Ալիևն ընտրեց ռազմական ճանապարհը. 4 զոհ՝ պատերազմի ու հայատյացության քարոզչությանն ի պատասխան

Երեկ ժամը 12:30-ի սահմաններում, Ադրբեջանի զինված ուժերի զինծառայողները, անհասկանալի պատճառով, ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել, հայտնեց Հայաստանի պաշտպանության նախարարի խոսնակ Շուշան Ստեփանյանը:

«Հայկական կողմի նախազգուշացումից հետո Ադրբեջանի զինծառայողները, թողնելով ՈւԱԶ մակնիշի ավտոմեքենան, վերադարձել են իրենց դիրք: Ժամը 13: 45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով, հետ շպրտվել», - գրել է նա իր ֆեյսբուքյան էջում: Հայկական կողմից կորուստներ չկան:

Այս տեղեկատվությունից հետո ադրբեջանական գործակալություններն էլ հայտնեցին, թե իբր հայկական Զինված ուժերն են «խախտել հրադադարի ռեժիմը», և իբր՝ «երկու կողմից էլ կորուստներ կան» և անգամ հաղորդագրություններից մեկում հայտնում էին, թե «այս պահին ևս մարտերը շարունակվում են»:

Հայաստանի ՊՆ-ն ավելի վաղ հերքել էր, որ հայկական կողմից կորուստներ կան։
Ավելի ուշ արդեն ադրբեջանական կողմը հաղորդեց, որ Թովուզի ուղղությամբ` հայ-ադրբեջանական տեղի ունեցած միջադեպի հետևանքով ադրբեջանական բանակն ունի 2 զոհ և 5 վիրավոր: Ավելի ուշ հայտնի դարձավ, որ զոհերը երեքն են, իսկ այսօր առավոտյան արդեն ադրբեջանական կողմը պաշտոնապես հաստատեց, որ չորս զոհ ունի:

Այսպես, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Ադրբեջանական կողմը հայկական զինված ուժերի սահմանային դիրքը գրավելու փորձ է արել՝ կիրառելով հրետանային կրակ:

Ի պատիվ ՀՀ ԶՈՒ-երի ադրբեջանական փորձը՝ սահմանային դիրք գրավելու՝ ճնշվել են հայկական կողմից և կորուստներ կրելով, հետ շպրտվել:

Օրվա վերջում պարզվեց, ադրբեջանական կողմը շարունակում է սկսած «գործը»: «Ադրբեջանական կողմը վերսկսել է հրետակոծել մեր նույն դիրքի ուղղությամբ 82 մմ ականանետից և տանկից: Իրավիճակի լարման հետևանքների ամբողջ պատասխանատվությունը կրելու է Ադրբեջանի ռազմաքաղաքական ղեկավարությունը», հայտարարեց ՀՀ ՊՆ մամլո խոսնակը:

Լարված գիշերվանից հետո այսօր առավոտյան ադրբեջանական կողմը սկսել է նորից կրակել: «Երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ», ֆեյսբուքյան իր էջում հայտնում է ՊՆ խոսնակ Շուշան Ստեփանյանը՝ նշելով, որ ԶՈՒ ստորաբաժանումների կողմից տրվել է համարժեք պատասխան։ Չի բացառվում հակառակորդի կորուստների ավելացում։

Իր հերթին ՀՀ Պաշտպանության նախարար Դավիթ Տոնոյանն էլ հասկացնել է տվել, որ ադրբեջանական կողմը պատասխան է տալու...

Դավիթ Տոնոյանը մշտական կապի մեջ է ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշչիկի հետ, հայտնել է ՀՀ ՊՆ մամուլի խոսնակ Շուշան Ստեփանյանը՝ հավելելով. «Վերջին զրույցի ընթացքում պաշտպանության նախարարը տեղեկացրել է, որ հայկական բանակային զորամիավորման անձնակազմն ու հրամանատարությունը հրահանգավորված են դեռևս պահպանել զսպվածություն, իսկ հակառակորդի` ՀՀ սահմանների ուղղությամբ սադրանքների պարագայում` արձագանքել ըստ անհրաժեշտության` ընդհուպ մինչև նոր բարենպաստ դիրքերի զբաղեցում»:

Այսպես, երեկվանից տեղի ունեցածն ու այսօր դեռ շարունակվող ադրբեջանական սադրանքները լիովին տեղավորվում են ադրբեջանական իշխանությունների վերջին ամիսների քարոզչական հետևողական աշխատանքի՝ ընդդեմ Հայաստանի ու Արցախի:
Արդեն տևական ժամանակ կանխատեսել էինք, որ ադրբեջանական կողմը կսկսի պարբերաբար գնալ սահմանային լարվածության, դիվերսիոն գործողությունների, հրադադարի խախտման:

Վերհիշենք Ադրբեջանի նախագահի, ապա՝ պաշտպանության նախարարի անցյալ շաբաթվա «ցուցումները»: Ընդամենը օրեր անց, փաստացի Ադրբեջանը ձեռնարկեց հերթական փորձը՝ ցույց տալու համար, որ «կատարում» է երկրի «գլխավոր հրամանատարի» հրահանգները:

Այսպես, Ադրբեջանը բանակցային գործընթացը՝ իր համար ավարտված ցույց տալու ուղղությամբ արեց առաջին քայլը՝ առաջնայնություն տալով սահմանային լարման քաղաքականությանը:

Ալիևն, ըստ էության, ընտրեց ռազմական բախումների դաշտը՝ մի կողմում թողնելով բանակցությունների սեղանը:

Այսինքն՝ երեկվանից ղարաբաղյան կարգավորման շուրջ ստեղծվել է նոր իրավիճակ: Հայկական կողմը թե՛ դիվանագիտական ճակատում տարվելիք աշխատանքի առումով, թե՛ սահմաններում, նոր իրավիճակում է հայտնել, ինչը պահանջում է նոր մարտավարություն:

Մետաքսյա Շալունց

դիտվել է 4252 անգամ
Լրահոս
Փաշինյանը պաշտոնա՞նկ կանի Շիրակի մարզպետին Ռուսական և ամերիկյան քաղաքական շրջանակները՝ «Միասնություն» շարժման հավաքին «Ամեն մարդ թող իր գործով զբաղվի. դա իր տիրույթում չէ». Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից Ձյան առատ տեղումներն ու բուքը վերադառնում են․ եղանակն՝ առաջիկա օրերին Աննախադեպ երեւույթ «բարեգործությունների» պատմության ընթացքում Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում ԲԱՑԱՌԻԿ․ Տավուշի բնակիչները 10 օր ժամանակ են տվել Փաշինյանին Ոսկեպարի և Բաղանիսի բնակիչները Նիկոլ Փաշինյանի հետ հանդիպումից հետո պատրաստակամություն են հայտնել փակել ճանապարհները ԱԱԾ պահեստազորի սպաների միությունը շնորհավորել է Վլադիմիր Պուտինին Ստոլտենբերգն Անդրկովկասում սկում է «Մեծ խաղ» Հայաստանը չպետք է դառնա միաբևեռ աշխարհի ջատագով․ Էդուարդ Շարմազանով Ռուսաստանը կարող է «սանիտարական գոտի» ստեղծել Ուկրաինայում. Պուտին ՆԱՏՕ-ի գլխավոր քարտուղարը Վրաստանում է Սփյուռքը պետք է վերակազմակերպվի, Արցախի գերեվարված ռազմաքաղաքական ղեկավարները պետք է ազատ արձակվեն. Արամ Ա Որոշ շրջաններում ձյուն է տեղում․ ինչ իրավիճակ է ՀՀ ճանապարհներին ժամը 20։00-ի դրությամբ Առաջին անգամ Ոսկեպարում մետաղորսիչ սարքեր են դրել Փաշինյանի հետ հանդիպմանը. Նոր մանրամասներ Փաշինյանի «ահաբեկչական» այցը Ոսկեպար Ժողովու'րդ, Նիկոլի կողմից այդ 4 գյուղերի նվիրումը Ադրբեջանին ԲՈԼՈՐՍ խնդիրն է և միայն ոսկեպարցին կամ բաղանիստցին այդ հարցով չպետք է զբաղվեն... «Թարգմանեմ ՔՊերենից». Վլադիմիր Մարտիրոսյանը ցանկ է ներկայացրել Փաշինյանը գնացել էր համոզելու ոսկեպարցիներին, որ Ոսկեպարը մերը չի և պետք է հանձնի Ալիևին. Հակոբյան «SOCAR»-ը Թուրքիայում նոր ներդրումային քաղաքականություն է մշակում Եգիպտոսը հաստատել է, որ իր պատվիրակությունը Կատարում մասնակցում է Գազայի հարցով բանակցություններին Ստոլտենբերգը հուսով է, որ Վրաստանը կդառնա ՆԱՏՕ-ի անդամ Քանաքեռավանի գազալցակայանում տեղի ունեցած պայթյունի հանգամանքները պարզվում են քրեական վարույթի շրջանակում Լարսը բացվել է բեռնատարների համար
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am