Նիկոլ Փաշինյանը սրիկայաբար ստում է․ գնդապետ Սայաթ Շիրինյան
Այսօր Հայելի ակումբում հրավիրված ասուլիսում Ոստիկանության գնդապետ Սայաթ Շիրինյանը անդրադարձավ նաև կորոնավիորւսի դեմ պայքարի ոստիկանների ձեռնարկած միջոցներին․ «Ես ամբողջ կյանքս պայքարել եմ ոստիկանության հեղինակության համար, ես հիմա շատ դեպքերում ուղղակի ամաչում եմ, խայտառակություն ա, երբ հաղթանդամ տղամարդ ոստիկանը երիտասարդ աղջիկների, կանանց ձեռքերը բռնած բերման ա ենթարկում ոստիկանության բաժին։ Կան իրավիճակներ, երբ ծառայողական պարտականությունների մեջ կարելի է մի փոքր թերանալ, բայց թույլ չտալ բարոյական սխալներ։ Ես չեմ հասկանում թե էդ ոստիկանը, որ գնում ա տուն ինչ խղճով ա հաց ուտում, ինչ խղճով ա նայում իր երեխաների երեսին, էն դեպքում, որ ինքը երիտասարդ մորը դիմակ չկրելու համար վարչական տուգանք ա կազմել»:
Այնուհետև, դիմելով վարչապետ Նիկոլ Փաշինյանին, հարցրեց, թե արդյոք գրավել է համաշխարհային շուկայի տնտեսության 3 տոկոսը, ինչպես նախկինում հայտարարել էր անձամբ:
«Եվ ի՞նչ գրավեցիք, սառնարաններում արդեն ապրանքը շատացա՞վ, հպարտ քաղաքացիները, զոմբիները բուռն ծափահարում էին, որ հեսա պետք ա գրավեն համաշխարհային շուկայի 3 տոկոսը։ Սա պոպուլիստական հայտարարություն է։ Նիկոլ Փաշինյանը սրիկայաբար ստում է, ասելով որ համաճարակի դեմ պայքարի հիմնաքարը դիմակ կրելն է։ Մենք բոլորս ականատես ենք՝ մարդիկ դիմակ կրում են էն ժամանակ, երբ տեսնում են ոստիկանի՝ մեկը դնչին ա դնում, մյուսը ձեռքին ա կապում, էն մեկը գրպանն ա դնում։ Էս հակահիգիենիկ պայմաններում դիմակ կրելը կարո՞ղ է նպաստի համաճարակի վերացմանը, իհարկե, չի կարող»,- նշեց Սայաթ Շիրինյանը։