Ինչպես են ադրբեջանցիները նախապատրաստվել դիվերսիայի. Աղդամ գյուղի բնակիչներից մեկը կադրեր է հրապարակել. Տեսանյութ
Թովուզի շրջանի Աղդամ գյուղի բնակիչներից մեկը հրապարակել է Ադրբեջանի զինված ուժերի ռազմատեխնիկայի տեղաշարժի կադրեր, այս մասին հաղորդում է KarabakhRecords յութուբյան ալիքը: Կադրերում երևում է, թե ինչպես է Աղդամ գյուղի միջով դեպի սահման ընթանում երկու տրանսպորտային բեռնատար:
Ավելի ուշ հայկական կողմը հրապարակել է ադրբեջանական ոչնչացված ավտոմեքենայի լուսանկարը, որը գտնվել է չեզոք դիրքում: Սա ևս մեկ ապացույց է, որ սահմանին սադրանքը կազմակերպել է Ադրբեջանը:
Հիշեցնենք, որ հուլիսի 12-ին ժամը 12:30-ի սահմաններում, Ադրբեջանի զինված ուժերի զինծառայողները ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք:
ՀՀ ՊՆ հաղորդագրության համաձայն՝ նույն օրը ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով, հետ շպրտվել:
Աղբյուր` Aravot.am