ՌԴ ԱԳՆ-ում վրդովված են
Վենեսուելայի շուրջ ստեղծված իրավիճակում անհանգստացնող պահերը կրկին ռելիեֆային կերպով հայտնվել են, ասվում է ՌԴ ԱԳՆ պաշտոնական ներկայացուցիչ Մարիա Զախարովայի հայտարարության մեջ:
«Մենք մտահոգությամբ նշում ենք, որ Լոնդոնի Գերագույն դատարանը որոշում է կայացրել ճանաչել Հ. Գուայդոյին որպես Վենեսուելայի «ժամանակավոր նախագահ» եւ նրան հասանելիություն է տրամադրել երկրի Անգլիայի բանկում պահվող ոսկու պաշարներին:
Այս որոշումը վրդովեցուցիչ է: Ինչքանով կարելի է հասկանալ գերագույն դատավոր Ն. Տիրի հայտարարությունից, Լոնդոնի դատարանը ոչ մի կերպ չի էլ փորձել իրավական գնահատական տալ Գույդոյի հայցերին, այլ պարզապես հետեւել է բրիտանական գործադիր իշխանության դիրքորոշմանը, որն ավելի վաղ, այսպես ասած, «միանշանակորեն ճանաչել էր» Գուայդոյին «Վենեսուելայի նախագահ», իսկ «երկու նախագահ Վենեսուելայում լինել չի կարող»։ Ակնհայտ է, որ Մեծ Բրիտանիայում դատական անկախությունը գործում է միայն այնքան ժամանակ, քանի դեռ դատավորների դիրքորոշումը համահունչ է կառավարության կարծիքին:
Մենք մեծ հետաքրքրությամբ ուսումնասիրել ենք Լոնդոնի Գերագույն դատարանի իրավական փաստարկները, սակայն, ըստ երեւույթին, նման փաստարկներ պարզապես չկան: Բրիտանիայի օրենսդրությունը լռում է, երբ կասկածի տակ է դրվում քաղաքական նպատակահարմարությունը», - ասվում է հայտարարության մեջ: