Ռուբեն Հայրապետյանն իր նախաձեռնությամբ հեռախոսազրույց է ունեցել քննչական խմբի ղեկավարի հետ, նշել իր հասցեն. Ամրամ Մակինյան

Այսօր Երևան քաղաքի Ընդհանուր իրավասության դատարանի Շենգավիթի նստավայրում ավարտվեց ՀՖՖ նախկին նախագահ Ռուբեն Հայրապետյան նկատմամբ նախաքննական մարմնի ներկայացրած կալանքի միջնորդության քննարկումը:

Հրապարակված որոշման ու դրա պատճառների մասին 168.am-ը զրուցել է Ռուբեն Հայրապետյանի փաստաբան Ամրամ Մակինյանի հետ:

-Դատարանը հրապարակեց ՀՖՖ նախկին նախագահ Ռուբեն Հայրապետյանի նկատմամբ նախաքննական մարմնի` կալանքը որպես խափանման միջոց ընտրելու միջնորդությունը: Ի՞նչ որոշում կայացրեց դատարանը:

– Առաջ ընկնելով` միանգանից ասեմ, որ կայացվեց որոշում, որն ինձ համար սպասելի ու կանխատեսելի էր: Կանխատեսումներ ես արել էի դեռևս ամիսներ առաջ, իսկ շատ ավելի հստակ` հանրային դաշտում` արդեն 10 օր առաջ, ու նշել էի, որ Ռուբեն Հայրապետյանի նկատմամբ կալանավորման որոշում կկայացվի, որը վերջապես կայացվեց: Բայց մի կարևոր հանգամանքի մասին, այնուամենայնիվ, ուզում եմ նշել. Դատարանը Ռուբեն Հայրապետյանի առնչությունն իրեն մեղսագրված 2 արարքներին առնվազն չհաստատեց, այդ թվում՝ նաև նրան վերագրված առերևույթ ծանր հանցագործությանը, որը որակվել էր՝ որպես հոգեկան ուժեղ տառապանք պատճառել և ապօրինի ազատությունից զրկել: Այս երկու հոդվածներով Ռուբեն Հայրապետյանի առնչությունը չհաստատվեց: Բայց նախաքննական մարմինը Ռուբեն Հայրապետյանին կալանավորելու իր ցանկությունները սկսել էր իրագործել դեռևս ապրիլի 16-ից սկսած, երբ սկսեցին անընդհատ ծանուցագրեր ուղարկել, ու մենք շարունակ հիմնավոր պատասխաններ էինք ներկայացնում վարույթն իրականացնող մարմնին, որ Ռուբեն Հայրապետյանի կոնկրետ գտնվելու վայրը հայտնի է, նա գտնվում է ռիսկային խմբում, մեկուսացման ռեժիմում, ու չի կարող վերադառնալ Հայաստան: Փաստացի մեր ներկայացրած փաստարկները դատարանը հաշվի չառավ, ու դիտարկվեց, որ Ռուբեն Հայրապետյանը թաքնվում է քննությունից:

– Պնդում եք, որ Ռուբեն Հայրապետյանը չի թաքնվում քննությունից:

– Ես բացահայտ ու ամենայն պատասխանատվությամբ կարող եմ հայտարարել ի լուր աշխարհի՝ Ռուբեն Հայրապետյանի գտնվելու վայրը, կոնկրետ հասցեն, որը վարույթն իրականացնող մարմինն ու դատարանը շատ լավ գիտեն:

– Այսինքն` գործի նյութերում կա՞ն այդ տվյալները:

– Միանշանակ: Ես իզուր չէ, որ ավելի վաղ գրել էի՝ «հետախուզվում են հետախուզման հիմքերը»: Հետախուզման հիմքերը երկուսն են` թաքնվելը վարույթն իրականացնող մարմնից ու գտնվելու վայրը պարզ չլինելը: Երկու հիմքն էլ բացակայում են, բայց պետք էր Ռուբեն Հայրապետյանին կալանավորել, այդ որոշումը կայացվեց: Շատ կանխատեսելի որոշում էր, բայց արդարության համար մեկ անգամ էլ կրկնեմ, որ դատարանն արձանագրեց, որ Ռուբեն Հայրապետյանը առնչություն չունի իրեն վերագրված մեկ ծանր և մեկ միջին ծանրության հանցագործությանը, փաստ է: Արձանագրվել է նաև, որ չկա հիմնավոր կասկած Ռաֆիկ Հայրապետյանին` Ռուբեն Հայրապետյանի որդուն վերագրված արարքների մասով, կրկին երկու հոդվածներով:

– Այդ դեպքում ի՞նչ հիմքով կալանքի որոշում կայացրեց դատարանը:

– Ռուբեն Հայրապետյանին մեղսագրված երեք արարքներից երկուսի մասով չհաստատվեց վերջինիս առնչությունը, մեղսագրված էր նաև ինքնիրավչության արարքը:

– Փաստորեն կալանքի միջնորդությունն ինքնիրավչության հիմքով է բավարարվել:

– Այո:

– Ձեր հետագա քայլերը որո՞նք են լինելու:

– Այս իրավական կամայականություններին մենք արձագանքելու ենք օրենքով չարգելված բոլոր եղանակներով: Չմոռանամ ասել, որ, երբ մենք հասկացանք, որ քննիչն ամեն ինչ անում է Ռուբեն Հայրապետյանին կալանավորման տանելու համար, մենք քննիչի գործողությունները դիտարկեցինք՝ որպես առերևույթ հանցանք, և ես դատախազությանը ներկայացրի հաղորդում հանցագործության մասին:

– Որևէ պատասխան ունե՞ք դատախազությունից:

– Պետք է անկեղծ լինեմ ու ասեմ` դեռ որևէ պատասխան չեմ ստացել: Վարույթն իրականացնող մարմնի հարգելի քննիչը ձգտում է արհեստական ապացույցներ գտնել, թե իբրև Ռուբեն Հայրապետյանը թաքնվում է քննությունից:

– Դուք նշում եք, որ գործի նյութերում կա Ռուբեն Հայրապետյանի գտնվելու հասցեն, և պնդում եք, որ նա վարույթն իրականացնող մարմնից թաքնվելու միտում չունի, սակայն այս համավարակի պայմաններում, երբ սահմանները փակ են, Ռուբեն Հայրապետյանն ինչպե՞ս պետք է վերադառնա:

– Իհարկե, չի կարող վերադառնալ, որովհետև հեռահաղորդակցություն չկա, բայց մի շատ հետաքրքիր հանգամանքի մասին եմ ուզում նշել: Վարույթն իրականացնող մարմինը, «կարևորելով» այս գործը, կապվել է ՌԴ-ում Հայաստանի դեսպանի հետ, որպեսզի վերջինս ապահովի Ռուբեն Հայրապետյանի` մայիսի 25-ին Հայաստան վերադառնալը, այն դեպքում, երբ այդ օրվա դրությամբ ՀՀ մոտ 3000 քաղաքացի հերթագրված է 220 տեղանոց ինքնաթիռով վերադառնալու համար:

– Ձեր վարկածը ո՞րն է: Ի՞նչ տրամաբանություն եք տեսնում նախաքննական մարմնի ու դատարանի գործողություններում:

– Պատճառները շատ պարզ են: Սա պայմանավորված է Ռուբեն Հայրապետյանի անձով, նրա նկատմամբ դեռևս անցած տարեվերջից սկսված հետապնդումներով: Սա հերթական փուլն էր:

– Ռուբեն Հայրապետյանը մի առիթով 168.am–ին տված իր հարցազրույցի ժամանակ ասել էր, որ իրեն իշխող խմբակցության պատգամավոր, իր երբեմնի ընկեր Անդրանիկ Քոչարյանը միջնորդավորված առաջարկել է լքել երկիրը, որովհետև իր նկատմամբ քրեական հետապնդումներ են սկսվելու, ինչը վերջինս մերժել է: Այս իրադարձությունները Դուք դիտարկո՞ւմ եք այն համատեքստում, որ իշխանություններն ուզում են հասարակությանը ցույց տալ, որ Ռուբեն Հայրապետյանը մեղավոր է, այլապես կվերադառնար:

– Այո, դիտարկում եմ, և այստեղ մի շատ մեծ ինչո՞ւ կա: Փաստացի վարույթն իրականացնող մարմնի գործողությունները ոչ թե ուղղված են Ռուբեն Հայրապետյանին ՀՀ վերադարձնելուն, այլ վերադարձը խոչընդոտելուն: Ռուբեն Հայրապետյանն իր նախաձեռնությամբ հեռախոսազրույց է ունեցել քննչական խմբի ղեկավարի հետ, նշել իր հասցեն, պատրաստակամությունը նախաքննական մարմնին ներկայանալու, և ասել, որ հանրահայտ փաստ է, որ աշխարհը գտնվում է համավարակի մեջ: Եվ հարց է առաջանում, և ես այն քննիչին ուղղել եմ` պարետի որոշմամբ` ՀՀ վերադարձող ցանկացած անձ գտնվում է 14-օրյա պարտադիր մեկուսացման կամ ինքնամեկուսացման ռեժիմում` պայմանավորված նրա մոտ հայտնաբերված սիմպտոմներով: Անգամ, եթե Ռուբեն Հայարպետյանը կարողանար էլ գար, անհնար էր լինելու նրա ներկայանալը վարույթն իրականացնող մարմնին: Այս ամենը գրավոր քրեական գործի մեջ կա: Թե ոնց էր պատկերացնում քննիչը Ռուբեն Հայրապետյանի հարցաքննությունը…

– Ի վերջո, սա ինչի՞ համար է արվում` հանրային կարծիք ձևավորելո՞ւ համար, թե՞ այլ պատճառ էլ կա:

– Առաջինը, սա արվում է Ռուբեն Հայրապետյանի մուտքը ՀՀ արգելափակելու համար:

– Ինչո՞ւ չեն ուզում, ըստ Ձեզ, որ Ռուբեն Հայրապետյանը վերադառնա:

– Այս գործը, որ այժմ այսպես է «պատրաստվել», այլ լույսի ներքո պետք է գնահատվի: Մենք հանցագործության մասին նաև հաղորդում ներկայացրինք, որ Ռուբեն Հայրապետյանի ընտանիքը տուժող է, և որպեսզի քննությունն այդ ուղղությամբ չընթանա, խոչընդոտում են Ռուբեն Հայրապետյանի մուտքը ՀՀ: Դրան գումարած նաև հանրային կարծիք ձևավորելու գործոնը. Նպատակ կա, որ ամեն ինչ միակողմանի ներկայացվի:

 

դիտվել է 575 անգամ
Լրահոս
Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը Ոսկեպարցիներն անհամբեր սպասում են Լավրով. Փաշինյանը հրավիրել է ԵՄ առաքելություն Հայաստան՝ Ադրբեջանին խոստանալով, որ դա կլինի 2 ամսով Ո՞ր դեղերը չեն մտնի էլեկտրոնային դեղատոմսերով վաճառվողների ցանկ Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք Կրկին մեղադրում են ՌԴ-ին Մայիսին կամ հունիսին սպասվում է Ռուսաստանի կողմից լայնածավալ հшրձակում, բայց մենք պատրաստ չենք․ մենք հիմա օգնության կարիք ունենք․ Զելենսկի ՀՀ սահմանային փոփոխություններից հետո Խնածախի ապարանքը հայտնվեց սահմանից 700 մ․ հեռավորության վրա Դժվարին որոշում եմ կայացրել. Վազգեն Ռշտունի Օգնության հասած ավտոմեքենան այրվել է, կրակը տարածվել է Վաղ առավոտյան խուզարկել են գնդապետ Վոլոդյա Ավետիսյանի տունը Եկեք համախմբվենք մեր ջանքերում՝ պաշտպանելու Արցախի ժողովրդի շահերն ու իրավունքները․ Արտակ Բեգլարյան «...կպատերազմենք»․ Սիմոնյան Ալեմ Սիմոնյանը կրկին կհանդիպի Ադրբեջանի Միլլի Մեջլիսի նախագահի հետ Քիրբին ու Զախարովան խոսել են Կրոկուսի ահաբեկչության մեղավորներից․ միմյանց վիրավորանքներ են հնչեցրել Անչափահասների մասնակցությամբ հերթական ծեծկռտուքն ու վիճաբանությունն է եղել Շահրամանյանի կողքը կանգնած խորհրդատուները կործանում են հենց Շահրամանյանին. Տիգրան Քոչարյան Նիկոլ Փաշինյանի նյարդերը տեղի են տվել Նոր դիվանագիտական սկանդալ է հասունանում արտգործնախարարությունում Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Փաշինյանը փակագծերը չի բացում. Արեւմտամետները կասկածում են Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին Ովքե՞ր են ընդգրկված լինելու Հայկ Մարությանի նոր կուսակցությունում Դիանա Գալոյանը նոր պաշտոն կստանա՞ Գյումրիում Նիկոլ Փաշինյանին շատ «ջերմ» ընդունելություն են ցույց տվել
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am