Կորոնավիրուսային «պատերազմը» ցույց տվեց, թե ինչպես է իրեն պահելու Նիկոլ Փաշինյանը հնարավոր իրական պատերազմի դեպքում

Ինչպես հայտնի է, Նիկոլ Փաշինյանը մասնակցել է 2016–ի ապրիլյան քառօրյա պատերազմին, բայց ... մայիս ամսին։

Մասնակցել է ու կռվել քաջարի զինվոր Շվեյկի պես։ Նա ավտոմատն ուսին ու բահը ձեռքին մարտնչել է հողի դեմ՝ փորելով խրամատներ։ Հակառակորդի հետ շփման գծից կիլոմետրերով հեռու տարածքում։

Հիմա նա խրամատներ է փորում մեր երկրի ներսում և պառակտում ժողովրդին։ Նիկոլն ուզում է կորոնավիրուսային պատերազմում իր արձանագրած պարտության համար մեղավոր նշանակել ժողովրդին։

Ի դեպ, կորոնավիրուսային «պատերազմը» ցույց տվեց, թե ինչպես է իրեն պահելու Նիկոլ Փաշինյանը հնարավոր իրական պատերազմի դեպքում։

Հաշվի առնելով այն, թե ինչպես իրեն պահեց «ժողովրդի» վարչապետը անտեսանելի թշնամու դեմ պատերազմում, եկեք անալոգիայի մեթոդով հասկանանք, թե ինչ կարող է տեղի ունենալ տեսանելի թշնամու դեմ պատերազմում։

Եվ այսպես, պատկերացնենք մի վիճակ, երբ «կիրթ ու կառուցողական» Ալիևը «վերելակային» դիվանագիտության շրջանակներում որոշում է պատերազմ սկսել։

Պատերազմն ո՞ւմ շուն է

ՀՀ սահմանադրության համաձայն՝ պատերազմի ժամանակ վարչապետը դառնում է մեր զինված ուժերի գերագույն հրամանատարը։ Հենց այդտեղից էլ սկսում է սարսափելի կինոն, երբ գիտես, թե ով է վարչապետը։

Դատելով ամենից՝ հենց թշնամին հարձակվի ու նրա առաջապահ ուժերը մտնեն մեր տարածք, «ժողովրդի» վարչապետը կհայտարարի, որ պատերազմն ո՞ւմ շունն ա, որ մի հատ էլ մեր պլանները փոխի ու կշարունակի ՍԴ–ն գրավելու ծրագիրն իրականացնել, որպեսզի հանկարծ Ռոբերտ Քոչարյանի գործը իր սրտի չուզած դատավորների ձեռքը չընկնի։

Թշնամին կշարունակի առաջխաղացումը, իսկ Նիկոլը Սահմանադրությունը փոխելու հանրաքվեի հարցերով կզբաղվի՝ բիզնեսից քարոզի համար փող ռեկետ անելով ու ատելության խոսք տարածելով։

«Դա կռիվ ա, սովորական կռիվ ա, ոչ ոք չի ասում, որ թշնամին լավ բան ա, որ փամփուշտը վտանգավոր չի, բայց ավելորդ խուճապ պետք չի, կարևորը հանրաքվեն է։ ... Թշնամու արկերից, հրթիռներից ու փամփուշտներից իմաստ չունի պաշտպանվելը, պետք չի վախենալ դրանցից, և մենք պատրաստ ենք անգամ մեր երեխաներին ուղարկել այն տարածքները, որտեղ արկ ու հրթիռ է թափվում, որպեսզի դուք համոզվեք, որ խնդիր չկա։ ... Ալիևենց փամփուշտները պինցետով կբռնենք ու տնական արաղով կչեզոքացնենք, ժողովու՛րդ ջան, դուք մի՛ մտածեք, միայն թե գնացեք ու հանրաքվեին «այո» ասեք»,– պատերազմական գործողությունների ժամանակ կհայտարարեն նիկոլենք։

Փաշինյանը պատերազմին կարձագանքի դրա սկսվելուց երկու շաբաթ անց, բայց գործնականում ոչինչ չի անի, քանզի կատարյալ դիլետանտ է ու ապաշնորհ։

Թշնամին առաջ կշարժվի, իսկ նիկոլենք պաշտպանական ողջ ռազմավարությունը կկառուցեն մետաղյա «կասկա» կրելու վրա։

«Կրե՛ք «կասկաներ» և փրկե՛ք կյանքեր։ Կրե՛ք, որ կրենք»,– կհայտարարի Նիկոլ–լայվը։

Նիկոլը կսկսի փողոցում բաժանել «Տավուշ» կոոպերատիվի թողարկած մետաղյա գլխարկները և ամեն օր կհայտատարի մեր կորուստների մասին՝ հետևողականորեն տանելով այն գիծը, որ ժողովուրդն է մեղավոր պարտությունների համար, քանզի «կասկա» չի կրում և դուխով չէ։

«Լա՛վ, ենթադրենք այս օրերին արձանագրվող տարածքային ու մարդկային կորուստների համար ես եմ մեղավոր, բա Սիրիայում տեղի ունեցողի համար ո՞վ է մեղավոր»,– դեմագոգիկ ձևով կարդարանա Փաշինյանն իր ամենօրյա ասուլիսներից մեկում՝ չմոռանալով քննադատել այն լրատվամիջոցներին, որոնք հայտարարում են, որ միայն «կասկա» կրելով ակնհայտորեն կկրվենք թշնամուն։

Արսեն Թորոսյանն էլ կհայտարարի, որ աշխարհում միջինը մահանում է այսքան մարդ ու պատերազմական գործողությունների ժամանակ մեր մահերն ավելին չեն, քան կորոնավիրուսային պատերազմի օրերին աշխարհի միջին թիվը, այնպես որ ամեն ինչ կարգին է, ամեն ինչ նորմայի մեջ է ու ամեն ինչ վերահսկվում է։

Արսենը նաև այլ բաներ կասի։

«Որպեսզի մեր առողջապահական համակարգը կարողանա դիմանալ վիրավորների քանակին, պետք է կրել «կասկաներ», չմոռանալ ախտահանել տանը եղած սառը զենքերը և թշնամուց պետք է պահպանել սոցիալական հեռավորություն»,– լայվի ժամանակ դեմքի БОЗ–ական արտահայտությամբ կասի պատերազմի ժամանակ պաշտպանության նախարար նշանակված Թորոսյանը։

Քարոզչական նպատակներով Նիկոլն այդ ժամանակ կարող է նույնիսկ վիրավորվել թշնամու հրթիռով, բայց շատ արագ բուժվել։ Ինչպես որ կորոնավարակի ժամանակ։ Կարևորը քարոզն է։

. . .

Վերը նկարագրված սցենարի հետ չառերեսվելու և պետություն չկորցնելու համար պետք է նիկոլական իշխանությանը ռադ անել և ձևավորել նորմալ իշխանություն։

Հայկ Ուսունց

7or.am

դիտվել է 209 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am