Մեր աչքի առաջ հակառակորդը մոբիլիզացնում է իր ուժերը, իսկ մենք զբաղված ենք թիթեռ նկարելով. Կոնստանտին Տեր-Նակալյան

«Պետությունը պետք է պատրաստ լինի լայնամասշտաբ պատերազմի։ Նիկոլ Փաշինյանն ընդդիմությանն ասում է՝ թուրքը կռիվ է տալիս, իսկ դուք ներսում խժդժություններ եք իրականացնում։ Նույնիսկ միջազգային մամուլն է խոսում այն մասին, որ Ադրբեջանը զորավարժություններ է սկսել, քաղաքացիներին են ներգրավվում։ Եթե դա բլեֆ չէ, ապա մեր աչքի առաջ հակառակորդը մոբիլիզացնում է իր ուժերը, իսկ մենք ի՞նչ ենք անում, մենք զբաղված ենք թիթեռ նկարելով»,-  լրագրողների հետ զրույցում ասաց «Ադեկվադ» միաբանության անդամ Կոնստանտին Տեր-Նակալյանը։

 «Ադրբեջանի նախագահ Իհլամ Ալիևը ՄԱԿ-ի գլխավոր ասամբլեայի առցանց կոնֆերանսում հակահայկական հայտարարություններով հանդես եկավ, սակայն հայկական կողմից, ինչպես միշտ, պատասխան չի լինելու։ Նիկոլը առյուծ է ճղում, ցանկացած իրավիճակում, երբ խոսքը վերաբերում է ներքին ընդդիմությանը, սակայն, երբ խոսքը հասնում է Ալիևի և Ադրբեջանի հայտարարություններին գնահատականներ տալուն՝ պարզվում է, որ Ալիևը շատ կիրթ, կուլտուրական մարդ է»,-ասաց նա։

Վարչապետի բոլոր քայլերը տանում են նրան, որ իր իշխանությունը հարատև լինի, որի մասին խոսում է այն քաղաքական լարվածությունը, որը հիմա կա,-ասաց նա և հավելեց, որ վարչապետն իր կնոջն էլ կկալանավորի, եթե դա պետք լինի իր իշխանության հարատևության համար։