Իրենց թևերը քշտած մտել են մեր պետական բյուջեն և մսխում են. Նարեկ Մանթաշյան
«Մաշտոցի պուրակում տեղի ունեցածը դեպքերից հերթականն է, երբ իշխանությունները չեն կատարում իրենց որևէ խոստում, քանի որ չունեն սկզբունք։ Նախկինում այն բոլոր երևույթները, որի դեմ իրենք պայքար են մղել, այդ երևույթներն այսօր նույն հաջողությամբ կատարում են։ Երբ ներկայիս իշխանությունները ժամանակին գնացել են Մաշտոցի պուրակում գոռացել են, թե այգին իրենցն է, դրա մեջ եղել է ընդամենը քաղաքային շահախնդրություն։ Նույն ձևով նրանք պայքարել են և մարտի 1-ի համար, երկու տարի է՝ իշխանության են, բայց գեթ մեկ բացահայտում չի եղել։ Սուտն ու կեղծիքն այս իշխանությունների գործելաոճն է։ Տարիներ շարունակ այս իշխանությունների վառ անհատականությունները խոսել են բյուջեի մսխումից, ապօրինի հարստացումից, բայց այսօր իրենց թևերը քշտած մտել են մեր պետական բյուջեն և մսխում են»,- Հայելի ակումբում հրավիրված ասուլիսում հայտարարեց «Այլընտրանք» ՀԿ համահիմնադիր Նարեկ Մանթաշյանը: