Չգիտեմ, թե Նիկոլ Փաշինյանի նախնիներն ովքեր են եղել, բայց քանի որ այս անձը ՀՀ վարչապետն է և շատերի մոտ, հնարավոր է, նրա որակումներին համապատասխան կարծիք ձևավորվի մեր ժողովրդի մասին, դա ինձ շատ է դառնացնում
Նիկոլ Փաշինյան, 2005 թվական.
«Մեր նախնիները մեզ թողել են ընդամենը ցեղասպանություններ, ստորացումներ, դավաճանություններ և անբարոյականություն...
Ես դատապարտում եմ մեր նախնիներին, անիծում եմ նրանց... Ես դատապարտում եմ բոլոր նրանց, ովքեր գովում են մեր նախնիներին»:
Սա ՀՀ վարչապետ Նիկոլ Փաշինյանի կարծիքն է մեր նախնիներ մասին՝ 2005թ․ «Հայկական ժամանակ» օրաթերթում հրապարակված իր հոդվածում։
Ես չգիտեմ, թե Նիկոլ Փաշինյանի նախնիներն ովքեր են եղել կամ ինչ ազգություն ունեն, բայց քանի որ այս անձը ՀՀ վարչապետն է և շատերի մոտ, հնարավոր է, նրա որակումներին համապատասխան կարծիք ձևավորվի մեր ժողովրդի մասին, դա ինձ շատ է դառնացնում։
Եվ հիմա ստիպված եմ ասել, թե մեր նախնիները մեզ ինչ են թողել՝ որպես հայի։
Մեր նախնիները մեզ թողել են հաղթանակներով, մաքառումներով և հպարտության բազմաթիվ զգացողություններով լի պատմության էջեր։
Հայ ժողովրդի նախնիները հայությանը թողել են անկախ պետականություն, ազատագրված տարածքներ, հաղթանակած բանակ, ճշմարիտ հավատ՝ ի դեմս Հայ առաքելական եկեղեցու։
Մեր նախնիները մեզ թողել են բռնազավթված հայրենիքի մի հատվածի վերադարձնելու պարտավորություն և հիշողություն։ Նրանք մեզ թողել են միլիոնավոր անմեղ զոհերի համար վրեժի և հատուցման զգացողություն։
Կարծում եմ՝ յուրաքանչյուր հայ մարդ իր կյանքի ճանապարհին պետք է փորձի իր ուժերի ներածին չափով արդարացնել ու ծառայել մեր նախնիների թողած արժեքներին և ժառանգությանը, այն փոխանցել իրենից հետո եկող սերունդներին։
Մեր նախնիները սա են փոխանցել մեզ, իսկ թե Նիկոլ Փաշինյանի նախնիներն ովքեր են և ինչ են փոխանցել նրան, որ այսպիսի ատելություն ունի նրանց նկատմամբ, դա իր խնդիրն է։
Հայ ժողովուրդը վաղ թե ուշ պարզելու է կասկածելի ծագումնաբանություն ունեցող այս անձանց ով լինելը՝ ազատելով իր պետության ղեկավարումը նրանցից, և այն հանձնելու է ազգայինն ու հայկականությունը իրենց մեջ կրող մարդկանց։
Գերասիմ Վարդանյանի գրառումը