Ադրբեջանի ղեկավարությունը պատրաստվում է նոր արկածախնդրության, իսկ Հայաստանում...

Նույնիսկ ոչ փորձագետին ակնհայտ է, որ Ադրբեջանի ղեկավարությունը՝ «կիրթ ու կառուցողական» Իլհամ Ալիևի գլխավորույթամբ ու, նկատենք՝ Թուրքիայի և Էրդողանի ցուցադրական ակտիվ «դամքաշությամբ», պատրաստվում է նոր արկածախնդրության: Պարզ ասած՝ պատերազմի կամ լայնածավալ մարտական գործողությունների հրահրման՝ «շփման գոտու» առանձին վերցրած որևէ ընդգրկուն տեղամասում:

Պետք չէ տարածաշրջանում ու անմիջականորեն մեր սահմանների մոտ իրադարձությունների ընթացքին և զորաշարժերին սիստեմավորված հետևող մասնագետ լինել դա նկատելու համար: Այնքան ակնհայտ են Ադրբեջանի ու նաև Թուրքիայի իշխանությունների «շարժումները», որ չնկատել դրանք ուղղակի անհնար է:

Պատերազմական ակտիվ նախապատրաստության մասին են հուշում ինչպես Ադրբեջանի իշխանության ղեկավարի՝ արտաքին-քաղաքական հարթակներում ունեցած ելույթների հռետորաբանությունը, այնպես էլ՝ կոնկրետ գործողությունները, լինեն դրանք պահեստազորի հավաք, երկրում եղած ամենագնաց և պիկապ թափքով մեքենաների գույքագրում-վերահաշվառում, թե նմանօրինակ այլ բան: Ինչ վերաբերում է Թուրքիային, ապա վերջին շրջանի ակտիվությունից թերևս արժե նշել ադրբեջանական զինուժի հերթական կորստի վերաբերյալ արձագանքը: Հարցն այն է, որ նախկինում, անգամ նկատելի սահմանային միջադեպերի ժամանակ, Թուրքիան այդ կարգի ցուցադրաբար չի արձագանքել: Իսկ երբ թշնամիների վարքը սկսում է շեղվել կամ տարբերվել նախկինում դրսևորածից, ըստ որում՝ շեղվում է դեպի ագրեսիվացում, ապա թերևս պարզ է, թե դա ինչ է հուշում:

Բայց դա հարցի մի կողմն է: Մյուս կողմն էլ այն է, որ Ալիևը (վերստին նշենք՝ թուրքական «դամքաշության» պայմաններում) ջանում է հնարավոր հետագա սրացումների մեղքը «գլխանց» բարդել Հայաստանի, առհասարակ, հայկական կողմի վրա: Ընդհանուր առմամբ հասկանալի է, որ Ալիևի ագրեսիվ հռետորաբանության նպատակը իր հնարավոր ելուզակության համար արտաքին-քաղաքական ֆոնային պլացդարմ ապահովելն է, ինչպես նաև՝ Հայաստանի «գրպանը պատերազմի պատասխանատվություն գցելը», եթե կարելի է այդպես ասել:

Հետաքրքիր է, թե գոնե երևացող հատվածում ինչով է զբաղված մեր երկրի քաղաքական իշխանությունն զբաղեցնող «կամանդը», մինչ Ադրբեջանը ցուցադրաբար պատրաստվում է պատերազմական գործողությունների կամ («լավագույն դեպքում») սպառնում է պատերազմով՝ ոչ պատերազմական զարգացումներում նպաստավոր դիրք ստանալու համար:

Հայաստանի ղեկավարությունը՝ ի դեմս Նիկոլ Փաշինյանի, ձգտում է քարոզչական ու քաղաքական առավելագույն դիվիդենտները քաղել, այս դեպքում ճիշտ կլինի ասել՝ քամել սահմանագոտի-առաջնագծի Տավուշի հատվածում երկու ամիս առաջ ծավալված մարտական գործողություններից: Եթե չափի զգացման վերջին միլիմետրերն էլ կորցնեին, իշխանական քարոզիչները Փաշինյանին գեներալիսիմուս էլ կհռչակեին: Դե, եթե Աստծո և Քրիստոսի հետ համեմատում են, գեներալիսիմուսն ի՞նչ է, որ «դուխով» կեպիի վրա չսոսնձեն: Կամ միգուցե դա թողել են ապագայի, ասենք՝ 2028-33 թվականների համար: Իսկ Փաշինյանի տիկինն էլ՝ Աննա Հակոբյանը, որ ոչ այնքան վաղուց Մեհրիբան Ալիևային «թեյ խմելու» էր հրավիրում և «խաղաղություն քարոզում», զբաղված է «կանանց գումարտակ» ձևավորելով: Դա միգուցե լավ է նայվում գլամուրային ամսագրերի շապիկների նկարների վրա, բայց գործնականում, քարոզչականից բացի, այլ իմաստ չունի: Ոչ թե այն պատճառով որ կանանց մասին է խոսքը, ամենևի՛ն: Հայոց բանակում նոր չէ, որ կան կին-զինծառայողներ, այդ թվում ամենամարտական խնդիրներ կատարող ստորաբաժանումներում էլ: Տվյալ դեպքում հարցն այն է, որ նման ձեռնարկումները հազիվ թե կարող են կարճ ժամանակահատվածում ռեալ արդյունք ապահովել:

Հա, ու աշխարհազոր ձևավորելու նախաձեռնությունն է, որի գաղափարաքաղաքական ու գործնական բովանդակությունը հակադարձ համեմատական է «աշխարհազոր» բառի հնչեղ արտասանությանը:

Վստահ ենք, որ մեր Զինված ուժերը, ամեն պարագայում, լիովին տիրապետում են իրավիճակին ու զբաղված են շատ ավելի կոնկրետ ու արդյունավետ գործերով, քան պետության կառավարման ղեկի մոտ հայտնված պատահական անձինք:

Ցանկացած դեպքում, ընդհանուր իրավիճակը ոչ թե պարզապես մտահոգիչ է, այլ սահուն հակվում է դեպի վտանգավոր բնորոշումը:

Ցավալի է, բայց նման տարբերակով դեպքերի զարգացմանը, հակառակորդների նպատակային քայլերից զատ, նպաստել է և վերջին երկու-երկուսուկես տարվա ընթացքում Հայաստանի իշխանության, կոնկրետ Նիկոլ Փաշինյանի վարած, եթե կարելի է ասել՝ արտաքին քաղաքականությունը (դեռ ներքինը չհաշված): Դա և՛ Արցախի հիմնախնդրին վերաբերող հակասական հայտարարություններն են, և՛ թշնամու հանդեպ անհարկի ու չարդարացված, այսպես ասենք՝ «հարգալից-գովասանքային» դրսևորումները, և՛ խաղաղասիրական քարոզները, և՛ ռազմավարական դաշնակցի հետ հարաբերությունների նկատելի խարխլումը, և՛ կոնկրետ բովանդակություն առաջարկելու փոխարեն «գունավոր հեղափոխության» բրենդի վրա Արևմուտքի ու ԱՄՆ-ի տարածաշրջանային «աչքի լույս»-«պուպուշիկ» ընկալվելու ցնորքը:

Ի լրումն, իրականացվել է այնպիսի քաղաքականություն, որը հակառակորդին թույլ է տվել մտածել, թե եկել է հարմար պահ Հայաստանի վրա գրոհելու համար:

Մենք, իհարկե, այլ հնար չունենք, քան դիմակայելն ու հաղթելը, քանզի հակառակը նշանակում է վերացում ու բնաջնջում: Բայց մենք նաև արկածախնդրական շեղումների մեջ ընկնելու տեղ էլ պիտի որ չունենայինք:

Արմեն Հակոբյան

7or.am

դիտվել է 52 անգամ
Լրահոս
Կարեւոր է. Չտրվե´լ թշնամական հերթական սադրանքին. «Հայաքվե» Ինչպես հետ մնացինք Վրաստանից․ Եվրո–2024–ն առանց Հայաստան Կա մի կարևոր գործ, որը պետք է անենք․ Աշոտ Անդրեասյան (video) Ավարտվել է Հրազդան քաղաքի 64–ամյա բնակչի սպանության դեպքի առթիվ նախաձեռնված քրեական վարույթի նախաքննությունը Էս ի՞նչ եք անում․ ի՞նչ որոշումներ եք ընդունել․ Արեգնազ Մանուկյանը նեղը գցեց Ժաննա Անդրեասյանին (video) Ինչ է ասել Պուգաչովան ԱՄՆ Ներկայացուցիչների պալատի պատվիրակությունը կայցելի Թուրքիա Հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ Հենց այդ պահին ԱԱԾ-ն Նիկոլի հետևից է գնալու․ Սերգեյ Շաքարյանց (video) «Դրանք կեղտեր են»... Երվանդ Բոզոյան (video) Նիկո՛լ, չերազես ու դեռ կտեսնես․․․ Աննա Մկրտչյան (video) Դու՞ ես Հայաստանի կառավարությունը, որ հիմա էլ սպառնում ես արցախցիներին․ Շարմազանովը՝ Նիկոլին (video) Կա՛մ Պուտինը կոնկրետ խփում է, կա՛մ ՌԴ-ում նոր ահաբեկչություններ կլինեն. Երվանդ Բոզոյան (video) Արա՛, ի՞նչ ես յալվար ընկել, ինչի՞ ես ծախում էդ գյուղերը. Հրանտ Բագրատյանը հունից դուրս եկավ (video) Էս ո՞վ եք դուք․ Չեմբեռլենին գովերգող փոսթ՝ ՀՀ ԱԺ հանձնաժողովի պաշտոնական էջում Ալիևը հունվարին շատ պարզ խոսել է իր նպատակների մասին, Փաշինյանն էլ տեղյակ է՝ միակողմանի զիջումը ոչ միայն չի կանխելու պատերազմը, այլև նաև արագացնելու է այն. Հայրապետյան «Փալասին խորհուրդ կտամ փնտրել ու գտնել մի հայ ճարտարապետ ու հարցնել՝ Ոսկեպարի Սուրբ Աստվածածին եկեղեցու մասին». Ռուբեն Մելիքյան Սիլվա Համբարձումյանը հիմա էլ ՔՊ-ականների դեմ է հաղորդում տալիս Փաշինյանը չի տիրապետում քարտեզներին և համաձայնագրերին. Լուսանկարներ «Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել Օդի ջերմաստիճանը հանրապետության ամբողջ տարածքում Toyota-ի խմած վարորդը դարձել է ավտովթարների հեղինակ. 12-ամյա տղան ու նրա մայրը հոսպիտալացվել են Նիկոլը Տավուշում պատերազմ է սկսում․ Արտակարգ և լիազոր դեսպան (video) Հայաստանը շուրջ 30 տոննա մարդասիրական բեռ կուղարկի Գազայի բնակիչներին Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար
Ամենաընթերցվածները
Շուտով
Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը Մարտի 27-ին՝ ժամը 11:30-ին, Հայելի ակումբի հյուրն Գառնիկ Դավթյանը Մարտի 27-ին՝ ժամը 16:00-ին, Հայելի ակումբի հյուրն է Նարինե Դիլբարյանը Մարտի 27-ին՝ ժամը 14:00-ին, Հայելի ակումբի հյուրն է Սամվել Հակոբյան Մարտի 27-ին՝ ժամը 12:00-ին, Հայելի ակումբի հյուրն է Արմինե Ադիբեկյանը Մարտի 26-ին՝ ժամը 14։00-ին, Հայելի ակումբի հյուրն է Թաթուլ Պետրոսյանը
Հետևեք մեզ Viber-ում https://cutt.ly/5wn8sJBS
Hayeli.am