200 զինյալներ՝ Ռուսաստանից. Լուկաշենկոն «կեղտոտ մտադրություններ» է գաղտնազերծում

Օգոստոսի 9-ին Բելառուսում կկայանան նախագահական ընտրություններ: Բելառուսի Կենտրոնական ընտրական հանձնաժողովը հինգ թեկնածու է գրանցել՝ Ալեքսանդր Լուկաշենկոյին, Անդրեյ Դմիտրիևին, Աննա Կանոպացկայային, Սերգեյ Չերեչենին և Սվետլանա Տիխանովսկայային: Չգրանցված թեկնածուներ Վիկտոր Բաբարիկոն և Վալերի Ցեպկալոն իրենց աջակիցներին կոչ են արել միավորվել և ընտրություններին իրենց ձայնը տալ Սվետլանա Տիխանովսկայային:

Նախօրեին գիշերը սկանդալային իրադարձություններ տեղի ունեցան Բելառուսում: Իրավապահները Մինսկի մերձակայքում ձերբակալել են «Վագներ» մասնավոր ռազմական ընկերության 32 գրոհայինների:

Ինչպես «Բելտա» հեռուստաընկերությանը պատմել են իրավապահ մարմինները, ավելի վաղ տեղեկություն էր ստացվել, որ Բելառուս է ժամանել ավելի քան 200 գրոհային՝ ընտրարշավի ընթացքում իրավիճակն ապակայունացնելու համար: Հուլիսի 24-ի լույս 25-ի գիշերը մայրաքաղաք ժամանելուց հետո «Վագներ»-ի գրոհայինները բնակություն էին հաստատել Մինսկի հյուրանոցներից մեկում, իսկ հուլիսի 27-ին տեղափոխվել են Մինսկի շրջանի առողջարաններից մեկը: Հեռուստաընկերությունը հրապարակել է գրոհայինների ցուցակը, նրանք Ռուսաստանի քաղաքացիներ են, ովքե՞ր են մնացած գորհայինները, իրավապահները չեն հայտնում:

Լուկաշենկոյի հիմնական մրցակից Սվետլանա Տիխանովսկայան դեմ է արտահայտվել Ռուսաստանի հետ ինտեգրմանը, իսկ Լուկաշենկոյի հիմնական կարգախոսներից մեկը Բելառուսի ինքնիշխանությունն է: Ավելի վաղ Լուկաշենկոն հայտարարել էր, որ երրորդ ուժերը կփորձեն ապակայունացնել իրավիճակը Բելառուսում նախագահական ընտրությունների ժամանակ:

Իրավապահները ձերբակալել էին նաև լրագրողների, բողոքի հավաքներին մասնակցող ակտիվիստների:

Մինչ Բելառուսի նախագահի գրանցված թեկնածու Սվետլանա Տիխանովսկայան տասնյակ հազարավոր մարդկանց էր հավաքում իր նախընտրական հանրահավաքներին, Բելառուսի իշխանությունները հրապարակեցին հարցման նոր արդյունքներ, որոնց համաձայն, երկրի գործող նախագահ Ալեքսանդր Լուկաշենկոն վայելում է բելառուսցիների գերակշռող մասի աջակցությունը:

Ալեքսանդր Լուկաշենկոյին, ով 6-րդ անգամ է առաջադրվել նախագահական ընտրություններին մասնակցելու համար, պատրաստ է աջակցել Բելառուսի քաղաքացիների 72,3 տոկոսը: Այս մասին են վկայում Ecoom վերլուծական կենտրոնի անցկացրած սոցիալական հարցման տվյալները:

Բելառուսցի օգտատերերի շրջանում ավելի վաղ տարածվել էին մեկ այլ հարցման արդյունքներ: Նախագահի գրանցված մեկ այլ թեկնածու Սերգեյ Չերեչենը ֆեյսբուքյան իր էջում հրապարակել էր ամերիկյան Gallup վերլուծական կենտրոնի հեռախոսային հարցման հնարավոր արդյունքները: Gallup-ի պաշտոնական կայքում հարցման արդյունքները կամ անցկացման մասին տեղեկություններ, սակայն, չեն հրապարակվել: Ամեն դեպքում այս հնարավոր հարցման արդյունքների համաձայն, գործող նախագահն ունի 8,4 տոկոս, Չերեչենը՝ 9 տոկոս, իսկ Սվետլանա Տիխանովսկայան՝ 65,4 տոկոս:
Տիխանովսկայան ավելի վաղ հայտարարել էր, որ Բելառուսը պետք է դուրս գա Բելառուս-Ռուսաստան միասնական պետությունից և ինքնուրույն արտաքին քաղաքականություն վարի: Նա ստիպված է եղել պատասխանել նաև Ղրիմի պատկանելիության մասին հարցին: Տիխանովսկայան ասել է, որ իրավական առումով Ղրիմն Ուկրաինայի տարածքն է, սակայն դե ֆակտո Ռուսաստանին է պատկանում:

Սվետլանա Տիխանովսկայան որոշել էր մասնակցել ընտրություններին այն բանից հետո, երբ նրա ամուսնուն՝ հայտնի ընդդիմադիր բլոգեր Սերգեյ Տիխանովսկուն ձերբակալել էին: Մինչ նախընտրական արշավի մեկնարկը բելառուսցի քաղաքագետները համարում էին, որ Լուկաշենկոյի հիմնական մրցակիցներն են ԱՄՆ-ում Բելառուսի նախկին դեսպան Վալերի Ցեպկալոն, բլոգեր Սերգեյ Տիխանովսկին և «Բելգազպրոմբանկի» նախկին կառավարիչ Վիկտոր Բաբարիկոն, ով որոշ տեղեկություններով վայելում էր Մոսկվայի աջակցությունը:

Վերջին երկուսը՝ Բաբարիկոն և Տիխանովսկին ձերբակալված են, իսկ Ցեպկալոն էլ վերջերս իր տղաների հետ միասին փախել է Մոսկվա:

Անգլերենի ուսուցչուհի Տիխանովսկայան փաստացի դարձել է բելառուսական ընդդիմության առաջնորդը և Լուկաշենկոյի հիմնական մրցակիցը: Ալեքսանդր Լուկաշենկոն չնայած իր դեմ բազմահազարանոց բողոքի հավաքներին, մտադիր է պայքարել իշխանության համար և նույնիսկ սպառնում է բելառուսցիներին՝ ասելով՝ թույլ չի տա, որ Բելառուսում լինի մայդան: Նա ի տարբերություն Տիխանովսկայայի մեծ հավաքներ դեռ չի անցկացրել, փոխարենը երեկ գնացել էր Ներքին գործերի նախարարության զորամասերից մեկը, որտեղ հայտարարել էր, թե իրավապահների վրա հարձակման փորձերը պետք է անմիջապես կասեցվեն: «Տեսել եմ Մինսկում փողոցային ակցիաներից մեկի կադրերը, որտեղ մարդիկ հարձակվում են ոստիկանության վրա և նույնիսկ ոտքերով հարվածում իրավապահներին: Տղաները պետք է հասկանան, որ նրանք իրենց տանն են և պետք է թույլ չտան նրանց ոտքերով հարվածել: Ոչ մի դեպքում չգնալ սադրանքների, բայց նաև թույլ չտալ նեղացնել իրավապահներին», - հայտարարել էր Բելառուսի նախագահը:

Ինչևէ, նախընտրական թոհուբոհում Լուկաշենկոն հայտարարել է «Ռուսաստանի կեղտոտ մտադրությունների մասին»: Հուլիս 30-ին Լուկաշենկոն Անվտանգության խորհրդի արտահերթ նիստ է գումարել՝ երկրի տարածքում շուրջ 3 տասնյակ արտասահմանցի վարձկանների ձերբակալության առնչությամբ, որոնց մեծ մասը Ռուսաստանի քաղաքացիներ են: Լուկաշենկոն տեղի ունեցածը որակել է որպես «արտակարգ պատահար»: Նա նշել է, որ հետևում է ռուսների արձագանքին: Նախագահի կարծիքով՝ «նրանք արդարանալով քիչ է մնում ասեն, որ բելառուսական իշխանություններն են վարձկաններին բերել»:

Լուկաշենկոյի խոսքով՝ Ռուսաստանը փորձում է «ինչ-որ ձև արդարացնել իր կեղտոտ մտադրությունները»: Միևնույն ժամանակ Լուկաշենկոն ընդգծել է, որ երկրի իշխանությունները նպատակ չունեն «վարկաբեկել իրենց մտերիմ երկիրը»: «Եթե ձերբակալվածները Ռուսաստանի քաղաքացիներ են, նշանակում է, պետք է դիմել ՌԴ-ի համապատասխան կառույցներին, որպեսզի վերջիններս բացատրեն՝ ինչ է տեղի ունենում», ասել է Լուկաշենկոն՝ հավելելով, եթե «ռուսները մեղավոր են, պետք է իրավիճակից պատվով դուրս գան, եթե անմեղ են՝ ավելի լավ»:

Այսպես, հուլիսի 29-ին Բելառուսի հատուկ ծառայությունները ձերբակալել են ավելի քան 30 զինյալի, որոնց մեծ մասը, ըստ տեղեկությունների, Ռուսաստանի քաղաքացիներ են: Հատուկ ծառայությունների տվյալներով՝ ընդհանուր առմամբ երկրի տարածք են ներխուժել 200 զինյալներ «նախընտրական ժամանակաշրջանում Բելառուսում իրավիճակն ապակայունացնելու համար»: «Վագներ»-ի աշխատակիցները կասկածվում են Բելառուսում զանգվածային անկարգություններ նախապատրաստելու մեջ, ինչը լուրջ մեղադրանք է և կարող է վերաճել ռուս-բելառուսական լարման:

Մետաքսյա Շալունց

դիտվել է 2949 անգամ
Լրահոս
Նիկոլ Փաշինյանի խոսուն լռությունը՝ Արայիկ Հարությունյանի հարցով Փաշինյանի «վատությունը» Ալեն Սիմոնյանին Ո՞վ է Սևանի ամենամեծ ափի՝ White Shorja-ի գրանցված սեփականատերը և ինչ առնչություն ունի «Իմ քայլը»-ի պատգամավոր Հայկ Սարգսյանի և վարչապետի օգնական Նաիրի Սարգսյանի հետ.tert.am (լուսանկարներ) Բոլորդ մաֆիոզ եք. Փաշինյանը սպառնացել է գործարարներին Փաշինյանի երջանկության մեխանիկան ուրիշին վատություն անելն է Ոչ Սաակաշվիլի կդառնա, ոչ էլ վստահելի Պուտինի համար Մոսկվայի հզոր պատասխանը. Թուրք-ադրբեջանական զորավարժությունները դեռ «շատ ջուր կտանեն» Շենքի բակում հայտնաբերվել է ցած նետված քաղաքացու դին Չինական «XINJIANG Economical Information Exchanging Association for Central and West Asia» հարթակն անդրադարձել է Ռոբերտ Քոչարյանի հարցազրույցին Մաշտոցի պուրակի այգու ծառերը կտրում են, բետոնապատում, բայց տարիներ առաջ բարձրացված աղմուկի հեղինակները չկան ու չկան /տեսանյութ/ Պարզաբանումներ թուրքերի հետ արված պրոեկտի մասին. Արտակ Մովսիսյան/տեսանյութ/ Նիկոլ Փաշինյանը նոր որոշում է ստորագրել Առ այսօր չեմ ստացել ինձ ամենամյա արձա­կուրդից հետ կան­չելու կար­­գա­­դրություն. Արևիկ Պետրոսյան Երևանի ավագանու «Իմ քայլի» անդամ Գայանե Մելքոմ Մելքոմյանն է, ով պայքարում էր Մաշտոցի պուրակի պահպանման համար. ԲՀԿ-ական Հասկանալի է՝ Վանաձորի ՀՀԿ-ական քաղաքապետը չի կարող աշխատել այլ՝ իր քաղաքական ուժին ոչ հարիր ոճով. Լոռու մարզպետ Արմենդարբինյաններից մինչեւ Կարգին Հայկո. փարիսեցիության շքերթ Քծնանք, անվստահություն, ներքին վախեր․ իշխանության որակները․ Մարինե Սուքիասյան Կկասեցվի Սևանի «Սպիտակ Շորժա» հանգստի գոտու գործունեությունը, կապամոնտաժվեն ժամանցի ենթակառուցվածքները․ Ռոմանոս Պետրոսյան Լռելով դուք կործանելու եք էս մի բուռ հողի վրա կառուցված պետությունը ՍԴ մասին օրենքը չստորագրելով՝ Նախագահը դրսևորել է անգործություն՝ կոպիտ կերպով խախտելով Սահմանադրությունը Ժամանակին, երբ քաղաքի ինչ-որ հատվածում մեկ չորացած ծառ էր հատվում, վայնասուններն էին բարձրացնում, պաստառներ էին պատառոտում․ բա հիմա ո՞ւր են էդ «հատուկջոկատայինները» Խոշոր ավտովթար Տավուշի մարզում. Niva-ն բախվել է ցանկապատին և մի քանի պտույտ գլորվելով՝ հայտնվել բնակչի տան տարածքում Փաշինյանի երեք հենակաստիլները Թուրք-ադրբեջանական զորավարժություններն ուղեկցվում են կեղծ տեղեկատվությամբ. Աբրահամյան
Ամենաընթերցվածները
Շուտով
Հուլիսի 4-ին, ժամը 13:00-ին Հայելի ակումբի հյուրերն են Երևանի ավագանու ԲՀԿ խմբակցության անդամ Հռիփսիմե Առաքելյանը և «Այլընտրանք» ՀԿ համանախագահ Նարեկ Մանթաշյանը: Թեմա՝ Մաշտոցի պուրակի ծառահատման շուրջ բարձրացված աղմուկ, քաղաքապետարանի պարգևատրումներ Հուլիսի 4-ին, ժամը 11:00-ին Հայելի ակումբի հյուրերն են ՙՙԵրևանի այլընտրանքային քաղաքապետարան՚՚ նախաձեռնող թիմի համաղեկավարներ Սարգիս Տեր-Եսայանը և Սոնա ԱղեկյանըԼ Թեմա՝ Պոպոք-պնդուկ փարթի՝ մայրաքաղաքն ախտահանելու փոխարեն, Երևանի քաղաքապետրանի պարգևավճարներ, ապօրինի ծառահատումներ, մայրաքաղաքային պատահական հրդեհներ ու էլի շատ թերացումներ: Հուլիսի 4-ին, ժամը 12:00-ին Հայելի ակումբի հյուրն է քաղաքական գործիչ Գուրգեն Եղիազարյանը: Թեմա՝ կրթական նոր չափորոշիչներ, որոնք հանգեցրել են հասարակության լայն շերտերի՝ գիտնականների, մանկավարժների եւ խնդրով մտահոգ մարդկանց անհանգստությունների, Մարգարիտա Սիմոնյանի արձագանքը, Russia Today հեռուստաալիքի գլխավոր խմբագիր Մարգարիտա Սիմոնյանը քննադատել է ՀՀ վարչապետ Նիկոլ Փաշինյանի` 2005 թականին արված արտահայտությունները, անդրադարձ թեմային, ընդդիմության մոբիլիզացում, կորոնավիրուս, ինչ բացթողումներ ... Հրավիրում ենք Ձեզ՝ ներկա գտնվելու «Թովմասյան Բարեգործական Հիմնադրամ»-ի նախաձեռնությամբ կազմակերպված բարեգործական միջոցառման ամփոփիչ մամլո ասուլիսին: Երկուշաբթի 14:00 , Dvin Music Hall Օգոստոսի 3-ին, ժամը 11:00-ին Հայելի ակումբի հյուրն է ՀՀԿ խոսնակ Էդուարդ Շարմազանովը: Թեմա` կրթական համակարգ, նախարարի գործողությունները, հայ գրականության և հայոց պատմության շուրջ ստեղծված աղմուկ, նոր չափորոշիչներ: Սահմանային լարվածություն, ՀՀ երկրորդ նախագահ Ռ. Քոչարյանի հարցազրույցը, կորոնավիրուսային համաճարակ: Օգոստոսի 3-ին, ժամը 13:00-ին Հայելի ակումբի հյուրն է «Պարացելսուս» ՀԿ հիմնադիր Նունե Ներսիսյանը, քաղաքական գործիչ Արագած Ախոյանը և «Այլընտրանք» ՀԿ համանախագահ Նարեկ Մանթաշյանը: Թեմա` սահմանամերձ Աչաջուր համայնքի ծննդատան փակում, նախարարի քայլերը, սահմանային լարվածություն, արդյոք հանգուցալուծում ստացավ ՍԴ շուրջ ստեղծված թնջուկը, ՀՀ երկրորդ նախագահ Ռ. Քոչարյանի հարցազրույցը, կորոնավիրուսային համաճարակ: Օգոստոսի 3-ին, ժամը 12:00-ին Հայելի ակումբի հյուրն է Ոստիկանության գնդապետ Սայաթ Շիրինյանը: Թեմա` սահմանային լարվածություն, արդյոք հանգուցալուծում ստացավ ՍԴ շուրջ ստեղծված թնջուկը, ՀՀ երկրորդ նախագահ Ռ. Քոչարյանի հարցազրույցը, կորոնավիրուսային համաճարակ: Հուլիսի 31-ին, ժամը 13:00-ին Հայելի ակումբի հյուրերն են Ռազմական, հասարակական գործիչ Գևորգ Գևորգյանը և ռազմական փորձագետ Վան Համբարձումյանը: Թեմա` սահմանային լարվածություն, զորավարժություններ` Նախիջևանում, կորոնավիրուսային համաճարակ, ներքաղաքական իրավիճակ: Հուլիսի 31-ին, ժամը 12:30-ին Հայելի ակումբի հյուրն է քաղաքական վերլուծաբան Վոլոդիա Հովհաննիսյանը: Թեմա` սահմանային լարվածություն, զորավարժություններ` Նախիջևանում, կորոնավիրուսային համաճարակ, ներքաղաքական իրավիճակ: Հուլիսի 31-ին, ժամը 12:00-ին Հայելի ակումբի հյուրն է ԱԻՄ առաջնորդ Պարույր Հայրիկյանը: Թեմա` սահմանային լարվածություն, զորավարժություններ` Նախիջևանում, կորոնավիրուսային համաճարակ, ներքաղաքական իրավիճակ:
Հետևեք մեզ Facebook-ում https://www.facebook.com/hayeliclub