Դե որ նախկինները դրսում «պրախոդ» ունեն,ինչու՞ չեն զանգում ընկեր Տուսկին ու ասում՝ հայտարարություն արա․Իգիթյան (video)
«Իմ քայլը» խմբակցության պատգամավոր Հովհաննես Իգիթյանը, ԱԺ-ում լրագրողների հետ զրույցում անդարդառնալով նախկին իշխանության ներկայացուցիչների քննադատությանը են, որ այս կառավարությունը այնպես է փչացրել հարաբերությունները միջազգային կառույցների հետ, որ հիմա ոնց որ երես չի մնացել սահմանային լարվածության հարցով դիմելու՝ Հովհաննես Իգիթյանը պատասխանեց. «Ես չգիտեմ նախկին իշխանություններն ինչ են ասում, ինձ մոտ, կապված այս իրավիճակի հետ եւ ոչ միայն, այնպիսի տպավորություն է, որ նախկին իշխանություններն ուզում են, որ իրավիճակը վատ լինի, որ իրենք խոսել կարողանան: Նրանք ընդհանրապես խոսելու տեղ չունեն: Այդ հարցի պատասխանը, թե ինչու ժողովուրդն ըմբոստացավ իրենց դեմ 2018-ին նրանք այդպես էլ չեն տալիս եւ հիմա նրանք քննադատեն մե՞զ, նոր իշխանությունների՞ն: Հարց է գալիս՝ եթե մենք այդքան վատն ենք, իրենք այդքան լավն են, ինչո՞ւ ժողովուրդն ըմբոստացավ եւ իրենց ստիպեց, որ իշխանությունից հեռանան եւ ընտրությունների ժամանակ նույնիսկ պառլամենտում լինելու անհրաժեշտ ձայներ չտվեցին: Այդ հարցի պատասխանը թող նրանք տան: Եթե իրենք լավ, օգտակար, կոնստրուկտիվ կապեր ունեն, թող օգտագործեն այդ կապերը՝ այս իրավիճակը չեզոքացնելու համար: Այդքան ասում են, որ նրանք ԵԺԿ-ում իրենց բառապաշարով ասեմ՝ «պռախոդ» ունեն, անձնական լավ կապեր ունեն, դե թող օգտագործեն այդ կապերը: