Ստահոդ Նիկոլը մի բան ասում է` ճիշտ հակառակն անում

Չեք մոռացել, չէ՞, որ Ստահոդ Նիկոլը մի բան ասում է` ճիշտ հակառակն անում։

Ասում էր` սեր և համերաշխություն, վենդետաներ չեն լինելու, թշնամանքի և ատելության էջը փակված է, եկավ ու ժողովրդին բաժանեց սև-սպիտակի, երկիրը դարձրեց պառակտման, համատարած թշնամանքի և ատելության թիրախ, քաղաքական վենդետաների պատանդ։

Ասում էր` գազը էժանացնելու եմ. գազը չէժանացավ, այլ թանկացավ։

Ասում էր` վերացնելու եմ տեսախցիկներն ու արագաչափերը, բայց ավելացրեց և՛ տեսախցիկները, և՛ արագաչափերը։

Ասում էր` ո՛չ կուտակային կենսաթոշակներին, կուտակային կենսաթոշակներն «իրենց տեղում» են։

Ասում էր` քաղաքացին տուգանքի մատերիալ չէ, բայց կորոնավիրուսի դեմ պայքարի պատրվակով քաղաքացուն դարձրեց տուգանքի մատերիալ։

Ասում էր` ժողովրդավարություն, արդարություն, արդարադատություն, բայց Հայաստանը վերածեց անձնիշխանապետության, որտեղ ամեն ինչ մի մարդուկ է որոշում, և այդ մարդուկն ինքն է։

Այս շարքը կարելի է անվերջ շարունակել, բայց այսքանն էլ բավական է` ևս մեկ անգամ արձանագրելու, որ գերագույն գլխավոր Սուտասանի «ուղերձները» պետք է հակառակ նշանով հասկանալ...

Այդ առումով, մեղմ ասած, մտահոգիչ են ազգային անվտանգության, հայի, հայկական ինքնության մասին փքուն խոսքերը, որոնցով հանդես է եկել իրեն կից անվտանգության խորհրդի նիստում` մասնավորապես, արձանագրելով. Հայկական պետությունը հայ ժողովրդի գոյության և զարգացման միակ երաշխավորն է։ Հետևաբար հայկական պետությունը պետք է գոյություն ունենա հավիտյան, որովհետև հայ ժողովուրդը պետք է գոյություն ունենա հավիտյան»։

Հավիտյան, այսինքն` այլևս երբե՞ք...

Լիլիթ Պողոսյանի ֆեյսբուքյան էջից