Փաշինյանին հեռանալու երեք ճանապարհ են առաջարկել
Մեր տեղեկություններով` մշակվում է Նիկոլ Փաշինյանի հեռանալու մի քանի տարբերակ, մշակողներն ամենատարբեր դաշտերից են, որոնք տեսնում են, որ Փաշինյանն ինքն էլ հասկանում է, որ երկիրը կոլափսի առջեւ է կանգնեցրել, ձախողել է կորոնավիրուսի դեմ պայքարը, տնտեսություն ուղղակի գոյություն չունի, ավիրել է հարեւանների հետ բոլոր հարաբերությունները։ Փաշինյանը տեղյակ է նաեւ, որ իր
մասնակցությամբ աղմկոտ բացահայտումները դեռ շարունակվելու են, եւ այդ հարցում խառն է նաեւ Ռուսաստանի իշխանությունների մատը՝ մաքսանենգ ճանապարհով ծխախոտի իրացումից, մինչեւ զենքի ապօրինի վաճառքի պատմություն։
Համաձայն մշակվող սցենարներից առաջինի, լավագույն տարբերակն է լինելու, որ Փաշինյանը պարզապես խաղաղ հեռանա եւ տեղի ունենան խորհրդարանական արտահերթ ընտրություններ, երկրորդ ճանապարհը՝ Փաշինյանը դառնում է ՀՀ նախագահ եւ ընտրում են ժամանակավոր կառավարություն, վարչապետ, մեկ տարի հետո միայն խորհրդարանական ընտրություններ են անցկացվում, եւ երրորդ՝ թիմից է ընտրվում նոր վարչապետ։ Այս տարբերակները ինչ-որ խողովակներով ներկայացվել է վարչապետին։ Եւ չնայած Փաշինյանը հատել է բոլոր անթույլատրելի կարմիր գծերը, միեւնույն է այս երեք ճանապարհներից ցանկացածի ընտրության դեպքում ինքը անվտանգության երաշխիքներ կստանա հետագայի համար։