Արնաշաղախ մարդիկ հուսահատ փնտրում են իրենց կորած հարազատներին. Daily Mail-ի անդրադարձը Բեյրութում տեղի ունեցած հզոր պայթյունին (լուսանկարներ)
Բրիտանական Daily Mail պարբերականն անդրադարձել է օգոստոսի 4-ի երեկոյան Լիբանանի մայրաքաղաք Բեյրութի նավահանգստում որոտացած հզոր պայթյունին:
Պարբերականը գրում է, որ գիշերն արնաշաղախ և լացակումած բնակիչները թափառում էին դատարկված ու քանդված քաղաքի փողոցներում:
Լիբանանի մայրաքաղաք Բեյրութը օգոստոսի 4-ի երեկոյան որոտացած հզոր պայթյունի հետևանքով աղետի գոտի է հայտարարվել, քաղաքում երկու շաբաթով՝ օգոստոսի 4-18-ը, արտակարգ դրություն կսահմանվի:
Լիբանանի Անվտանգության բարձրագույն խորհրդի արտահերթ նիստում վարչապետ Հասան Դիաբը հայտարարել է, որ աղետի մեղավորները խիստ պատասխանատվության են ենթարկվելու:
Բեյրությում որոտացած ավերիչ պայթյունի հետևանքով մեծ վնասներ են կրել նաև հայկական համայնքային կառույցները: