ՍԴ նախագահի կարգավիճակն այնպիսին չէ, որ նա կարող է էականորեն ազդել այս կազմի վրա. Արթուր Վաղարշյան
ՍԴ նորընտիր դատավոր Արթուր Վաղարշյանը լրագրողների հետ զրույցում ասաց, որ Սահմանադրական դատարանի նախագահի թեկնածուին այսօր մեկ դատավոր է հարցեր ուղղել։
Հարցին՝ արդյոք ինքը կասկածներ չունի՞, որ Խունդկարյանի եւ իշխանության միջեւ կարող էր ՍԴ նախագահի պաշտոնի վերաբերյալ պայամանավորվածություն լինել, Վաղարշյանն ասաց, որ իշխանությունը այսպես նպատակադրված գործի այդ ուղղությամբ չի զգացել, մյուսների պահով հնարավոր է, մյուսների համար պատասխանատու չի։ «Իմ կարծիքով՝ նախագահի կարգավիճակն այնպիսին չէ, որ նա կարող է էականորեն ազդել հատկապես այս կազմի վրա»,-ասաց նա:
Հարցին, թե ինչո՞ւ ինքը չի ինքնաառաջադրվել ՍԴ նախագահի պաշտոնում, Վաղարշյանը նախ ասաց, թե հոգեբանորեն պատրաստ չէր, քանի որ դատավորի պաշտոնում ընտրության փուլը ծանր է եղել եւ հավելեց, որ դասախոսական աշխատանքը չի ցանկանում թողնել, իսկ նախագահի պաշտոնի հետ համատեղել չէր կարող։