ՊԲ-ն զգալի հաջողություն է գրանցել, նախկինում կորցրած որոշակի դիրքեր վերցրել ենք. ցավոք, ունենք զոհեր. Արթուր Սարգսյան

«Հակառակորդի զավթողական մտահաղացումը ձախողվել է: Տարբեր ուղղություններով ՊԲ-ն գրանցել է զգալի հաջողություն ու վերցրել նախկինում կորցրած որոշակի դիրքեր՝ հիմնականում հյուսիսային ու հարավային ուղղություններով։ ՊԲ-ն հակահարված է հասցրել հակառակորդին՝ ձախողելով բոլոր առաջխաղացումները», - Ստեփանակերտում լրագրողների հետ հանդիպմանն ասաց Արցախի ՊԲ հրամանատարի տեղակալ Արթուր Սարգսյանը։

«Միայն այսօրվա մարտերում հակառակորդը կորցրել է 17 տանկ, 4 զրահափոխադրիչ, 3 ինժեներատեխնիկական ծանր զրահատեխնիկա, 13 ԱԹՍ, անձնակազմը՝ շուրջ 300-ից ավելի։ Ընդհանուր առմամբ հակառակորդն ունի ավելի քան 500 մարդկային կորուստ։Ցավոք սրտի, մարտերի ընթացքում մենք ունենք կորուստներ, թվային տվյալները ճշտվում են», - ասաց նա։