Ցմահ առաջնորդը. Հաշտվե՞լ այդ իրականության հետ, թե՞ ոչ...

Ահա, Ռուսաստանում սահմանադրական փոփոխությունների հանրաքվեն ավարտվեց: Ռուսաստանում հանրաքվեի նախնական արդյունքներով, քվեաթերթիկների 95 տոկոսի հաշվարկի արդյունքներով, պաշտոնական տվյալների համաձայն, ընտրողների ավելի քան 78 տոկոսը կողմ է քվեարկել սահմանադրական փոփոխություններին, որոնք թույլ կտան նախագահ Վլադիմիր Պուտինին երկարաձգել իր իշխանությունը մինչև 2036 թվականը:

Հունիսի 25-ից մինչև հուլիսի 1-ն անցկացված հանրաքվեի վերջնական արդյունքները կհրապարակվեն այսօր ավելի ուշ: Նախօրեին նախագահն անձամբ կոչ արեց ռուսաստանցիներին մասնակցել համառուսաստանյան հանրաքվեին։ Վլադիմիր Պուտինը Մոսկվայի հարավ-արևմուտքում գտնվող Ռուսաստանի գիտությունների ակադեմիայի նախագահության շենքի ընտրատեղամասում մասնակցել է քվեարկությանը, ընդ որում՝ առանց բժշկական դիմակի և ձեռնոցների:

Հանրաքվեին նվազագույն շեմ չկար, այն կայացած կհամարվի ցանկացած մասնակցության դեպքում։ Այդուամենայնիվ, ընդդիմադիրները, դիտորդները, «Գոլոս» իրավապաշտպան կազմակերպությունը հունիսի 25-ից ահազանգում էին, որ բյուջետային աշխատողներին և զինվորականներին պարտադրում են մասնակցել հանրաքվեին և կողմ քվեարկել։ Բացի այդ կան արդեն բազմաթիվ վկայություններ այլ խախտումների մասին՝ մասնավորապես, ռուսաստանցիների մի մասը ահազանգում է, որ եկել են ընտրատեղամասեր և պարզել, որ իրենց փոխարեն արդեն քվեարկել են։

Ռուսաստանյան ընդդիմությունը ընդհանուր ռազմավարություն այս քվեարկությանը չէր մշակել, երկու մասի էր բաժանվել. մի մասը կոչ էր անում բոյկոտել հանրաքվեն, մյուս մասը՝ մասնակցել և սահմանադրական փոփոխություններին դեմ քվեարկել:

Հիշեցնենք, որ Սահմանադրական փոփոխությունների փաթեթում հիմնականը՝ նախագահական ժամկետների զրոյացումն է, ինչի արդյունքում Պուտինը 2024-ին և 2030-ին նախագահական ընտրություններին մասնակցելու սահմանադրական իրավունք է ստանում։ Հենց այս փոփոխությանն են դեմ ընդդիմությունն ու մտավորականության մեծ մասը, սակայն իշխանությունները կորոնավիրուսի համաճարակի պատրվակով չեն արտոնել բողոքի ակցիաները մինչև հանրահավաք:

Անկախ փորձագետները, լրագրողները վերջին ամիսներին, համաճարակի այս պայմաններում շեշտում էին, որ Պուտինի վարկանիշը կտրուկ անկում է արձանագրում, սրա հետ մեկտեղ իրական պատկեր, թե ռուսաստանցիների քանի՞ տոկոսն է այսօր աջակցում երկրի նախագահին չկա: «Մենք հստակ չգիտենք, թե ռուսաստանցիների ո՞ր տոկոսն է ուզում տեսնել Պուտինին երկրի նախագահի պաշտոնում մինչև 2036 թվականը, մենք չունենք իրական սոցիոլոգիական հարցումներ», - «Ազատության» ռուսական ծառայության եթերում ասել է փորձագետ Անդրեյ Պյանկովսկին:

Բոլորը սրա հետ մեկտեղ համոզված էին, որ Կենտրոնական ընտրական հանձնաժողովը կհայտնի բարձ մասնակցության մասին, և որ ռուսաստանցիների մեծ մասը՝ 65-70 տոկոսը կողմ է քվեարկել Պուտինի նախագահությունը դե յուրե գրեթե հավերժացնող սահմանադրական փոփոխություններին։

Չեչնիայի ղեկավար Ռամզան Կադիրովը նախօրեին հայտարարել էր, որ Պուտինին ընդհանրապես պետք է հռչակել ցմահ նախագահ։

Երեկ կեսօրին Կարմիր հրապարակից բերման էին ենթարկվել մի խումբ ակտիվիստներ, նրանք պառկել էին գետնին և իրենց մարմիններով պատկերել 2036 թվականը: Ուժայինները Պուշկինսկի հրապարակ էին բերել մի քանի տասնյակ ոստիկանական ավտոմեքենաներ, ավտոզեկեր, ավտոբուսներ և «Գազելներ»։ Տարածքը հսկում էին ՕՄՕՆ-ը և Ռոսգվարդիան։

«Բաց Ռուսաստան» շարժման համակարգող, «Ոչ»-ի քարոզարշավի ղեկավար Անդրեյ Պիվովարովը կողմնակիցներին կոչ էր արել դուրս գալ Պուշկինի հրապարակ, որպեսզի, ինչպես ինքն է ասել, քննարկեն քվեարկության արդյունքը: Նա քվեարկությունը խայտառակություն է անվանել՝ ասելով, որ այդ ընթացակարգի միակ նպատակը Վլադիմիր Պուտինի ժամկետների զրոյացումն է:

Մինչդեռ Պուտինը օրեր առաջ հայտարարեց, թե համառուսաստանյան քվեարկության արդյունքները պետք է լինեն բացարձակ հավաստի և լեգիտիմ. «Մեր ընդհանուր կարևորագույն խնդիրն է, որ համառուսաստանյան քվեարկության արդյունքները լինեն բացարձակ հավաստի և լեգիտիմ: Այստեղ չի կարելի թույլ տալ ոչ մի պարտադրանք, էլ չեմ խոսում ներկայացված ձայների հաշվառման խափանումների մասին, որպեսզի հետագայում ոչ ոք երբեք կասկածի տակ չդնի այն դիրքորոշումը, որը կարտահայտեն Ռուսաստանի քաղաքացիները»:

Ընդդիմադիր լրատվամիջոցներն ահազանգեցին, որ բյուջետային աշխատողներին ստիպում են գրանցվել կայքում էլեկտրոնային քվեարկության համար: Այսօր Дождь հեռուստաընկերության լրագրող Պավել Լոբկովը ուղիղ եթերում 2 անգամ քվեարկել է՝ ցույց տալու համար, որ հնարավոր է, որ նույն անձը 2 անգամ քվեարկի. «Ստացվեց, բինգո, ինձ հաջողվեց 2 անգամ քվեարկել, եթե արկղը նաև իմ բնակարան բերեն, կստացվի, որ ես կկարողանամ 3 անգամ քվեարկել»: Լոբկովի այս տեսագրությունը վկայում է, որ նախ էլեկտրոնային համակարգը նորմալ չի գործում, և երկրորդը, որ նույն այս մեխանիզմը իշխանությունները կարող են օգտագործել իրենց ուզած արդյունքը քվեարկությանը ցույց տալու համար:

Ռուսաստանի հասարակությունն, այսպիսով, նոր փուլում է. արդեն ակնհայտ է Պուտինի՝ քաղաքականությունից չհեռանալու ձգտումը անհերքելի փաստ է: Մնում է հասկանալ, թե ռուս հասարակությունն առաջիկա ամիսներին, տարիներին հաշտվելո՞ւ է այդ իրականության հետ, թե՞ ոչ:

Մետաքսյա Շալունց

դիտվել է 2587 անգամ
Լրահոս
«Մտահոգիչ է, եթե նման բաներ կան», ԲԴԽ անդամը՝ «չաթի» արտահոսքի հետևանքով դատավորների հրաժարականի մասին «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Ինչպես են դատավորները փախչում, երբ խոսքը գնում է Փաշինյանի իշխանության կողմից ճնշվելու մասին (video) Փրկարարները դուրս են բերել ավտոմեքենան Արփա գետից «Ալենի երգը երգած է․ չի պլստալու»․ Միկա Բադալյան (video) Ռուս փորձագետ Մաքսիմ Վասկովը հակադարձում է Փաշինյանին ու իր ՔՊ-ականներին (video) Մենք էլ մարդ ենք ման գալիս, ով կապացուցի, որ Ալենն իր հոր տղեն է, ոչ թե՝ հարևան Գագոյի․ Կիվիրյան (video) Բլինքեն-Փաշինյան-Ֆոն դեր Լայեն հանդիպումը նվիրված չէ «անվտանգության երաշխիքներին». Պիտեր Ստանո Ո՞վ է մատնիչը․․․ (video) Վտանգավոր Մհերը, ով վտանգում է մեր հողերը «Ղռերի կատվի» մեկ միլիոնանոց կայֆերը․ նոր թալանը սկսված է․ Մանկավարժ (video) Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Աննա Հակոբյան, թանկ չի՞․․․ 200 հազարով գիտե՞ս՝ ինչեր կան․․․ (video) «Դուք տեսե՞լ եք իմ ձերբակալության կադրերը»․ Սամսոնյանի նամակը ԱՄՆ դեսպանին․ ակցիա (video) Քրեական վարույթի շրջանակներում որոնվում են տեսագրության մեջ պատկերված անձինք ՀՀ տարածքում կան փակ ավտոճանապարհներ Թուրքիայի լրջագույն կապը Ռուսաստանում սարսափելի ահաբեկչությանը․․․ (video) Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան Վահե Ղազարյան, ես ձեզ զգուշացնում եմ՝ բոլորդ փտելու եք բանտերում․ Մարինա Խաչատրյան (video) Ռուս փորձագետն զգուշացրեց՝ ինչ է սպառնում Հայաստանին՝ հակառուսական այս խայտառակ քարոզի պատճառով (video) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Տավուշում Նիկոլն Ալիևի հետ գաղտնի պայմանավորվածության է եկել. Ադրբեջանի հարցերով փորձագետ (video) Կորել են բնաՊԱՀՊԱՆԱԿները, համարել անվավեր Ծառահատումներ՝ բռնությունների կիրառմամբ Դատավորի սիրտը Ծաղկաձորում տուն է ուզում․․․ (video)
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am