Սա չի նշանակում, որ իրավիճակը ավելի բարվոք է. նախարար

Կառավարության այսօրվա նիստին վարչապետ Նիկոլ Փաշինյանը տեղեկացրեց, որ երեկ 665 նոր դեպք են հայտանաբերել և ստիպված են ավելի ու ավելի կոշտ վարչական մեթոդներ կիրառել՝ կանոնները պահպանելու նպատակով:

Առողջապահության նախարար Արսեն Թորոսյանն էլ հայտնեց, որ այսօր ժամը 9:00-ի դրությամբ 143 հոգի ունի նեղ մասնագիտական հիվանդանոցներում հոսպիտալիզացիայի կարիք, որոնցից 20-ը գտնվում է տանը, 9-ը թեթև ծանրության, 16-ը միջին ծանրությանը: «Ես հայտարարել էի, որ համաճարակային միտումներով ավելի լավ ենք, քան կանխատեսել ենք, բայց չի նշանակում, որ իրավիճակը ավելի բարվոք է, քանի որ խնդիրը բացարձակ թվերն են: Այս պահին 263 ռեանիմացիոն մահճակալ ունենք տրամադրված կորոնավիրուսին, սակայն ազատ տեղեր պրակտիկորեն չկա, դրանք շատ արագ են ծանրաբեռնվում: Ունենք 44 ծանր, 131 ծայրահեղ ծանր դեպք, որից 39 շնչառական ապարատի են միացված»,-հայտնեց նախարարը: