Սահմանադրական դատարանի հարցը արդեն գցել եք ոտքներիդ, ինչի՞ եք ուզում անպայման ընկնի գլխներիդ

Նիկոլի Ազգային ժողովը քննարկում է և ամենայն հավականությամբ կընդունի փաթեթ, որում ընդգրկված է թվով երեք սահմանադրական օրենքներում փոփոխություններ և լրացումներ կատարելու մասին հարցերը:

Բնականաբար սահմանադրական երեք օրենքներում (Հանրաքվեի մասին, Ազգային ժողովի կանոնակարգ, Սահմանադրական դատարանի մասին սահմանադրական օրենքներ) փոփոխություններ և լրացումներ կատարելու մասին նախագծերի փաթեթի հեղինակը պիտի լիներ իմ քայլում Սահմանադրությունից <<հասկացող>> միակ մարդը` Վահագն Հովակիմյանը:

Նախագծի քննարկումներին հետևելիս տպավորություն է ստեղծվում, որ նախագիծը միտված է միայն Նիկոլի ու իր նախաձեռնած անօրինական հանրաքվեի շուրջ ստեղծված իրավիճակը հանգուցալուծելուն: Այսինքն, քողարկելու ակնհայտ դարձած այն հանգամանքը, որ <<Իմ քայլը>> պարտվելու էր առաջիկա հանրաքվեում և դրանով վերջնականապես պարզ էր դառնալու իրենց ունեցած իրական քվեների տոկոսը: Նրանք խուճապահար ձեռնամուխ են եղել ԱԺ-ում ունեցած լծակներով, թեկուզև անօրինական, բայց հարցը լուծելուն:

Բայց, Հանրաքվեի մասին սահմանադրական օրենքում փոփոխություն և լրացումներ կատարելու մասին նախագիծն ու կից ներկայացված նախագծերի փաթեթն ունի մի քանի նպատակներ և դրանք շատ ավելի հեռահար են, քան կարող է թվալ առաջին հայացքից:

Նախագծի առաջին նպատակն, ինչպես արդեն նշեցի, ապրիլի 5-ին չկայացած և արտակարգ դրության ավարտից հետո օրենքի ուղղակի պահանջով արտակարգ դրության ավարտից ոչ շուտ քան 50 և ոչ ուշ քան 60 օր հետո պարտադիր անցկացվելիք հանրաքվեի չեղարկումն է:

<<Իմ քայլի>> հանրաքվեի պարտությունից խուսափելու համար <<Հանրաքվեի մասին>> սահմանադրական օրենքը և ԱԺ կանոնակարգ սահմանադրական օրենքը լրացվում է դրույթներով, որոնք հնարավորություն կտան ԱԺ-ին արտակարգ կամ ռազմական դրության պատճառով չանցկացված, բայց հանրաքվեի դրված Սահմանադրության փոփոխությունների նախագիծը ԱԺ որոշմամբ ուժը կորցրած ճանաչելու մասին որոշման նախագիծ ներկայացնել պատգամավորների մեկ քառորդի կողմից և այն ընդունել պատգամավորների ընդհանուր թվի ձայների առնվազն երկու երրորդով:

Ստացվում է, որ Ազգային ժողովի մեծամասնությունը և իշխող խմբակը ևս մեկ անգամ անտեսում են ՀՀ Նախագահի ինստիտուտը և Նիկոլի քաղաքական նպատակահարմարությունից ու բարեհաճությունից է կախված նշանակված հանրաքվեի անցկացումը:

Այսպես, հանրաքվեն նշանակում է ՀՀ նախագահը: Օրենքով սահմանված ժամկետներում հրամանագիր ստորագրում հանրաքվե նշանակելու մասին: Չեմ անդրադառնում Նախագահի այն լիազորություններին, որոնք կապված են հանրաքվե չնշանակելու հետ, այն պարզ պատճառով, որ ապրիլի 5-ին հանրաքվե անցկացնելու մասին հրամանագիրը Նախագահը ստորագրել է:

Հիմա ստացվում է, որ Նիկոլի ԱԺ-ն հանրապետության նախագահի ստորագրած և օրենքի ուժով որոշակի ժամկետներում կիրարկման ենթակա հրամանագիրը ոչինչ է: Այն կարող է ցանկացած պահի ուժը կորցրած ճանաչվել ԱԺ որոշմամբ, որն էլ իր հերթին իմաստազրկում, ավելի կոնկրետ զրկում է Նախագահի հրամանագիրը իրավաբանական ուժից` վերացնելով այդ հրամանագրի իրավական հենքը:

Նիկոլի ու իր իշխանազավթ խմբակի համար երկրի իրավական կայունությունը գրոշի արժեք անգամ չունի: Այսօր պետք է Նիկոլին հանրաքվե` կանենք: Այդ հանրաքվեն էլ պետք չէ` ուրեմն կվերաշարադրենք օրենքներն այնպես, որ ուժը կորցրած ճանաչենք նույնիսկ այն որոշումը, որի վերաբերյալ կա հանրապետության նախագահի հրամանագիր:
Այս մասով այսքանը, մնացածը թող մտածի Արմեն Սարգսյանը:

Այս նախագիծն ունի ոչ պակաս ու հետաքրքրական մեկ այլ նպատակ ևս:
Նիկոլը ԱԺ-ի միջոցով որոշել է <<շտկել>> Սահմանադրական դատարանի լիազորությունների իրականացումը: Այսպես, <<Սահմանադրական դատարանի մասին>> սահմանադրական օրենքում լրացումներ կատարելու մասին օրենքի նախագծով ցանկություն է հայտնում ՍԴ-ի համար ամրագրել Սահմանադրության փոփոխությունների նախագծի սահմանադրականության գնահատման շրջանակները: Ըստ ԱԺ-ի մեծամասնության, Սահմանադրական դատարանը ոչ թե Սահմանադրության համապատասխանության հարցը պիտի որոշի Սահմանադրության փոփոխությունների նախագծի վերաբերյալ, այլ Սահմանադրության անփոփոխելի հոդվածներին համապատասխանության տեսանկյունից դիտարկի նախագիծը: Սա ուղղակիորեն նշանակում է, որ Սահմանադրական դատարանը սահմանադրության փոփոխությունների նախագծի մասով պիտի պարզի Սահմանադրության 1–ին, 2-րդ և 203-րդ հոդվածների համապատասխանության հարցն ընդամենը:

Ուզում եմ փաստել, որ սա ևս մեկ անօրինական ոտնձգություն է ՀՀ Սահմանադրական դատարանի անկախությանը, անաչառությանը և ինքնուրույնությանը:

Այս նախագծի ընդունումն ուղղակիորեն հակասում է ՀՀ Սահմանադրության 168-րդ հոդվածի իրավական տրամաբանությանը և նշված հոդվածի 1-ին մասին: Համաձայն դրա՝ Սահմանադրական դատարանը որոշում է իրավական ակտի կամ նախագծի Սահմանադրությանը համապատասխանության հարցը և ոչ թե Սահմանադրության այս կամ այն հոդվածին համապատասխանության հարցը:

Հ.Գ. Սահմանադրական դատարանի հարցը արդեն գցել եք ոտքներիդ, ինչի՞ եք ուզում անպայման ընկնի գլխներիդ։

Աննա Մկրտչյանի ֆեյսբուքյան էջից

դիտվել է 393 անգամ
Լրահոս
Անչափահասների մասնակցությամբ հերթական ծեծկռտուքն ու վիճաբանությունն է եղել Շահրամանյանի կողքը կանգնած խորհրդատուները կործանում են հենց Շահրամանյանին. Տիգրան Քոչարյան Նիկոլ Փաշինյանի նյարդերը տեղի են տվել Նոր դիվանագիտական սկանդալ է հասունանում արտգործնախարարությունում Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Փաշինյանը փակագծերը չի բացում. Արեւմտամետները կասկածում են Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին Ովքե՞ր են ընդգրկված լինելու Հայկ Մարությանի նոր կուսակցությունում Դիանա Գալոյանը նոր պաշտոն կստանա՞ Գյումրիում Նիկոլ Փաշինյանին շատ «ջերմ» ընդունելություն են ցույց տվել Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am