Խնդրում եմ որևէ մեկի նշանակումը չհամարել քաղաքական առևտուր. ինչ պաշտոն է ստանում Մասիս Մայիլյանը
«Մասիս Մայիլանը իմ հրամանագրով նշանակվել է Արցախի արտաքին գործերի նախարար: Երկար եմ մտածել այդ ուղղությամբ, ոչ թե նրան եմ նշանակել, այլ ես համագործակցության կոչ եմ արել, ինքն ընդունել է։ Մենք մտածում էինք տարբեր ձևաչափեր՝ հաշվի առնելով նրա ստացած ձայների քանակը , առաջին փուլում ՝ավելի քան 26 տոկոս»,- ֆեյսբուքյան ուղիղ եթերում ասաց Արցախի նախագահ Արայիկ Հարությունյանը:
«Մեր հարաբերությունները միշտ ջերմ են եղել, քննարկել ենք նաև այլ ուղղություններ:Ուզում եմ շնորհակալություն հայտնել նրան՝ համագուծակցության առջարկն ընդունելու կապակցությամբ և խնդրում եմ որևէ մեկին չհամարել սա քաղաքական առևտուր։ Մենք, հաշվի առնելով ստեղծված իրավիճակը, մարտահրավերները, համաձայնել ենք միասին ստանձնել մեր երկրի համար հետագա պատասխանատվությունը»,- ասաց նա:
Հետևեք մեզ Viber-ում
