Դու քո ԱՄԵՆԱԹԱՆԿԻՆ` Հայրենիքին տվեցիր քո ԱՄԵՆԱԹԱՆԿԸ` որդուդ
Դու քո ԱՄԵՆԱԹԱՆԿԻՆ` Հայրենիքին տվեցիր քո ԱՄԵՆԱԹԱՆԿԸ` որդուդ:
Չենք հավատում, չենք կարողանում հավատալ ոչ ես, ոչ Էդգարը, ոչ մայրս...
Լուրը իմանալու առաջին իսկ պահից քարացել ենք ու հրաժարվել ենք հավատալ` հուսալով, որ կժխտվի այս դաժան լուրը, որ մեր սիրելի Մենուան հետ կգա, թեկուզ վիրավոր, բայց հետ կգա...
Անասելի ցավում, ի խորոց սրտի ցավակցում և սգում ենք Կարին ջան:
Վերստին մեր խոնարհումը Քեզ ու հերոս ծնած և դաստիարակած բոլոր մայրերին ի դեմս Քեզ` իմ ուժեղ, իմ հզոր, իմ անկոտրուն Կարին!
Դու հայ մայրերի հավաքական կերպարն ես ում ոգու արիությամբ հիացել ու հիանում են բոլորը:
Փառք քո Հերոս որդուն, որ հավերժի ճամփորդ դարձավ ու անմահացավ:
Ես և Էդգարը որդիաբար շնորհակալ ու պարտական ենք Քեզ այն հայրենասիրական դաստիարակության և մարտնչող ոգու համար, որ սերմանել ես մեր մեջ:
Չի կարող պարտվել այն ազգն ու ժողովուրդը որը Քեզ պես հերոս հայուհիներ ունի, Քեզ պես հերոսածին ու հերոսակերտ մայրեր ունի, Քեզ պես հայրենապաշտ դաստիարակներ ու անձնուրաց նվիրյալներ ունի:
Դու մեր Մայր Հայաստան, Դու ռազմահայրենասիրության խորհրդանիշ ու դարբնոց:
Աստված թող լուսավորի մեր հարազատ ընկեր ու եղբայր Մենուայի հոգին ու թող նա պահապան հրեշտակ դառնա այսօր կռվող մեր արծիվ ու առյուծ զինվորներին:
Փառք հերոս որդուտ ու բոլոր հերոսներին!
Հաղթելու ենք և վերջ!
Մարատ Հայրապետյանը՝ Կարին Տոնոյանին