Երաշխիք չկա, որ կրկին չեք վարակվի կորոնավիրուսով
Պետք է զգույշ լինենք, քանի որ չենք կարող 100 տոկոս վստահ լինել, որ եթե վարակվել լավացել ենք, նորից չենք վարակվի։ Նման պատասխան տվեց նախարար Արսեն Թորոսյանը պատասխանելով հարցին, թե քանի՞ հոգի կա, ում մոտ թեստը կրկին դրական է ցույց տվել և արդյոք տվյալներ կան, թե որքան է բուժվելուց հետո կրկին վարակվելու հավանականությունը։
Թեև նախարարը նշեց, որ նման տվյալներ չունի, իսկ աշխարհում էլ կրկնավարակման թեմայով ակադեմիական դեբատը շարունակվում է, այնուամենայնիվ տեղեկացրեց, որ կրկնակի վարակվելու հանգամանքը պայմանավորված է իմունիտետի երկարատևությամբ:
«Արձանագրումները պետք չի դիտել միայն երկրի մասշտաբով, այլ ամբողջ աշխարհում: Կրկնակի վարակվելու հանգամանքը պայմանավորված է իմունիտետի երկարատեւությամբ: Քանի դեռ այդ հարցի պատասխանը չունենք, կրկնակի վարակվելու հնարավորության պատասխանը չունենք: Դրա համար պետք է զգույշ լինենք, քանի որ չենք կարող 100 տոկոս վստահ լինել, որ եթե վարակվել լավացել ենք, նորից չենք վարակվի: Կարող եմ ասել, որ այլ սուր շնչառական վարակները երկարատեւ իմունիտետ չեն առաջացնում»,-ասաց նա:
Հետևեք մեզ Viber-ում
