ՀՀ բոլոր քաղաքացիներն այլեւս կարող են դիմակ չկրել

Պարետ Տիգրան Ավինյանն օգոստոսի 28-ին, նոր որոշում է ստորագրել, որով դիմակ կրելը այլևս պարտադիր չի լինի Հանրապետության նախագահի, Ամենայն հայոց կաթողիկոսի, վարչապետի, Ազգային ժողովի նախագահի, Սահմանադրական դատարանի նախագահի, Բարձրագույն դատական խորհրդի նախագահի գլխավորությամբ անցկացվող արարողակարգային միջոցառումների ժամանակ ելույթ և ուղերձ ունեցողների և միջոցառման անմիջական մասնակիցների համար՝ բացառությամբ հանդիսականների, հյուրերի, լրագրողների և սպասարկող անձնակազմի։ Ինչպես գիտեք, նշվում էր, որ աշխատանքային հանդիպումները, քննարկումները և ժողովները պետք է կազմակերպվեն հնարավորինս հեռավար կամ բացօթյա տարածքներում: Միայն նման հնարավորությունների բացակայության կամ անցանց ձևաչափով դրանք անցկացնելու անհրաժեշտությամբ պայմանավորված՝ ապահովվում է առավելագույնը 20 հոգու մասնակցություն:

Այս կարգից ևս բացառություն է նախատեսվել։ Դրույթը կիրառելի չի լինի վարչապետի մոտ հրավիրված խորհրդակցությունների, հանրապետության նախագահի, Ամենայն հայոց կաթողիկոսի, վարչապետի, Ազգային ժողովի նախագահի, Սահմանադրական դատարանի նախագահի, Բարձրագույն դատական խորհրդի նախագահի գլխավորությամբ անցկացվող արարողակարգային միջոցառումների ժամանակ։
Ինչպես ասում են՝ հասել ենք, իջեք: Որ թավշյա իշխանիկները հնարավոր եւ անհնար բոլոր մեթոդներով փորձում են սորտավորել հասարակությանը՝ նախ սեւ-սպիտակի բաժանելով, հիմա էլ կորոնավիրուսային սորտավորում է արվում, երբ դիմակահանդեսի «արքաներ» կարող են դիմակ չկրել, իսկ շարքայինները՝ ոչ, ըստ երեւույթին իրենք ազնվական սորտի մաքրամաքուր ներկայացուցիչներ են եւ, այո, ոչ միայն իրենք են սպիտակ, մյուսները՝ սեւ, այլեւ իրենց արյունն է սպիտակ: Տպավորություն է, որ թավշիստներն ուշադրության պակասի խնդիր ունեն եւ տառապում են սադոմազոխիզմով, ամեն օր մի անհեթեթ որոշումով, գործողությամբ փորձում են իրենց վրա կենտրոնացնել հանրային ուշադրությունը՝ դառնալով ծաղրի առարկա, քննադատության թիրախ: Աշխարհը վաղուց հաղթահարել է կորոնավիրուսի պատերազմը, իսկ մեզ մոտ կարծես ամեն ինչ արվեց եւ շարունակում է արվել, որ տարածաշրջանում թե վարակվածության, թե մահերի թվով առաջինը լինենք,որ բոլորը խոսեն մեր մասին, կամ աշխարհի որեւէ երկրում դիմակ չեն պարտադրում հեռուստատեսության աշխատակիցներին, իսկ մեզ մոտ այդ հիմքով եւ այդ քողի տակ ազատ խոսքը ճնշելու գործողություններ են իրականացվում, աշխարհի ոչ մի քաղաքակիրթ երկրում դիմակի համար չեն ըմբշամարտում քաղաքացու հետ, իսկ մեզ մոտ ամեն օր ոստիկանները դիմակ չկրող քաղաքացիների հետ հարաբերվում են մարտեր առանց կանոնների ժանրով:
Ամեն ինչ գուցե այսքան զվարճալի կլներ, եթե իրականությունն այսքան դաժան չլիներ:
Տեւական ժամանակ է փաստական տվյալներով փորձ է արվում ապացուցել, որ դիմակը ըստ էության չի բարելավում կորոնավիրոսով վարակվածության վիճակը, հակառակը վիճակագրությունն այլ մասին է վկայում: Մայիսի 25-ին, երբ պարտադիր դարձավ դիմակի կրումը, վարակված է եղել 7402 քաղաքացի։ Իսկ օգոստոսի 28-ի դրությամբ վարակվածների թիվը հասել է 43451-ի։ Այս թվերը պաշտոնական են, իրական վարակվածների թիվը ոչ ոք չգիտի։

Մայիսի 25-ի դրությամբ նոր կորոնավիրուսից մահացածների թիվը կազմում էր 91 մարդ, իսկ օգոստոսի 28-ի դրությամբ մահացածների թիվը հասնում է 1135-ի։
Պարզ թվաբանությունը հուշում է, որ մահերի թիվը, դիմակը պարտադիր կրելու որոշումից հետո, ավելացել է գրեթե 12 անգամ, իսկ վարակակիրների թիվն աճել է գրեթե 7 անգամ։ Ուստի կոչ-հորդորներ են հնչում դադարցնել դիմակամոլությունը,բաց տարածքներում դիմակ կրելը. հատկապես, որ այս շոգին դա ավելի է վնասում մարդկանց կյանքին ու առողջությանը, քան չկրելը : Բայց իշխանությունը դիմակ պարտադրելու թերեւս մի քանի պատճառներ ունի, նախ որ իշխանական բարձր մակարդակներում այդ բիզնեսով են զբաղված, հո չեն թողնի, որ իրենց նորաստեղծ բիզնեսը «տակ» տա, երկրորդ՝ սահմանված տուգանքներից մեծ գումարներ են հոսում բյուջե, երրորդ՝ որոշ հոգեկան հիվանդներ հոգեկան բավարարվածություն են ստանում իրենց կամքը միլիոնավոր մարդկանց վրա տարածելով, չորրորդ՝ ուզում են ցույց տալ՝ իբր պայքարում ենք կորոնավիրուսի դեմ ու այսպես շարունակ:

Հ.Գ.Այն ով էր ասում, որ Հայաստանում 3 միլիոն վարչապետ կա, ապրեք՝ թիվ մեկ վարչապետ Նիկոլ Փաշինյանը, այնպես որ բոլորս էլ կարող ենք դիմակ չկրել:

Անի Սահակյան

դիտվել է 8297 անգամ
Լրահոս
«Գարդման-Շիրվան-Նախիջևան» համահայկական միությունն անդրադարձել է Եվրախորհրդարանի բանաձևերին Մենք նրանց դուրս ենք շպրտելու մեր սահմանների շրջագծից. Ադրբեջանը կրկին սպառնում է Եթե Զելենսկին գա Հայաստան, այդպիսով Հայաստանը լիովին կցուցաբերի իր հակառուսական դիրքորոշումը․ Ալեքսեյ Լեոնկով Վերին Խոտանան-Աղվանի ճանապարհին խճաքարով բարձված բեռնատարը շրջվել է․ օգնության են հասել փրկարարները «Մեծ քայլերով գնում ենք պատերազմի». Սամվել Բաբայան․ «Ազատություն» Ջեյհուն Բայրամովը Թոմաս Բագերի հետ քննարկել է Հայաստանի հետ խաղաղության գործընթացի հեռանկարները «Վանաձոր» ՔԿՀ-ում հացադուլ իրականացնող 53 դատապարտյալների մի մասը դադարեցրել է հացադուլը Գիշերը դիվերսիոն ներթափանցման փորձ է եղել Սոթքի հանքավայրի հայկական վերահսկողության տակ գտնվող հատված. Կարապետ Պողոսյան Նիկոլի լուսավորյալ Էդմոնը՝ նույն ինքը Ալենի ասած "քաղաքական տրյապկան" հեռանում է... «Եթե մտահոգ ես» կարգախոսով Հանրապետականն ի՞նչ էր ասում, չէիք լսու՞մ, թե՞ չէիք ուզում հասկանալ, քանի որ ձեր իշխանազավթման նպատակը հենց Արցախը հանձնելն ու հայկական պետականությունը քայքայելն էր. Զաքարյան «Գարիկ Գալեյանի խափանման միջոցը փոխելու վերաբերյալ մեր անհապաղ միջնորդությունը կքննվի միայն մարտի 18-ից հետո»․ Փաստաբանն ընդգծում է՝ զոհված զինվորի հոր համար Եռաբլուր չայցելելը հավասարազոր է մահվան Ինքն իրեն է մաքրում․ Մարությանը ազատման դիմում է գրել Բայրամովը Միրզոյանի հետ հանդիպումից հետո մեկնել է Թուրքիա Մեծ հանրահավաք, հետո իմպիչմենտ, ԱԱԾ պետը մոտը, Նիկոլը հրաժարական է տալիս․ Սարգսյան. video Էս բունկերում լակողները համ տուգանում են, համ թալանում են, գողական-քերոբական բարքեր են․ Մանուկյան. video Այո՛, դու քո ընտրության զոհն ես. Նիկոլ ընտրեցիր, որ ինքն իր "բոմժ" հալով գա ու քեզ բոմժ դարձնի... «Ապրիլին հարձակվելու են»․ Հրանտ Բագրատյանի հզոր ելույթը հանրահավաքին. video Ռուսները թողում են վերաարտահանումից փող աշխատես, դու Պուտինին քրֆում ես, ո՞վ ես դու, Նիկոլ․Բագրատյան. video Ռուսները 5 միլիարդ դոլար են ծախսել Ղարաբաղի վրա, մինչև Նիկոլի դավաճանելը․ Բագրատյան. video Արա Նիկո՛լ, պարտադի՞ր էր Պուտինին քրֆել․․․ էդ թուրքերի պատվերն էր Նիկոլին․ Հրանտ Բագրատյան. video Թո՛ղ հրապարակի Սերժ Սարգսյանի գեթ մեկ այդպիսի նամակ, եթե կարող է․ ՀՀ 3-րդ նախագահի գրասենյակ 4 տարի ամեն մեկը ամսական 400,000 դրամ աշխատավարձ է ստացել՝ առանց աշխատելու․ Հայրիկյանը՝ թալանի մասին. video
Ամենաընթերցվածները
Շուտով
Մարտի 1-ին՝ ժամը 16։00-ին, Հայելի ակումբի հյուրն է Կարինե Նալչաջյանը Մարտի 1-ին՝ ժամը 13։00-ին, Հայելի ակումբի հյուրն է Սարգիս Ավետիսյանը Մարտի 1-ին՝ ժամը 11։00-ին, Հայելի ակումբի հյուրն է Տիգրան Չոբանյանը Փետրվարի 29-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Փետրվարի 29-ին՝ ժամը 13։00-ին, Հայելի ակումբի հյուրն է Նարինե Դիլբարյանը Փետրվարի 29-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը Փետրվարի 28-ին՝ ժամը 12։00-ին, Հայելի ակումբի հյուրն է Թաթուլ Պետրոսյանը Փետրվարի 28-ին՝ ժամը 15։00-ին, Հայելի ակումբի հյուրն է Էլեոնորա Մանանդյանը Փետրվարի 28-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Հարգելի գործընկերներ, Ալեն Սիմոնյանն ընդդեմ Անժելա Թովմասյանի առաջին դատական նիստը կկայանա Հալաբյան 41ա հասցեում (Երևան քաղաքի Ընդհանուր Իրավասության դատարանի Աջափնյակ-2 նստավայր) փետրվարի 27-ին՝ ժամը 12։00-ին։
Հետևեք մեզ Viber-ում https://cutt.ly/5wn8sJBS
Hayeli.am