ՀՀ նախկին վարչապետ Հրանտ Բագրատյանի խոսքում տարընթերցման ոչ մի խնդիր չկա, պարզապես ժողովրդին ամեն օր պետք են հերոսներ ու հակահերոսներ: Այս մասին Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է «Քառյակ մեդիայի» համահիմնադիր Միհրան Հակոբյանը՝ անդրադառնալով Հրանտ Բագրատյանի հնչեցրած այն խոսքին՝ համաձայն որի՝ եթե ինքը լիներ Ալիևի տեղը, Հայաստանի վրա այս օրերին կհարձակվեր:
Նշենք, որ այս խոսքը երեկվանից դարձել է համացանցի քննարկման թեմա:
Միհրան Հակոբյանի խոսքով՝ պետք է նայել այս արտահայտության բովանդակությանը, ոչ թե՝ ձևին. «Հրանտ Բագրատյանն ասել է՝ ՀՀ այս իշխանությունը երկիրն այն վիճակի է հասցրել, որ թշնամին ամեն պահի կարող է հարձակվել: Ստեղծված իրավիճակում մեր անվտանգությունն է թուլացած, ներքին համախմբվածություն չունենք, արտաքին դաշնակիցների հետ հարաբերությունները փչացել են»:
Միհրան Հակոբյանի հռետորական հարց է բարձրացնում՝ հիմա ո՞վ է դավաճանական քայլ անում. «Երկու տարի է Նիկոլ Փաշինյանը Արցախի շուրջ փուլային տարբերակի շուրջ է բանակցում, Ալիևին տեղի անտեղի շողոքորթում է: Այսպիսի քայլերի գնացողն իր կողմից վճարվող ֆեյքերով փորձում է պատրանք ստեղծել, որ Հրանտ Բագրատյանը դավաճանական խոսք է ասել»:
Հաղորդման մյուս հյուրի՝ ՇՊՀ դասախոս Արթուր Համբարձումյանի դիտարկմամբ էլ՝ Հրանտ Բագրատյանը հաղորդման ժամանակ շատ ավելի կոշտ հայտարարություններ է արել. «Հրանտ Բագրատյանը նաև ասել էր, որ Հայաստանը երկիրը կառավարում է փնթի ձևով: Կարծում եմ՝ սա ավելի սուր հայտարարություն է, և այն մարդիկ, ովքեր այսօր հարձակվել են վերջինիս վրա, պետք է այս խոսքին ուշադրություն դարձնեին»:
Արթուր Համբարձումյանը համակարծիք է ՀՀ նախկին վարչապետի հետ, որ այսօր մեր երկիրը կառավարվում է շատ փնթի ձևով:
Ապրիլի 23-ին՝ ժամը 16:45-ին, Հայելի ակումբի հյուրն է Աննա Մայիլյանը
Ապրիլի 23-ին՝ ժամը 16:00-ին, Հայելի ակումբի հյուրն է վերլուծաբան Արգիշտի Կիվիրյանը
Ապրիլի 23-ին՝ ժամը 13:30-ին, Հայելի ակումբի հյուրն է Տաթև Արցախը
Ապրիլի 22-ին՝ ժամը 16:30-ին, Հայելի ակումբի հյուրն է Հայկ Նահապետյանը
Ապրիլի 22-ին՝ ժամը 15։00-ին, Հայելի ակումբի հյուրն է Սուրեն Սուրենյանցը
Ապրիլի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը
Ապրիլի 22-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը
Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը