«Քոչարյանի գործով պետք է կիրառվի «7-ի գործ»-ի պրակտիկան». Սարգիս Գրիգորյանը պարզաբանում է` որն է դա
Այսօր Մարդու իրավունքների եվրոպական դատարանը հրապարակեց ՀՀ ՍԴ հարցման վերաբերյալ իր խորհրդատվական կարծիքը, որի մասին որոշ պարզաբանումներ ներկայացրեցին Ռոբերտ Քոչարյանի փաստաբանական թիմի ներկայացուցիչները։
Իրավաբան Սարգիս Գրիգորյանի խոսքով՝ արձանագրության նպատակը հստակ է՝ օժանդակել ներպետական դատարաններին՝ մեկնաբանել և կիրառել Կոնվենցիայով սահմանված իրավունքներն ու ազատությունները:
«Ներպետական դատարանները, մասնավորապես այս դեպքում՝ ՍԴ-ն, կարող է և պետք է կիրառի ներպետական օրենսդրությունը և այն պրակտիկան, որը ձևավորվել է տարիների ընթացքում՝ ես նկատի ունեմ 2009 թվականին կայացված «7-ի գործ»-ի վճիռները, որտեղ գործերը կարճվել են՝ ելնելով նոր հանցակազմի հիմքից: Եվ նույն սկզբունքը պետք է կիրառվի տվյալ գործով: Դա է փորձում ասել Մարդու իրավունքների եվրոպական դատարանը»,- ասաց Սարգիս Գրիգորյանը: