Նիկոլ Փաշինյանի խոսուն լռությունը՝ Արայիկ Հարությունյանի հարցով

Կրթության, գիտության, մշակույթի և սպորտի նախարար Արայիկ Հարությունյանի գլխավորած կառույցի շուրջ սկանդալները չեն դադարում։ Բարձր միավոր հավաքած դիմորդների բողոքներին, չափորոշիչների աղմկահարույց հանրային քննարկմանը զուգահեռ՝ ուշագրավ զարգացումներ են տեղի ունենում Հայաստանի պետական տնտեսագիտոկան համալսարանի ռեկտոր Դիանա Գալոյանի դոկտորական ատենախոսության շուրջ։

Ինչպես հայտնի է, հուլիսի 17-ին՝ ռեկտորի ընտրության օրը, ԲՈԿ-ը նրան զրկեց գիտությունների դոկտորի գիտական աստիճանից, առանց որի Գալոյանն իրավունք չունի զբաղեցնել ռեկտորի պաշտոնը։ Դիանա Գալոյանն իհարկե բողոքարկել է ԲՈԿ-ի որոշումը, որի հիմքով էլ ԿԳՄՍ նախարարությունը վարչական վարույթ է սկսել։ Պարզվում է՝ վարչական վարույթի նիստին ԲՈԿ նախագահ Սմբատ Գոգյանը գնացել է փաստաբանի հետ միասին, սակայն նախարարությունում թույլ չեն տվել, որ փաստաբանը ներկա գտնվի վարույթին, և Գոգյանը փաստաբանի հետ միասին լքել է նիստը։ Այս մասին Սմբատ Գոգյանը գրառում է կատարել իր ՖԲ էջում․ <<ԲՈԿ-ի նախագահի 2020 թվականի հուլիսի 9-ի կայացված 103Ա որոշմամբ հարուցվել էր վարչական վարույթ, և հուլիսի 17-ի 107Ա հրամանով որոշում էր կայացվել անվավեր ճանաչել 2015 թվականի փետրվարի 17-ի 5Ա-վ2 հրամանով Դիանա Գալոյանին Ը.00.06-միջազգային տնտեսագիտություն մասնագիտության տնտեսագիտության դոկտորի գիտական աստիճան շնորհելու մասին որոշումը։

Դրան ի պատասխան՝ տիկին Դիանա Գալոյանի կողմից ներկայացվել էին վարչական բողոքներ, և նախարար Արայիկ Հարությունյանի որոշմամբ հարուցվել է վարչական վարույթ։ Կարևոր է արձանագրել, որ բողոքաբերի բոլոր փաստարկներն ուղղված են եղել ընթացակարգային հարցերին` առանց գրագողության բուն փաստերին անդրադառնալու: Այնուամենայնիվ, ընթացակարգային խախտումների վերաբերյալ տիկին Գալոյանի փաստարկները նույնպես անհիմն են: Վարույթի շրջանակներում հուլիսի 31-ին՝ ժամը 12։00-ին, ԲՈԿ-ի նախագահ Սմբատ Գոգյանը հրավիրվել էր ԿԳՄՍՆ՝ ԲՈԿ-ի փաստարկները ներկայացնելու: Նիստին ներկա էին վարույթն իրականացնող ԿԳՄՍ նախարարության երեք ներկայացուցիչները, տիկին Գալոյանն իր փաստաբանի հետ, ինչպես նաև Սմբատ Գոգյանն ու այս վարույթի շրջանակներում ԲՈԿ-ի շահերը ներկայացնող փաստաբան Սայադ Բադալյանը: Վարույթն իրականացնողները չթույլատրեցին, որ Սայադ Բադալյանը մասնակցի նիստին՝ Սմբատ Գոգյանին հորդորելով օգտվել ԲՈԿ-ի աշխատողների կամ ԿԳՄՍՆ իրավաբանական վարչության աջակցությունից:
Նշենք, որ ԲՈԿ-ը չունի իրավաբան, իսկ ԿԳՄՍՆ իրավաբանական վարչությունից հուլիսի 22-ին ելք արված և նախարարի կողմից հուլիսի 27-ին ստորագրված գրությամբ ԲՈԿ-ին հայտնել են, որ ԲՈԿ-ը սխալ է վարվել: Ստացվում է, որ վարույթը վերահսկող, որոշում կայացնողը (ԿԳՄՍ նախարարը) և ԿԳՄՍՆ իրավաբանական վարչությունը (ԲՈԿ-ի շահերը ներկայացնելու պարտավորվող մարմինը) ի սկզբանե արտահայտել են վարույթի վերաբերյալ իրենց դիրքորոշումը, իսկ վարույթն իրականացնողները չեն թույլատրում, որպեսզի ԲՈԿ-ը ներկայանա սեփական փաստաբանով՝ փոխարենը հորդորելով շահերի պաշտպանության համար դիմել հենց ԿԳՄՍՆ իրավաբանական վարչությանը։
ԲՈԿ-ի շահերի պրոֆեսիոնալ պաշտպանության անհնարինության պատճառով ԲՈԿ-ի նախագահ Սմբատ Գոգյանը հրաժարվել է մասնակցել լսումների ընթացքին և Սայադ Բադալյանի հետ լքել է լսումները՝ հուլիսի 31-ին իր գրավոր դիրքորոշումն ուղարկելով վարույթն իրականացնողներին>>,- նշել է նա:

Սմբատ Գոգյանը նաև տեղեկացրել է, որ վարույթն իրականացնողներից մեկը նույնպես հուլիսի 17-ին հրապարակավ հայտարարել էր, թե ԲՈԿ-ը սխալ է վարվում՝ (https://hraparak.am/post/0ceacdb35645237f596e23559b1ae20a) ։ Այսինքն՝ Գոգյանն ակնարկում է, թե նա չի կարող անաչառ որոշում կայացնել։ <<Այս գործի շրջանակներում ակնկալում ենք հրապարակային և բաց քննարկումներ, ինչը հնարավորություն կտա Հայաստանի Հանրապետության բարձրագույն կրթության և գիտության բնագավառի համար հայեցակարգային այս հարցում գտնելու ճիշտ լուծում, լուծում, որը կանխորոշելու է մոտակա տարիներին ՀՀ-ում բարձրագույն կրթության կառավարման մասնագիտական ու հատկապես բարոյական տեսանկյունը: Ահա ԲՈԿ-ի ներկայացրած դիրքորոշումը (https://www.bok.am/node/12929)>>,- իր գրառումը եզրափակել է Սմբատ Գոգյանը։

Օրենքով ՀՊՏՀ կառավարման խորհրդի՝ ռեկտոր ընտրելու վերաբերյալ որոշումը պետք է հաստատի կառավարությունը։ Կառավարությունը, սակայն, կարծես թե չի շտապում վավերացնել Դիանա Գալոյանի ընտրության արդյունքը։ Թերևս դա տրամաբանական էլ չի լինի, քանի դեռ Դիանա Գալոյանին աստիճանազրկելու մասին ԲՈԿ-ը որոշումը չեղյալ չի հայտարարվել։ Այս խառնիճաղանջ սկանդալների ֆոնին բավականին հետաքրքիր է հեղափոխության առաջնորդ Նիկոլ Փաշինյանի խոսուն լռությունը՝ իր հավատարիմ զինակցի՝ Արայիկ Հարությունյանի անվան շուրջ չդադարող աղմուկի վերաբերյալ։

Նիկոլ Փաշինյանը չի խոսում բարձր միավոր հավաքած դիմորդների մասին, որոնք չեն ընդունվել նախընտրելի ֆակուլտետներ։ Նիկոլ Փաշինյանը ձայն-ծպտուն չի հանում հանրակրթության առարկայական չափորոշիչների և ծրագրերի մասին, այն դեպքում, երբ ակադեմիական ողջ հանրությունը ուղղակի մերժում է ԿԳՄՍ նախարարության հրապարակած գրականության և պատմության առարկայական չափորոշիչներն ու ծրագրերը։ Նիկոլ Փաշինյանը չի անդրադառնում ՀՊՏՀ ռեկտորի ընտրությանը, միաժամանակ չի ընդունում նաև Սմբատ Գոգյանի՝ ԲՈԿ նախագահի պաշտոնից ազատվելու դեռ երեք ամիս առաջ գրված դիմումը։ Հավանաբար Նիկոլ Փաշինյանը Արայիկ Հարությունյանի հետ կապված ինչ-որ քաղաքական տեխնոլոգիա է ուզում գործարկել, որն առայժմ թաքուն է պահում։

Նաիրա Բաղդասարյան

 

դիտվել է 4255 անգամ
Լրահոս
Փաշինյանը պաշտոնա՞նկ կանի Շիրակի մարզպետին Ռուսական և ամերիկյան քաղաքական շրջանակները՝ «Միասնություն» շարժման հավաքին «Ամեն մարդ թող իր գործով զբաղվի. դա իր տիրույթում չէ». Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից Ձյան առատ տեղումներն ու բուքը վերադառնում են․ եղանակն՝ առաջիկա օրերին Աննախադեպ երեւույթ «բարեգործությունների» պատմության ընթացքում Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում ԲԱՑԱՌԻԿ․ Տավուշի բնակիչները 10 օր ժամանակ են տվել Փաշինյանին Ոսկեպարի և Բաղանիսի բնակիչները Նիկոլ Փաշինյանի հետ հանդիպումից հետո պատրաստակամություն են հայտնել փակել ճանապարհները ԱԱԾ պահեստազորի սպաների միությունը շնորհավորել է Վլադիմիր Պուտինին Ստոլտենբերգն Անդրկովկասում սկում է «Մեծ խաղ» Հայաստանը չպետք է դառնա միաբևեռ աշխարհի ջատագով․ Էդուարդ Շարմազանով Ռուսաստանը կարող է «սանիտարական գոտի» ստեղծել Ուկրաինայում. Պուտին ՆԱՏՕ-ի գլխավոր քարտուղարը Վրաստանում է Սփյուռքը պետք է վերակազմակերպվի, Արցախի գերեվարված ռազմաքաղաքական ղեկավարները պետք է ազատ արձակվեն. Արամ Ա Որոշ շրջաններում ձյուն է տեղում․ ինչ իրավիճակ է ՀՀ ճանապարհներին ժամը 20։00-ի դրությամբ Առաջին անգամ Ոսկեպարում մետաղորսիչ սարքեր են դրել Փաշինյանի հետ հանդիպմանը. Նոր մանրամասներ Փաշինյանի «ահաբեկչական» այցը Ոսկեպար Ժողովու'րդ, Նիկոլի կողմից այդ 4 գյուղերի նվիրումը Ադրբեջանին ԲՈԼՈՐՍ խնդիրն է և միայն ոսկեպարցին կամ բաղանիստցին այդ հարցով չպետք է զբաղվեն... «Թարգմանեմ ՔՊերենից». Վլադիմիր Մարտիրոսյանը ցանկ է ներկայացրել Փաշինյանը գնացել էր համոզելու ոսկեպարցիներին, որ Ոսկեպարը մերը չի և պետք է հանձնի Ալիևին. Հակոբյան «SOCAR»-ը Թուրքիայում նոր ներդրումային քաղաքականություն է մշակում Եգիպտոսը հաստատել է, որ իր պատվիրակությունը Կատարում մասնակցում է Գազայի հարցով բանակցություններին Ստոլտենբերգը հուսով է, որ Վրաստանը կդառնա ՆԱՏՕ-ի անդամ Քանաքեռավանի գազալցակայանում տեղի ունեցած պայթյունի հանգամանքները պարզվում են քրեական վարույթի շրջանակում Լարսը բացվել է բեռնատարների համար
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am