Ձեռքերս ոլորեցին և քարշ տալով տարան դեպի ոստիկանական մեքենան. Արթուր Դանիելյան
«Հերթական անգամ ցավալիորեն ականատես ենք լինում նրան, որ ոստիկանությունը ոչ թե կատարում է օրենքով նախատեսած իր գործառույթները, այլ ուղղակի դարձել է խաղալիք օրվա իշխանությունների քաղաքական կամքի իրականացման համար: Ոստիկանությունն այդպես էլ չի կարողացնել ասել, թե որն է իրենց իրավական պահանջը, որին պետք է տղաները ենթարկվեին: Իրականում տղաները ոչ թե օրինական, այլ անօրինական պահանջն է, որ չեն կատարվել: Ավտոերթը չի կարող հավաք համարվել»,-լրագրողների հետ զրույցում ասաց «Ադեկվադ» միաբանության անդամ Գարեգին Պետրոսյանը՝ անդրադանռալով ավտերթի մասնակիցներին երկրորդ անգամ ոստիկանության կողմից բերման ենթարկելուն:
«Ինձ պարզաբանեցին, որ հավաքի եմ մասնակցել, չեմ ենթարկվել պարետի ոոշմանը, սակայն իրականում, երբ մայրուղու վրա տեսել եմ ծեծ ու ջարդ, որի հիմնական թիրախը Նարեկ Մայլանն է եղել, կանգնեցրել եմ մեքենան: Անմիջապես ձեռքերս ոլորեցին և քարշ տալով տարան դեպի ոստիկանական մեքենան:Բերման ենթարկելուց վերնաշապիկս պատռվել է»,- նշեց «Ադեկվադ» միաբանության հիմնադիր Արթուր Դանիելյանը, ում ևս բերման էին ենթարկվել:
Նա նշեց, որ իշխանությունների գործողություններում որևէ տրամաբանություն չի տեսնում: «Այդ բերման ենթարկելը նման էր առևանգման, որևէ պատճառ չկար այդ մարդուն բերման ենթարկելու»,-ասաց նա: