Շատ ավելի նպատակահարմար է, որ գյուղական ճանապարհները ոչ թե ասֆալտվեն, այլ սալարկվեն. Փաշինյան
Կառավարությունն իր այսօրվա նիստում որոշում կայացրեց, որով կարգավորվում է համայնքային ճանապարհների, փողոցների կառուցման եւ բարեկարգման աշխատանքների ընթացակարգը:
«Մենք բավական երկար ժամանակ քննարկում ենք գյուղական, տեղական նշանակության ճանապարհների որակի լավարկման հարցը, որովհետեւ գիտեք, ցավոք սրտի մեր շատ գյուղերում շատ փողոցներ ուղղակի հողային վիճակում են: Մեզ համար ռազմավարական խնդիր է գյուղական համայնքներում կյանքի որակի փոփոխությունը եւ նաեւ Հայաստանի վերափոխման մինչեւ 2050 թվականի ռազմավարության մեջ մենք ընդգծել ենք, որ բնակավայրը պետք է ինքնին չնշանակի որոշակի ապրելակերպ:
Շատ դեպքերում ռելիեֆից, համայնքի բյուջեից կախված, նաեւ զուտ գեղագիտական նկատառումներից ելնելով շատ ավելի նպատակահարմար է, որ այդ ճանապարհները ոչ թե ասֆալտվեն, այլ սալարկվեն:
Եկանք եզրակացության, որ կան համայնքներ, որոնք իրենց ռեսւորսը ունեն, քար կա, քարի հանք կա իրենց տարածքում եւ կարող են իրենց միջոցներով փողոցների սալարկումն իրականացնել, տեղի բնակիչներին ներգրավել: Արդեն մի քանի համայնքում փորձում են իրականացնել այդ գործընթացը»,- ասաց վարչապետ Նիկոլ Փաշինյանը:
:
Հետևեք մեզ Viber-ում
