Ամուլսարում հասունանում է արյունահեղություն, կամ մենք ենք պահնորդներին սպանելու, կամ՝ իրենք մեզ․ Շիրակ Բունիաթյան
Լիդիանի վարձած նոր պահնորդական ծառայությունը Ամուլսարի պահապանների վագոն-տնակները հանել է իրենց տեղից ու փոխարենը դրել իրենցը: Ջերմուկի բնակիչ, ակտիվիստ Շիրակ Բունիաթյանը ֆեյսբուքյան ուղիղ եթերի միջոցով տեղեկացրեց, որ իրենք սկսել են հավաքվել, մեքենաներով շրջում են:
«Կապ չունի՝ ով որտեղ է ապրում, պետք է ստեղծել հնարավորություն ու այսօր գալ Ամուլսար, այս երկուսուկես տարվա պայքարի հանգուցալուծումը պետք է այսօր լինի հենց, եթե թողնենք մարդիկ այսպես քայլ առ քայլ փուլերով տանեն Ամուլսարի ճանապարհները բացելուն, ուրեմն անիմաստ էր այս երկուսուկես տարին ու այս երկրում մենք տեղ չունենք ու ամեն ինչ սխալ է:
Այսօր պետք է բոլորս կանգնենք ու այս հարցին լուծում տրվի, թե չէ ամեն օր նման սադրանքներ են ու Ամուլսարում հասունանում է արյունահեղություն, մի օր կամ մենք պետք է տանք սպանենք պահնորդներին, կամ՝ իրենք մեզ ու վերջանա: Արդեն փաստ է՝ մենք չունենք ուժեղ կառավարություն, որն ի վիճակի է լուծում տալ այս հարցին կամ ի ի վճակի է ժողովրդի որոշումը լեգիտիմացնելու»,- ասաց նա: