Հակահարված. Աննա Հակոբյանը դադարեցնում է լիազորությունները
ՀՀ վարչապետի տիկին Աննա Հակոբյանը ֆեյսբուքյան իր էջում գրել է. «Սիրելիʹ հայրենակիցներ,
Սույն հայտարարությամբ դադարեցնում եմ «Ժպիտների քաղաք» (City of Smile Charitable Foundation) բարեգործական հիմնադրամի հոգաբարձուների խորհրդի նախագահի լիազորությունները։
Վստահ եմ, մեր երեխաները հուսալի և ապահով ձեռքերում են»։
Հիշեցնենք, որ այսօր ԱՆ պրոֆ․ Ռ․ Յոլյանի անվան Արյունաբանության Կենտրոնի աշխատակիցներն իրենց աջակցությունն էին հայտնել Կենտրոնի տնօրեն Սամվել Դանելյանին:
Նրանք հայտարարություն էին տարածել.
Հաշվի առնելով Առողջապահության Նախարարության անընդունելի, անտրամաբանական, հիասթափեցնող, անարդարացի, չհիմնավորված որոշումը (կապված ԱՆ պրոֆ․ Ռ․ Յոլյանի անվան Արյունաբանության Կենտրոնի տնօրեն Սամվել Դանելյանի աշխատանքային պայմանագիրը չշարունակելու որոշման հետ) ՝ Մեծահասակների Քիմիաթերապիայի Կլինիկայի անձնակազմը նույնպես միանում է բողոքին։
Կլինիկայի ողջ անձնակազմով գրում ենք աշխատանքից ազատման մեր դիմումները և հոկտեմբերի 1-ից դադարեցնում կլինիկական գործունեությունը։
Կլինիկայի ղեկավար՝ Դավիթ Զոհրաբյան
Բաժանմունքի վարիչ՝ Լիանա Սաֆարյան
Բժիշկ Ուռուցքաբան՝ Սամվել Բարդախչյան
Բժիշկ Ուռուցքաբան՝ Ջեմմա Առաքելյան
Ավագ բուժքույր՝ Լիլիթ Թունյան
Բուժքույր՝ Անգին Մանուկյան
Բուժքույր՝ Էսթեր Նազարեթյան
Բուժքույր՝ Գոհար Արշակյան
Բուժքույր՝ Ասյա Գալստյան
Բուժքույր՝ Անահիտ Հովհաննիսյան
Քույր-տնտեսուհի՝ Թերեզա Ղազարյան
Մայրապետ՝ Ռուզաննա Մկրտչյան
Մայրապետ՝ Անահիտ Ավագյան
Դավիթ Զոհրաբյան