Վահե Գրիգորյանը չի մասնակցել ՍԴ-ի ոչ մի նիստի. ՍԴ աշխատակազմի ղեկավար
ԱԺ-ում Պետական-իրավական հարցերի և Ֆինանսավարկային և բյուջետային հարցերի մշտական հանձնաժողովների համատեղ նիստին, երբ Սահմանադրական դատարանի աշխատակազմի ղեկավար Էդգար Ղազարյանը ներկայացնում էր ՀՀ 2019թ. պետական բյուջեի կատարման մասին հարցը:
«Լուսավոր Հայաստան» խմբակցության պատգամավոր Աննա Կոստանյանը հետաքրքրվեց ՍԴ դատավոր Վահե Գրիգորյանի աշխատանքից: Նա նշեց, որ որքանով տեղյակ է՝ Վահե Գրիգորյանը Սահմանադրական դատարանի դատավորի լիազորությունների շրջանակներում գտվնողի որևէ գործառույթ չի իրականացրել, բայց շատ պարտաճանաչ կերպով ստացել է իր ամենամսյա աշխատավարձը, հավելավճար կամ պարգևավճար, օգտվել է ծառայողական աշխատասենյակից, մեքենայից, ստացել է վառելանյութ:
Էդգար Ղազարյանը ֆինանսական ցուցանիշների վերաբերյալ ասաց, որ գրավոր հարցմանը կպատասխանեն՝ թվերի մեջ չսխալվելու համար: «Այո, Վահե Գրիգորյանը չի մասնակցել Սահմանադրական դատարանի ոչ մի նիստի, ընդգրկված չի եղել դատական կազմում, հաղորդումներ չի ներկայացրել Սահմանադրական դատարանին իրեն մակագրված գործերի նախնական ուսումնասիրության արդյունքների վերաբերյալ, և նաև չի նախապատրաստել որոշման նախագծեր և այլ անհրաժեշտ նյութեր այն գործերով, որոնցով նշանակված է եղել որպես զեկուցող կամ համազեկուցող դատավոր»,-ասաց նա:
ՍԴ աշխատակազմի ղեկավարը նշեց, որ նրան ամրակացված է աշխատասենյակ, ծառայողական մեքենա, և ամեն ամիս հատկացվում է անհրաժեշտ վառելանյութ:
Հետևեք մեզ Viber-ում
