Բողոքավոր Ալիևի «պատերազմ» օպերացիան

Արձագանքելով Ադրբեջանի նախագահի հայտարարությանը, թե «ղարաբաղյան հակամարտության կարգավորման հարցով բանակցությունների տապալման մեղավորը Հայաստանի ղեկավարությունն է»` Հայաստանի պաշտպանության նախարար Դավիթ Տոնոյանը երեկ ասել է, որ Իլհամ Ալիևը բանակցությունները տապալելու գործում ինքն իրեն մեղադրելու փոխարեն մեղադրել է հայկական կողմին. – «Երևի թե ինքն իր մասին է խոսում տապալման առումով»:

«Հայաստանի Հանրապետության նկատմամբ ուժի տեսանկյունից և իրենց համար անհաղթահարելի պահանջներ դնելը բանակցային գործընթացից առաջ, անընդունելի է», - հավելել է Տոնոյանը:

Հիշեցնենք, որ շաբաթ օրը տեղական հեռուստաընկերությունների տված հարցազրույցում Ադրբեջանի նախագահը նաև բացասական էր գնահատել Ղարաբաղի հարցով բանակցությունների ներկայիս վիճակը. – «Ես ասել եմ, որ մենք չենք մասնակցի բանակցություններին հանուն տեսանելիության: Դա չի նշանակում, որ մենք հրաժարվում ենք բանակցություններից, դա նշանակում է, որ մենք չենք ցանկանում դառնալ Հայաստանի խորամանկ քաղաքականության մասնակիցը»: «Եթե Հայաստանի վարչապետը կարծում է, որ Ղարաբաղը Հայաստան է, այդ դեպքում ի՞նչ խաղաղ համաձայնագրի մասին կարելի է խոսել», - նաև հայտարարել է Ալիևը:
Հայաստանի արտգործնախարար Զոհրաբ Մնացականյանը երեկ չի ցանկացել մեկնաբանել Ալիևի հայտարարությունները` ասելով. – «Չեմ ուզում որևէ կերպ մեկնաբանել այդ հայտարարությունը, որը շատ հուզական էր»:

Մյուս կողմից, նա լրագրողների հետ ճեպազրույցում վերահաստատել է, որ հայկական կողմը պատրաստ է շատ արագ վերադառնալ բանակցային սեղան. – «Հիմա մենք խորհրդակցում ենք խոսում ենք համանախագահների հետ, մենք կապի մեջ ենք, աշխատում ենք և կկարողանանք պայմանավորվել: Մենք առավել քան հստակ ընդգծել ենք, որ խաղաղ գործընթացը այլընտրանք չունի, որ կարգավորումը միայն հնարավոր է խաղաղ ճանապարհով, որ այդ ամենը մենք ասում ենք բացարձակ այն ինքնավստահության հիման վրա, որ Հայաստանը և Արցախը ամբողջովին հզոր են պաշտպանելու իրենց»:

Նկատենք, որ վերջին օրերին իրավիճակը հանդարտ չէ հայ-ադրբեջանական սահմանին։ Սեպտեմբերի 16-ին Պաշտպանության նախարարությունը հաղորդեց, որ Ադրբեջանի սադրանքի հետևանքով պայմանագրային զինծառայող է զոհվել` կրտսեր սերժանտ Հովիկ Թամազյանը։

Երեկ էլ ադրբեջանական լրատվամիջոցները հաղորդեցին, թե Տավուշի ուղղությամբ հայ-ադրբեջանական սահմանին զոհվել է ադրբեջանցի զինծառայող, ինչպես նաև խոցվել է հայկական անօդաչու թռչող սարք։

Հայաստանի պաշտպանության նախարարի խոսնակ Շուշան Ստեփանյանը լրատվամիջոցներին երեկ հայտնել է, որ ադրբեջանցի զինվորի զոհվելու մասին տեղեկություն չունեն, իսկ հայկական որևէ անօդաչու չի խոցվել։

Բացի այդ, ըստ ՀՀ ՊՆ մամլո խոսնակի՝ հայկական կողմը նորից վստահեցնում է, որ «ռիսկերի նվազեցման մեխանիզմների բացակայությունը չի նպաստում սահմանային լարվածության նվազեցմանը»։

Անկախության տոնի կապակցությամբ Հայաստանի վարչապետին ու նախագահին ուղղված շնորհավորական ուղերձներում երեկ անդրադարձել են նաև ղարաբաղյան բանակցություններին։

Մասնավորապես, Ֆրանսիայի նախագահ Էմանյուել Մակրոնը նշել է. - «Ֆրանսիան, որպես Մինսկի խմբի համանախագահ, ոչ մի ջանք չի խնայի՝ հասնելու կողմերի միջև բանակցությունների արագ վերսկսմանը, Լեռնային Ղարաբաղի հակամարտության խաղաղ և տևական կարգավորման հույսով»: Իսկ ԱՄՆ պետքարտուղար Մայք Պոմպեոն իր հերթին նշել է. «Մենք կշարունակենք նպաստել ղարաբաղյան հակամարտության խաղաղ կարգավորմանը և կողմերին հորդորում ենք հնարավորինս շուտ վերսկսել առարկայական բանակցությունները Մինսկի խմբի համանախագահների հովանու ներքո»:

Երեկ, սակայն Ադրբեջանի նախագահ Իլհամ Ալիևը ՄԱԿ Գլխավոր ասամբլեայի 75-րդ նստաշրջանի բարձր մակարդակի նիստում իր ելույթի ժամանակ դարձյալ բողոքել է Հայաստանից...

Այս անգամ էլ Ալիևի բողոքի թեման աշխարհազոր ստեղծելու Հայաստանի մտադրությունն է: ՄԱԿ-ին ու միջազգային հանրությանը Ալիևը կոչ է արել զսպել Հայաստանին։ «Հայաստանի վարչապետը դիտավորյալ խախտում է ԵԱՀԿ Մինսկի խմբի միջնորդությամբ բանակցային գործընթացի ձևաչափն ու էությունը։ «Ղարաբաղը Հայաստան է» հայտարարությունը լուրջ հարված է բանակցային գործընթացին։ Նրա առաջ քաշած 7 պայմաններն Ադրբեջանը մերժել է։ Մենք միայն մեկ պայման ունենք խաղաղության հասնելու համար։ Հայկական զինված ուժերը պետք է դուրս գան Ադրբեջանի օկուպացված տարածքներից։ Հայաստանի վարչապետը հայտարարել է, թե զինված աշխարհազոր է ստեղծելու, որը կազմված կլինի տասնյակ հազարավոր քաղաքացիական անձանցից»,- հայտարարել է Ալիևը ու հավելել, թե աշխարհազորն օգտագործվելու է Ադրբեջանի դեմ ռազմական գործողությունների ժամանակ, իսկ Հայաստանի պաշտպանության նախարարն էլ սպառնացել է «նոր պատերազմով և նոր գրավվելիք տարածքներով»։ Այնուհետև Ալիևը բողոքել է, թե Հայաստանը որդեգրել է ագրեսիվ ռազմական դոկտրին և հարձակվողական բնույթի ազգային անվտանգության ռազմավարություն, ինչից էլ Ադրբեջանի նախագահը ենթադրություններ է արել, թե Հայաստանը պատրաստվում է Ադրբեջանի դեմ նոր ագրեսիայի. «Մենք կոչ ենք անում ՄԱԿ-ին և միջազգային հանրությանը զսպել Հայաստանին»։

Ադրբեջանի նախագահն, այսպիսով, բավական կոշտ հակաքարոզչություն է իրականացնում ընդդեմ Հայաստանի, ու վստահաբար դրա տակ թաքնված է նենգ ծրագիր: Ալիևի բողոքները միջազգային անտյանների ամբիոններից նշանակում է, որ Ադրբեջանի ռազմաքաղաքական ղեկավարությունը պատերազմի հող է նախապատրաստում:

Իր բողոքավոր կերպարով նա հետևողական ձգտում է «արդարացնել» իր ռազմատենչ քաղաքականությունը:

Ակնհայտ է, որ Ադրբեջանն օր-օրի կոշտացնում է դիրքորոշումը:

Մետաքսյա Շալունց

դիտվել է 1987 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն
Ամենաընթերցվածները
Շուտով
Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը
Հետևեք մեզ Viber-ում https://cutt.ly/5wn8sJBS
Hayeli.am