3.5 մլն դոլարանոց զենքը Հայաստանը գնել է 27 մլն-ով. հնամաշ զենքերի գնման պատմության նոր հերոսները. բացառիկ մանրամասներ

NEWSPRESS.am-ը գրում է. Օրերս Սուրբ Աթոռում ՀՀ նախկին դեսպան Միքայել Մինասյանը ֆեյսբուքյան իր էջի եթերում, զենքի անօրինական վաճառքում Հայաստանի բարձրագույն ղեկավարության ներգրավածության մասին խոսելիս տվեց մի անուն, ում մասին NEWSPRESS.am-ը հրապարակել էր դեռ նախորդ տարի: Խոսքը Դավիթ Գալստյանի կամ «Պատրոն Դավիթի» և կամ էլ «Սուտինյոր Դավիթի» մասին է:

Շրջանակով ընդգծվածը Դավիթ Գալստյանն է

Եվ ահա NEWSPRESS.am-ին բացառիկ մանրամասներ են հայտնի դարձել զենքի աղմկոտ գնումների և առհասարակ նրա գործերի, պաշտոնյա հովանավորների և այլնի մասին:

Այսպես. ընթերցողին հիշեցնենք, թե ով է Դավիթ Գալստյանն առհասարակ: Նա երրորդ նախագահ Սերժ Սարգսյանի մտերիմ Վաչագան Ղազարյանի, նույն ինքը՝ Սերժի Վաչոյի սանիկն է: Դեռ նախորդ տարի էինք գրել այն մասին, որ մեր տեղեկություններով հենց Գալստյանն էր վճարել Վաչագան Ղազարյանի ազատության համար պահանջվող գրավն ամբողջությամբ։ Ինչ վերաբերում է նրա՝ «Սուտինյոր» մականվանը, ապա դա էլ կապված է այն բանի հետ, որ նա ժամանակին ինքնաթիռով աղջիկներ է բերելիս եղել Հայաստան: Գալստյանին Ղազախստանում եղած ժամանակ հանդիպել է Յուրի Խաչատուրովը հենց Գալստյանին պատկանող գիշերային ակումբում, ընկերացել նրա հետ, դրանից հետո Խաչատուրովը Գալստյանին «բերել է» Հայաստան, ծանոթացրել իր շրջապատի, այդ թվում՝ Վաչագան Ղազարյանի հետ: Այսպես էլ սկսվել է Պատրոն Դավիթ-Սերժի Վաչո տանդեմի քավոր-սանիկությունը, ինչի մասին նրբանկատորեն լռում է Միքայել Մինասյանը:


Ինչ վերաբերում է Գալստյանի՝ զենքի անօրինական վաճառքի հետ կապված «քաջագործություններին». Մինասյանը խոսում է պայմանականությունների լեզվով, ինչպես ինքն է ասում, «դիվանագիտորեն»: Մենք ավելի «անկեղծ» կլինենք ընթերցողների հետ և կհրապարակենք տեղեկությունները, որոնք հասել են մեզ այս գործարքի մասին, և քանի որ մեր նախորդ հրապարակմանն իրավական գործընթացներ չեն հետևել, ապա կարող ենք ենթադրել, որ Փաշինյանը պարզապես չի ցանկացել զբաղվել խնդրով, իսկ դա իր հերթին «այլ» ենթադրություններ անելու տեղիք է տալիս:

Ըստ այդմ՝ այժմ ավելի մանրամասն. զենքը, որի մասին չի խոսում Մինասյանը, «Կոռնետ» հակատանկային հրթիռների մասին է, այսինքն՝ դրանք նախատեսված են տանկեր խոցելու համար: «Սև շուկայում» «Կոռնետի» գնի տարբերությունը մինչև 20 անգամ ավելի է սովորական շուկայինից: Այսինքն՝ եթե սովորական շուկայում այդ զենքն արժե, ասենք, 10 հազար դոլար, ապա «սև շուկայի» պարագայում՝ ասենք 150 հազար դոլար: Սա է պատճառը, որ Գալստյանը «Կոռնետը» Հայաստան բերելու փոխարեն՝ վաճառել է «սև շուկայում»: Սա է նաև այն պատճառը, որի համար Ռուսաստանի Դաշնությունը, այսպես ասենք, վիրավորվել է Հայաստանից, և Դավիթ Գալստյանն էլ հայտնվել է ՌԴ «սև ցուցակում»:



Ինչ վերաբերում է Նիկոլ Փաշինյանի կողմից Դավիթ Գալստյանի՝ օֆշորում գրանցված Royalsys Engineering ltd. ընկերությանը զենքի առքուվաճառքով զբաղվելու լիցենզիա տալուն: Նշենք, որ այս ընկերությունը պետք է «Կալաշնիկով» ինքնաձիգի АК-12 և АК-15 տեսակների արտադրություն հիմներ: Նախ, միջանկյալ հարցնենք մեր երկրի վարչապետին, թե ինչպե՞ս է ստացվում, որ Հայաստանի Հանրապետության Պաշտպանության նախարարության գնումները կատարվում են Վաչոյի սանիկի՝ օֆշորում գրանցված ընկերության կողմից: Ինչո՞ւ Պաշտպանության նախարարությունն ինքը չի գնում իրեն անհրաժեշտ զինատեսակները, այլ օգտվում է օֆշորային ընկերություններից:


Եթե Փաշինյանը կդժվարանա հարցին պատասխանելուց, ապա մենք կհուշենք նրան. դա արվում է միայն և հատուկ այն բանի համար, որպեսզի տեղի ունենա կոռուպցիա, թալան: Դա ամենահարմար կոռուպցիոն մեխանիզմն է: Օֆշորային ընկերություններն, առհասարակ օգտագործվում են մեկ նպատակով, որպեսզի հանրությունը հնարավորություն չունենա տեղեկանալու, թե ինչ գնով է պետությունը ձեռք բերել այս կամ այն զինատեսակը, իսկ ՊՆ-ի պարագայում վճարած գները թաքցնել պարզապես հնարավոր չի լինի:

Եվս մեկ հարց էլ բարձրացնենք, որն ինքն իրեն պետք է տար Նիկոլ Փաշինյանը՝ ինչպե՞ս է Հայաստանում Կալաշնիկովի արտադրություն սկսելու մի ընկերություն, որի ղեկավարը «պերսոնա նոն գրատա» է Ռուսաստանում՝ 10 տարով:


NEWSPRESS.am-ը Հորդանանից ստացել է դեռևս Հորդանանում արված, որոշ դեպքերում, պատռված անիվներով զենքերի լուսանկարները, որոնք շարքից դուրս բերված են եղել և որոնք հետագայում վերանորոգվել, արտաքին «դզման-փչման» պրոցեսի են ենթարկվել, գունափոխվել և ուղարկվել Հայաստան, իսկ Նիկոլ Փաշինյանն էլ հպարտ դեմքի արտահայտությամբ լուսանկարվել է դրանց ֆոնին:

Լուսանկարներն արված են Հորդանանում՝ մինչ վերանորոգումը

Զենքերը՝ արդեն վերանորոգումից հետո

Բայց սա էլ դեռ ամենը չէ. այս զենքերի համար Հայաստանի բյուջեն վճարել է, ուշադրություն, 27 մլն դոլար, մինչդեռ զենքերի գնման համար ծախսվել է ընդամենը 3.5 մլն դոլար: Ստացվում է, որ շուրջ 23.5 մլն դոլար պարզապես հօդս է ցնդել: Ավելի կոնկրետ՝ օֆշորում կուտակված գումարները գնացել են ինչ-որ մարդկանց գրպանները՝ արդեն կաշառքի տեսքով:

Շեշտենք, որ շահագործված մեքենաներն օգտագործվել են անապատում՝ ավազների մեջ, և տեխնիկան ամբողջությամբ լցված է եղել ավազով, ինչն էլ ավելի է նպաստել շարքից դուրս գալուն:

 

Եվ քանի որ այժմ Հայաստանում չկա վարչապետի կողմից Հայաստան ներկրվող տեխնիկան ստուգող հանձնաժողով, որը կստուգեր այս մեքենաների սարքին լինելը, այդ ստուգումն իրականացնում է հենց ՊՆ-ն: Զավեշտ է՝ ՊՆ-ին ստուգում է ՊՆ-ն: Այստեղ է, որ կոռուպցիան բարենպաստ միջավայր է ստանում իր համար:

Այսքանով, սակայն, «Պատրոն» կամ «Սուտինյոր Դավիթի» արկածները չեն վերջանում. նա իր ենթակայությամբ աշխատանքի է վերցնում երկար տարիներ ՀՀ ՊՆ նյութատեխնիկական ապահովման դեպարտամենտի ֆինանսական վարչության պետ աշխատած Ռոբերտ Նադիրյանին, ում նախկին ՊՆախարար Վիգեն Սարգսյանն աշխատանքից հեռացրել էր, մեր տեղեկություններով, թալանի պատճառով: Քրեական գործ էլ պետք է հարուցվեր, սակայն Նադիրյանը ներկայացրել է բժշկական թուղթ այն մասին, որ ինքը ծանր հիվանդ է (չենք բացահայտում նրա հիվանդությունը, համենայն դեպս, ըստ ներկայացված փաստաթղթի՝ բժշկական գաղտնիքը պահելով), և, այսպես ասենք, նրան «ներել են»: Այժմ, փաստորեն, նա նորից աշխատանքի է անցել Գալստյանի թեթև ձեռքով:


Ինչ վերաբերում է արդեն պաշտոնական լուսանկարներին, ապա դրանցից մեկում երևում է ՀՀ ԶՈՒ ԳՇ պետի տեղակալ, գեներալ-լեյտենանտ Ստեփան Գալստյանը, ով ևս Պատրոն Դավիթի ընկերներից է՝ դեռևս Խաչատուրովի «ժամանակներից»:

Շրջանակով ընդգծվածը Ստեփան Գալստյանն է

Մեր աղբյուրները վստահ են, որ վերը նշված գործարքն անհնար էր անել առանց Ստեփան Գալստյանի իմացության, քանի որ հենց նա է համարվում հակաօդային պաշտպանության ու ավիացիայի գեներալ: Ասում են նաև, որ այս պահի դրությամբ հենց նա է Հայաստանում ամենահարուստ գեներալը, ով նույնիսկ սեփական ինքնաթիռներ ունի: Դրան դեռ կանդրադառնանք:

Դավիթ Գալստյանն իր հերթին, մոնոպոլիստ է ՊՆ-ում նման գործարքներ իրականացնելու առումով: Մեզ հասած տեղեկություններով՝ միայն նա կարող է այդքան կաշառք ապահովել՝ օգտագործելով իր օֆշորային ընկերությունը, որը, մեծ հաշվով, հենց այդ նպատակով էլ ստեղծվել է. որպեսզի ՀՀ քաղաքացու վճարած հարկերից զենք ձեռք բերելու նպատակով տրամադրված գումարները ինչ-որ մարդկանց գրպաններ հոսեն: Թե ում գրպաններն են գնում այդ գումարները, բացի այս սխեմայի «ճարտարապետ» մյուս՝ Ստեփան Գալստյանից, առայժմ թողնում ենք, որ բացահայտի իշխանությունը:


Վաչոյի սանիկ Դավիթ Գալստյանի ևս մեկ «հերոսության» մասին մեզ նույնպես հայտնի է դարձել. նա Փաշինյանի վարչապետության օրոք արդեն Հայաստան է բերել նույնիսկ 60-ականների զենքեր: Խոսքը Հարավսլավիայում արտադրված գնդացիրների մասին է, որը 20 անգամ թանկ է արժեցել Հայաստանի բյուջեի համար, քան դրա իրական գինն է: Այդ գնդացիրներն այժմ էլ «գցված են» ՊՆ պահեստներում, որովհետև որևէ ստորաբաժին դրանց կարիքը չունի:

Ընդհանրապես Գալստյանին պատկանող Royalsys Engineering ltd. ընկերության բերած բոլոր զենքերն էլ կամ հնամաշ են, կամ շուկայականից անհամեմատ թանկ ձեռք բերված: Ընդ որում՝ բոլոր այդ զենքերը մատակարարվել են հակաօդային պաշտպանության կարիքների համար, իսկ այդ կարիքների համար գնումները որոշում է ո՞վ: Ճի՜շտ է: Ստեփան Գալստյանը:


Վարչապետ Փաշինյանն ապրիլի 6-ին ֆեյսբուքյան օգտատերերից մեկի հարցին ի պատասխան նշել էր, որ երկար տարիներ հայաստանյան գրանցումով ինքնաթիռներն աֆրիկյան երկրներում ներգրավված են եղել ապօրինի գործունեության, այդ թվում՝ զենքի վաճառքի մեջ: Հուշենք Փաշինյանին, որ հենց այդ ինքնաթիռները, օդում կախված լուրերի համաձայն, պատկանում են հենց ՀՀ ԶՈՒ ԳՇ պետի տեղակալ, գեներալ-լեյտենանտ Ստեփան Գալստյանին:

Ինչ վերաբերում է Հայաստան չտեղափոխված խմբաքանակին և դրա հետևանքով Ռուսաստանի Դաշնության հետ հարաբերություններն էլ ավելի վատթարացնելուն, ապա մեր աղբյուրները պնդում են, որ դա է պատճառը, որ Ռուսաստանը չի ուզում Հայաստանի համար վերանայել ոչ միայն գազի գինը, այլև որևէ հարցում բանակցել Փաշինյանի ու նրա կառավարության հետ: Քանի որ, եթե վերը թվարկված մարդիկ ոչ միայն չեն ձերբակալվում-կալանավորվում, այլև շարունակում են աշխատել, ապա դա որոշակի վերաբերմունք է Ռուսաստանի նկատմամբ. Կրեմլը կարող է կարծել, որ իրենց մեջքի ետևում այս «զենքային քյանդրբազությունները» հովանավորվում են Հայաստանի քաղաքական ու ռազմական բարձրագույն ղեկավարության կողմից: Ռուսաստանն իր հակահայկական քայլերն արդեն իսկ ձեռնարկում է, բայց դա դեռ ամենը չէ: Սպասվում է, որ Միացյալ Նահանգների համար ևս սա, մեղծ ասած, անընդունելի է լինելու և պատասխան ապտակը Հայաստանը ստանալու է, քանի որ, միջնորդավորված, թե առանց, Հայաստանի համար ձեռք բերված զենքը հայտնվել է ահաբեկչական խմբավորումների ձեռքում:

Մանրամասները՝ NEWSPRESS.am-ում:

 

դիտվել է 799 անգամ
Լրահոս
Ահեղ դատաստանին սպասելիս Իսկ մենք մնացինք «փշալարերից կախված» Ցմահ առաջնորդը. Հաշտվե՞լ այդ իրականության հետ, թե՞ ոչ... Ով է այս անգամ դավաճաններին «սեւ շենք» ուղարկելու Հեղափոխական այլասերվածություն և հակապետական արկածախնդրություն Տեսակոնֆերանս՝ անհայտ օրակարգով. Ինչ կա քննարկելու Արցախի մասին Կդառնա՞ Փաշինյանը հայկական Սահակաշվիլի Շեղելու համար ներմուծվում է չեղած պատվաստանյութի թեման․ բժիշկ Հայկ Մանասյան Ինչու է խոչընդոտվել ՍԴ դատավոր Հրանտ Նազարյանի մուտքը ՍԴ. մանրամասներ ԲՈՇԱՆ ՓԱՇԱ ՉԻ՛ ԴԱՌՆԱ...Հորեղբորս աղջկա ընտանիքը մի ամբողջ օր փորձել է կապվել պարետատան հետ, սրանց բերանում էլ շունչ չի եղել Միջադեպ Սահմանադրական դատարանում․ ոստիկանները ՍԴ դատավորին թույլ չեն տվել շենք մտնել Լավ էլ «կակազում» էիք, ձեզ ի՞նչ եղավ Աղմկահարույց լուսանկարներում պատկերված անձինք կրում են ԱԺ ամբիոնից ելույթ ունեցած տրանսգենդերի ՀԿ-ի աշխատակցի բրենդի հագուստները (ԼՈՒՍԱՆԿԱՐՆԵՐ) Կորոնավիրուսը՝ իբրև լակմուսի թուղթ, ցույց տվեց Արսեն Թորոսյանի անունակությունը համակարգման և կառավարման դաշտում. նրան պետք է պաշտոնանկ անել. Վահան Արծրունի Եվրոխորհրդարանի շենքը թալանել են Իմացեք` վերացնում եք նաև ձե՛զ պաշտպանող սահմանագիծը Ես եւ իմ ընտանիքը Ձեր հավատարիմ ընթերցողներն ենք. Սերժ Սարգսյանը շնորհավորել է Ռազմիկ Դավոյանին` 80-ամյակի առթիվ Արսեն Թորոսյանը դատարանում է ԱԺ ներկայացուցիչը միջնորդություն է ներկայացրել ՍԴ. Արարատ Միրզոյան Երբ ամեն ինչ տապալում են, մնում է ցինիզմն ու լկտի անպատասխանատվությունը. Նաիրա Զոհրաբյանի պատասխանի Արսեն Թորոսյանին Ե՞րբ սկսեց այլասերվել Հայաստանը և ի՞նչ է պետք անել Ամերիաբանկը՝ համաճարակային պայմաններում օնլայն ծառայությունների ու նոր հնարավորությունների մասին. Տեսանյութ Պարետ Տիգրան Ավինյանը նոր որոշում է ստորագրել Չէ, դու ուրիշ լուծում չես թողել, քան քեզանից ազատվելը և ...
Ամենաընթերցվածները
Շուտով
Հարգելի գործընկերներ, այսօր՝ հունիսի 3-ին, Արմենպրես լրատվական գործակալության մամուլի սրահում նախատեսված ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանի ասուլիսի ժամը փոխվում է: Այն տեղի կունենա այսօր՝ 15:00-ին: COVID-19 համավարակի տարածմամբ պայմանավորված, ասուլիսներն առայժմ անցկացվելու են առցանց ձևաչափով: Խնդրում ենք լրագրողներին չներկայանալ ասուլիսի վայր: Դուք կարող եք «Արմենպրես» լրատվական գործակալության՝ «Ֆեյսբուք» սոցիալական ցանցի էջում հետևել առցանց հեռ... ՀՈՒԼԻՍԻ 3-ին` ժամը 12:00-ին, «Արմենպրես» պետական լրատվական գործակալության մամուլի սրահում տեղի կունենա ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանի ասուլիսը: Թեմա- Հանրապետությունում ընթացող ճանապարհաշինարարական աշխատանքների մանրամասները, առաջիկա ծրագրերը, ոլորտի խնդիրները: Հարգելի գործընկերներ, COVID-19 համավարակի տարածմամբ պայմանավորված, ասուլիսներն առայժմ անցկացվելու են առցանց ձևաչափով: Խնդրում ենք լրագրողներին չներկայանալ ասուլիսի վայր: Դուք կարող ե... Հուլիսի 3-ին` ժամը 12.00-ին, տեղի կունենա «GALLUP International association»-ի Հայաստանում լիիրավ անդամ Էմ Փի ՋԻ ՍՊԸ տնօրեն Արամ Նավասարդյանի մամուլի ասուլիսը: Ասուլիսը տեղի կունենա Gallup International -ի գրասենյակում` Բաղրամյան 2, բն. 28 հասցեում: Ասուլիսի ընթացքում կներկայացվեն ՀՀ-ում Հունիսի 10-27-ը իրականացված հերթական հետազոտության արդյունքները:մենք հնարավորություն ունենք ընդունելու մինչև 10 լրատվամիջոց, որպեսի կարողանանք պահպանել անհրաժեշտ համաճարակային պայմանները: Ուստի խնդրում ենք նախա... Հուլիսի 3-ին ժամը 12-ին կկայանա «Մեկ Հայաստան» կուսակցության նախագահ Արթուր Ղազինյանի մամուլի ասուլիսը` նվիրված նոր կորոնավիրուսի համաճարակի դեմ պայքարը տապալելու փաստի առթիվ քրեական գործ հարուցելու Արթուր Ղազինյանի կողմից ներկայացված հաղորդման Հատուկ քննչական ծառայություն պաշտոնական պատասխանին։ Հասցեն՝ Հանրապետության 51/53 Հունիսի 2-ին, ժամը 13:00-ին Հայելի ակումբի հյուրերն են «Համերաշխություն» կուսակցության ղեկավար Սարգիս Ավետիսյանը և Սննդի անվտանգության պետական ծառայության նախկին պետ Գրիգոր Գրիգորյանը: Թեմա՝ ՍԴ-ի շուրջ տեղի ունեցող իրադարձություններ, գույքահարկի բարձրացում, ինչ հետևանքներ կունենա բնակչության վրա, տույժեր և տուգանքներ Հուլիսի 2-ին, ժամը 11:00-ին Հայելի ակումբի հյուրերն են քաղաքական գործիչ Գուրգեն Եղիազարյանը և ֆերմեր Տիգրան Եղոյանը: Թեմա՝ Գյուղատնտեսական խնդիրներ, ինչ խոչընդոտների են բախվել գյուղացիները, ֆերմերը կոչով կդիմի համայն հայությանը Հուլիսի 2-ին, ժամը 12:00-ին Հայելի ակումբի հյուրերն են Մոնթե Մելքոնյան կազմակերպության ղեկավար Նարինե Հովհաննիսյանը և PR տեխնոլոգ Հայկ Մկրտչյանը: Թեմա՝ գույքահարկի բարձրացում, ինչ հետևանքներ կունենա բնակչության վրա, տույժեր և տուգանքներ այսօր՝ հուլիսի 1-ին, ժամը 21։00-ին, տեղի կունենա ԵՊԲՀ գիտական խորհրդի հեռավար նիստ, որի ընթացքում ԵՊԲՀ պրոֆեսորադասախոսական կազմը, հանդիսավոր կերպով, իրշնորհակալությունը կհայտնի բուժաշխատողներին, ովքեր առաջնագծում պայքարում են Covid 19-ի դեմ։ Գիտխորհրդի նիստում Հիպոկրատի երդում կտա ԵՊԲՀ 2019-2020 թվականի863 շրջանավարտ՝ հեռավար կարգով ՀՈՒԼԻՍԻ 1-ին` ժամը 11:00-ին, «Արմենպրես» պետական լրատվական գործակալության մամուլի սրահում տեղի կունենա ՀՀ ԳԱԱ Մոլեկուլային կենսաբանության ինստիտուտի տնօրեն Արսեն Առաքելյանի ասուլիսը: Թեմա- Մոլեկուլային կենսաբանության ինստիտուտի ծրագրերը, կորոնավիրուսի ախտորոշման թեստերի արտադրության գործընթացի մանրամասներ: Հարգելի գործընկերներ, COVID-19 համավարակի տարածմամբ պայմանավորված, ասուլիսներն առայժմ անցկացվելու են առցանց ձևաչափով: Խնդրում ենք լրագրողներին չներկայանալ ասուլիսի վայր: Դուք կարող եք «Ա... Հունիսի 30-ին, ժամը 20:00-ին, Մեդիա կենտրոնը կազմակերպում է քննարկում «Սիրով կհարկենք նաև ձեր գույքը, հարգելի՜ քաղաքացիներ. ինչու՞ են քաղաքացիները դիմադրում «Գույքահարկի մասին» օրենքին» թեմայով: Բանախոսներ՝ - Արտակ Մանուկյան, ԱԺ «Իմ քայլը» խմբակցության պատգամավոր, Տնտեսական հարցերի մշտական հանձնաժողովի անդամ, - Հրանուշ Խառատյան, ազգագրագետ, - Հովհաննես Ավետիսյան, տնտեսագետ:
Հետևեք մեզ Facebook-ում https://www.facebook.com/hayeliclub