Դուք արդեն նմանվում եք ձեր կոլեգա Դոկտոր Մահին
Հարգելի՛ հայրենակիցներ (խելամիտ), ճիշտն ասած մտածում էի անդրադառնամ արդյոք Սփյուռքի հարցերով հանձնակատարի այն մտքին, թե Հայաստան պետք է բերել և բնակեցնել ասորիների, արաբների և այլ ազգերի։ Ասեմ՝ այդ ազգերի դեմ ոչինչ չունեմ, բայց մի ժողովուրդ, որն ունի հսկայական սփյուռք, որի մեծ մասը դրսում է ու այս պայմաններում, երբ աշխարհը ալեկոծվում է ու չգիտես՝ որ պահին որ երկրում կլինի հաջորդ ֆորսմաժորը ու մեր հայրենակիցները ստիպված կլինեն վերադառնալ Հայաստան, մենք ինչ պետք է անենք, թե ձեր կարծիքով չպետք է ընդունենք։ Դուք արդեն նմանվում եք ձեր կոլեգա Դոկտոր Մահին, որը պանդեմիան հրավիրեց Հայաստան և մեր հարյուրավոր հայրենակիցներ զոհվեցին, որը պատերազմի և երկրաշարժի գոտում գտնվելով՝ հիվանդանոցներ է փակում։ Իհարկե, այս ամենի գլխավոր պատասխանատուն գլոբալիստ վարչապետն է, որը օր առաջ պետք է հեռացվի իշխանությունից։
Սիրելի՛ հայրենակիցներ, հասկանում եմ, որ դժվար է լինելու, բայց այլ ճանապարհ մենք պարզապես չունենք։ Աշխարհը մտել է լուրջ ցնցումների ժամանակահատված և դեռ հարց է՝ որ ժողովուրդները կփրկվեն, ամեն ինչ պետք է թողնել մի կողմ (հետո կորոշենք), հիմա մեզ պետք է փորձված ղեկավար այս վիճակից հանելու համար։ Մնացածը դուք որոշեք։
Աստված պահապան։
Գրել է «Համերաշխություն» կուսակցության նախագահ Սարգիս Ավետիսյանը;