաղափարը, քանի որ պատասխանատվություն պետք է կիսեն բոլորը: