«Արցախի հիմնախնդրի հարցով անհնար է առարկայական բանակցություններ վարել այնպիսի պայմայններում, երբ մի կողմը՝ Ադրբեջանը, անընդհատ սպառնում է ուժի կիրառմամբ և նախապայմաններ է դնում: Վերջերս Հայաստանի ղեկավարությունը՝ ի դեմս արտգործնախարարի, մեր դիրքորոշումները հստակ ներկայացրել է: Մենք չենք ապակառուցողական կողմը: Մենք մշտապես հանդես ենք եկել կառուցողական դիրքորոշումներով և հայտարարություններով՝ միտված խաղաղ գործընթացի ամրապնդմանը: Եվ, կարծում եմ, առավել քան ակնհայտ է, թե որ կողմն է կիրառում ռազմատենչ լեզու, որ կողմն է հարձակվում մյուս կողմի վրա և որ կողմն է փորձում տապալել բանակցային գործընթացը»,- Ժ-ում լրագրողների հետ զրույցում՝ անդրադառնալով Ադրբեջանի նախագահի վերջին ապակառուցողական հայտարարության վերաբերյալ հարցին, նման տեսակետ հայտնեց ՀՀ ազգային ժողովի արտաքին հարաբերությունների մշտական հանձնաժողովի նախագահ Ռուբեն Ռուբինյանը:
«Ադրբեջանական կողմի ներկայացուցիչներն անում են կատեգորիկ հայտարարություններ խաղաղ գործընթացի վերաբերյալ: Եվ մեր դիրքորոշումը շատ տրամաբանական է: Անհնար է նստել, առարկայական բանակցություններ վարել այնպիսի պայմաններում, երբ կողմերից մեկը նախ անընդհատ սպառնում է ուժի կիրառմամբ և նախապես պայմաններ է դնում: Օրինակ՝ Ադրբեջանի ղեկավարությունը հայտարարում է, թե հակամարտության հանգուցալուծումը հնարավոր է միայն Ադրբեջանի տարածքային ամբողջականության շրջանակներում: Դա ապակառուցողական, կատեգորիկ հայտարարություն է, որն անհնար է դարձնում առարկայական քննարկումները»,- ասաց Ռուբինյանը:
Անրադառնալով ՀՀ վարչապետ Նիկոլ Փաշինյանի առաջ քաշած բանաձևին, որ լուծումը պետք է ընդունելի լինի Հայաստան, Արցախի և Ադրբեջանի ժողովուրդների համար՝ Ռուբինյանն ասաց՝ հայտնի է, որ աշխարհում ցանկացած հակամարտություն, որ պետք է լուծվի, պետք է լուծվի բոլոր կողմերի ժողովուրդների համաձայնությամբ: «Եթե ժողովուրդներից մեկը համաձայն չէ, այդ հակամարտությունն առնվազն տևական լուծում չի ունենալու: Կա երկու տարբերակ. կամ այս հակամարտությունը կլուծվի Հայաստանի, Արցախի և Ադրբեջանի ժողովուրդների համար ընդունելի տարբերակով, կամ այս հակամարտությունը չի լուծվի»,- ասաց նա:
Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը
Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը
Ապրիլի 19-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 18-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը
Ապրիլի 18-ին՝ ժամը 12։00-ին, Հայելի ակումբի հյուրն է Հովհաննես Շահինյանը
Ապրիլի 18-ին՝ ժամը 14։00-ին, Հայելի ակումբի հյուրն է Ռուբեն Հակոբյանը
Ապրիլի 18-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Ապրիլի 17-ին՝ ժամը 14։30-ին, Հայելի ակումբի հյուրն է Տաթև Արցախցին
Ապրիլի 17-ին՝ ժամը 12։00-ին, Հայելի ակումբի հյուրն է Հովհաննես Գալստյանը