«Դա համազգեստ հագած բանդայի գործողություն է»․ Ռուբեն Մելիքյանը՝ Նարեկ Սամսոնյանին ոստիկանություն տեղափոխելու մասին
«Դա համազգեստ հագած բանդայի գործողություն է»․ Նման հայտարարություն արեց իրավապաշտպան Ռուբեն Մելիքյանը, անդրադառնալով «Քաղաքացիական հասարակություն» ՀԿ հիմնադիր Նարեկ Սամսոնյանին ոստիկանության բաժին տեղափոխելուն:
«Նարեկ Սամսոնյանի պնդմամբ` ոստիկանության ինչ-որ լեյտենանտ ակտավորելուց հետո մեքենայի մեջ դիմակ չկրելու համար ընտանիքի անդամի հետ Նարեկ Սամսոնյանի մեքենայի դիմացն է փակել, և Նարեկ Սամսոնյանը հարց էր ուղղում, թե ինչ իրավունքով է ոստիկանը այդպես վարվել և, ըստ էության, մեղադրում էր ոստիկանության ծառայողին անօրինականության մեջ:
Դրանից հետո եկավ ոստիկանության մայորը, հավանաբար վերադասը, խոսեցին և առաջարկեցին գնալ և դիտել տեսանյութը: Դրանից անմիջապես հետո «039» բորտով «կարմիր բերետավորները», ոստիկանության ծառայողները եկան և թևերը մտնելով՝ Նարեկ Սամսոնյանին մտցրեցին իրենց մեքենա: Ես հարցրեցի` արդյոք քաղաքացին ձերբակալված է, եթե այո, ապա ի՞նչ հիմքով: Ինձ պարզաբանեցին, որ հրավիրվում է Ոստիկանություն: Եթե հայտարարում են, որ մարդը ձերբակալված է, բերման ենթարկված է, դա եղավ ոստիկանական գործողություն: Բայց եթե անձին առանց իրավական հիմք ներկայացնելու՝ ուղղակի ոստիկաններով տանում են, շատ կներեք, դա համազգեստ հագած բանդայի գործողություն է»,- նկատեցՌուբեն Մելիքյանը: